اللحمة الي تستخدميها يكون التلتين لحم بقري والتلت لحم ضاني ولو مافيش عندك الا بقري افرمي معاها قطعة من دهن الخروف تشتريها من السوبر ماركت وتحفظيها عندك في الفريزر للكفتة
ما بتجبيش بهارات كتير يعني كفاية جدا ملح وفلفل ابيض والفلفل الابيض مع الكفتة رائع وطعمه مميز لو مافيش عندك غير فلفل اسود ممتاز كمان استخدميه
مايدخلهاش سائل عشان ما تفكش من على السيخ عشان كدة البصل تبشريه بالمبشرة وبعدين تصفيه من ميته تماما وتاخدي بقى تفل البصل فقط وتحطيه على اللحمة
اما ماء البصل مهم جدا وهو الذي يعطي الكفتة نفس طعم كفتة الحاتي هاتيه وضيفي عليه ملعقة صغيرة سكر بتساعد على تحمير اللحم وكمان طماطماية مبشورة وملعقة خل وشوية فلفل ابيض وممكن كمان ملعقة صغيرة من بهارات الكفتة وقلبيهم كويس وخدي بقى على ايدك وصبعي بيها الكفتة على السيخ
لما تيجي تشوي ان كنتي هاتشوي على الفحم لازم تفضلي تقلبي السيخ باستمرار عشان لو سبتيها بدون تقليب هاتستوي من ناحية وتتقل وتسقط من ع السيخ لكن مع التقليب المستمر كله يستوي في وقت واحد وتكون تحفة
عاوزة بقى الطعم يكون خيالي اعملي فكرة الفحمة واكيد كلكم عارفينها وبالهنا والشفا
مواضيع هذا القسم برعاية
دودو حبى انا وبس دودو حبى انا وبس 861570_1.gif فتكات رائعة Fatakat 861570 مدينة حبيبى – مصر حبيبتى