الجمبرى المشوووووى والسمك كمان بالصور 2024.بواسطة zaimba zaimba22 أغسطس، 2023 السلام عليكم يا فتوكات النهارده جبتلكم غدايا بالصور جمبرى مشوى مع سمك وسلطه سمك مقلى يمشى مع جمبرى مشوى اااااااه يمشى ويقعد كمان ههههههههه اصل محدش كان له مزاج ياكل مشوى كمان ولادى ملهمش فى السمك بياكلو جمبرى اكتر انا كنت مصوره من الاول بس فيه صور ضاعت منى معلش بقا استحملونى الاول تتبيل الجمبرى صلصه حاره ودى بتشتريها من بره وجنزبيل طازه ده اساسى فيها بيدى طعم جبااااااار مطحون او ناشف لاء وتوم وليمون وملح وشطه وروشستر صوص وزيت الصلصه الحاره دى هتلاقيها كثيفه زى الكاتشاب هاتبلى الجمبرى وهايكون بقشره ومفتوح ضهره علشان كيس الرمل تبليه شويه وسخنى الجريل اووووووووى وابتدى اشويه ومتمليش الطاسه علشان ميتحولش لمسلوق وبعدين بعد ما تشويه رجعى الكميه تانى كلها فى الجريل ومعاهم فى القاع باقى الصلصه من التتبيل بس متحطيهاش فوق الجمبرى من الجمب ضيفى الصلصه بصو بقا انا هاخلص الوصفه وبعدين انزل الصور خلاص الجمبرى خلص بس طعمه خراااااااافى والله احلى من بتاع بره الريحه كانت مبهدله السلم زى ما بهدلت البوتجاز كده هاعمل الرز عادى بالبصل والسمك غسلته وصفيته ومن جوه حشيته بالتوم والكسبره والملح والليمون والخل والجنزبيل بصو بقا دماااااااااار شامل مع السمك المقلى كسبره ناشفه مش خضرا وخلاص ده من جوه من بره بقا هاجيب كده كبشه ملح محترمه معاها نص كوبايه خل و5 ليمونات هاتقولو هايبقى حادق ولا الهوا ساعات كمان بزود ملح حسب كميه السمك وبعدين مش بحب انقع السمك فى ميه وملح لونه بيغير والسمك بطنه حساسه واقلى السمك وشمى الروايح هاتاكلى سمك طرى ولذيذ وشارب ليمون وتتبيل ومن بره مقرمش طبعا من الخل والليمون ولا ميه بقا ولا بتاع بحط فى الدقيق شويه توم بودر دى اختيارى بس الريحه يا جماعه جبااااااااره السلطه بقا عادى جدا بس السلطه بتاعتى مهما قعدت فى التلاجه مش بتغير ولا بتجيب ميه ليه بقاااااا لانى بستعمل طماطم بلحه فيها السوائل مش كتير وبغسل الخضره واحطها فى الغساله علشان هيه كمان متنزلش ميه حتى لو حطيتها فى التلاجه بتقعد معايا بالاسبوع كأنى لسه جايباها وقبل الاكل بحط الفلفل الجااااااااااااامد علشان بنتى مبتاكلش حامى بشيل شويه فى جمب وبحط الليمون والخل والملح وعيشى حياتك يا فتوكه وطبعا معرفتش اطلع اكل قبل ما انضف دراعى اليمين البوتجاز شكله كاااااان بشع هو كمان اخدله صوره ههههههههههههه عاوزه ارجع الاقى الردود مدهوله الدنيا هاروح اعمل شاى واسيبكم مع الصور والتقييم طبعاااااااااااااااا متنسوش https://files2.fatakat.com/2016/1/13270893427239.jpg https://files2.fatakat.com/2016/1/13270893858490.jpg https://files2.fatakat.com/2016/1/13270894408248.jpg https://files2.fatakat.com/2016/1/13270902082611.jpg https://files2.fatakat.com/2016/1/13270902486901.jpg https://files2.fatakat.com/2016/1/13270903584752.jpg https://files2.fatakat.com/2016/1/13270904044386.jpg https://files2.fatakat.com/2016/1/13270909414375.jpg https://files2.fatakat.com/2016/1/13270909826656.jpg https://files2.fatakat.com/2016/1/13270910289000.jpg https://files2.fatakat.com/2016/1/13270911143749.jpg https://files2.fatakat.com/2016/1/13270911538178.jpg https://files2.fatakat.com/2016/1/13270912504395.jpg https://files2.fatakat.com/2016/1/13270912996418.jpg https://files2.fatakat.com/2016/1/13270913368947.jpg https://files2.fatakat.com/2016/1/13270913783673.jpg https://files2.fatakat.com/2016/1/13270917113085.jpg https://files2.fatakat.com/2016/1/13270917586602.jpg https://files2.fatakat.com/2016/1/13270918134325.jpg https://files2.fatakat.com/2016/1/13270918554456.jpg https://files2.fatakat.com/2016/1/13270921456127.jpg https://files2.fatakat.com/2016/1/13270922041593.jpg https://files2.fatakat.com/2016/1/13270923245380.jpg مواضيع هذا القسم برعاية haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه سبحان الله و بحمده الوسوم:الجمبرىالحصرياتالسمكالصورالمشوووووىفتكات اترك تعليقاً إلغاء الردلن يتم نشر عنوان بريدك الإلكتروني. الحقول الإلزامية مشار إليها بـ *الاسم * البريد الإلكتروني * الموقع الإلكتروني التعليق * Δ هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.
