السلام عليكم ورحمه الله وبركاته
ازيكم يا بنات اخباركم ايه يارب يحقق لكم كل امنياتكم ويسعدكم ويسعد ايامكم
انا نزلت ااشتريت الجريل وكمان البرانس وطبعا قولت لازم اقولكم
اولا جيبت برانس واحد ليا وواحد لخطيبى بتاعى لونه سمونى وبتاع خطيبى نبيتى ساده خالص مش فيهم اي حاجه طبعا انا دوخت عليهم نزلتلى نازله الغوريه لاقيت التركى بس مش صناعه موديل تركى تمام عامل 150 القماشه حلوه وتقيل وقطن بس انا قلقت منه قولت ادور تانى فى فى العتبه مول بتاع السوريين اسمه الدرديرى طبعا لاقيت ميد ان تركى اصلى بس لاقيته الواحد عامل 357 بس حاجه بسيطه يعنى هههههههههههههه انا كنت بسال على الفرادانى لانى مكنتش عاوزه العلبه الى فيها بلاوى دى التركى اصلا المجوز عامل 950 بس بصراحه تحفه يا بنات منقوش كده مش مطرز وشوفت التيكت بتاعه اتاكد انه تركى فعلا وكل برنس واخد من التانى فى اللون بتاع النقشه طبعا انا اتحولت كلمت ماما قالتى لالالالالالا حرام عليكى كلمت خطيبى قالى حرام يا بنتى قولت طب اشوف الى عجبنى اخره كام قالى بالعافيه 300 قوولته طب هاخد اتنين 500 قالى لا مش هينفع ابدا وفعلا مشيت نسيت اقولكم ان كمان البرانس محفوره ورد بارز بصراحه حلوه اوى دى كمان كانت عجبانى فكرت كده وقولت خلاص انا هروح وانا مروحه رجلى دخلتى جويا طبعا انتوا عارفين جوايا انا كنت شوفت قبل كده البرانس هناك وعجبتى قولت اشوفهم كده تانى لاقيت برانس ساده ماركه جوايا هما الى عملانها اصلا مسكت القماشه عجبتى طبعا قولتها طب اقيس واحد قسته لاقيته جميل فعلا وده طمنى لانه مستحيل كنت هفتح التركى واقيسه ابدا اه فى مقاسات بس برضوا وانتى لما تقيسى الحاجه بتختلف نهائى وياريت يا بنات تخدوا بالكم من الموضوع ده البرانس المقفوله دى بتبقى مشكله فى الشكل والمقاس المهم كلمت ماما قالتلى جويا حاجاته حلوه ومضونه جيبه وفعلا جبته الحمدلله بتاعى وبتاع خطيبى لانه قالى هاتيلى نبيتى بس انا كان عجبنى البنى بس جبتله اللون الى عجبه بس دى القصه كلها البرانس الواحد عامل 189هو غالى شويه عن الى شوفته بس انا كنت مطمنه وانا بشتريه الحمدلله الاتنين عمله 378الحمدلله
بصوا انا موبيلى الحمدلله الكاميرا وحشه خالص فبعتذز لصاحبه الصوره بتاعت الجريل هو سافلون التركى من اولاد نصار درب سعاده وانا كنت سالت عليه وعملت بحث لاقيت البنات بتقول عامل 180 روحت لاقيته 205 يا بنات بس الاصلى من الرملاوى انا الراجل استغرب وانا بقوله الرملاوى ده فى المنصوره بصلى وضحك وقالى اه ما احنا بناخد منه قولتله ماشى جبلى الجريل واخده ومشيت عشان مش عندهم فصال اصلا الاسعار فى الدفتر والصوره اها يا بنات 
ابعتدز لصاحبه الصوره تانى بس هو زيى ده بالظبط اسود ومقاسه 28 يارب اكون افدتكم يا بنات ادعولى ربنا يوسع رزق خطيبى ونتجوز عاجلا واى سؤال انا تحت امركم انا ياما استفد منكم
rorokuka rorokuka 661760_1.gif فتكات رائعة Fatakat 661760 القاهره – القاهره