يأخواتي في الله نصايحي ليكم عسي الله يجعلها سبب في كل خير
اولا الصلاه والدعاااااااااااااااااااااء بتضرع وقراءة القرآن كامل في الاسبوعين والصدقه بنية الذريه واولا دي اهم حاجه
ثانيا ابعدي نهائي عن الاكل التقيل والمسبك وانك تاكلي لما تملي معدتك مش لازم تحسي بالشبع ونصيحه خليكي في المسلوق مكرونه بطاطس سوتيه مهم برده والشوربه اقرب للبروده مش سخنه وشوربة السي فود علي فكره مغذيه جداا وطبعا لتر لبن كل يوم و2 بياض بيض الصبح وبليل وايااااااااااااكي والمواد الحافظه ولا حتي الصلصه والاكل الجاهز لألألأ والجبن عليكي بالجبنه البيضه بس سيبك من الرومي والكوبايات والكلام ده وخففي جدااا من المقليات خليكي في حدود بسيطه جدا منه وانسي اللانشون والبرجر والمجمدات بكل انواعها سواء خضار او لحوم او اكل سريع التحضير ….. وكلي خيااااااااااااااااار كتيييييييييييييييير كل ما تلاقي نفسك قاعده كلي 7:8 والطماطم بكميات معقوله والسوايل والميه بس بردي متمليش معدتك بيهم وممنوع عصير الأناناس والكبده والفواكه كويسه علي فكره وبلاش تمر نهائي عشان بيعمل تقلصات في الرحم المهم تعرفي ان مهم جداا معدتك متتمليش وفي الوقت نفسه مينفعش تكوني جعانه خير الامور الوسط
ثالثا احذري الامساك لو حسيتي بيه ولو بسيط خدي ديفولاك دوا شرب دا كويس وامن لحالة الحقن المجهري
رابعا النوم 90٪ منه علي ضهرك والتقلب علي الجانبين لا ضرر منه بس علي بطنك لأ نهاااااااااااائي وياريت تنامي علي سرير لوحدك وتحاصري نفسك بالمخدات عشان متتقلبيش وانتي نايمه
خامسا النفسيه بلاش توتر زايد وضغط عصبي توكلي علي الله ومن يتوكل علي الله لا يضل ولا يشقي
سادسا الحركه سيبك من بلاش تسجدي والكلام ده صلي عادي وانتي واقفه ولو حسيتي بتعب في ضهرك صلي وانتي قاعده بس بلاش دلع واقول اصل انا خايفه اصلي وانا قاعده احسن وبلاش اسجد عشان بطني دا كله كلام فاضي صلي عادي واسجدي بخشوع وافتكري ان اصلا الحركه مطلوبه في حدود المعقول يعني الصلاه وتمارينها كويسه جداا كحركه معقوله ومن خامس يوم اتمشي جوا البيت تمشيه عاديه مش تنطيط سيبك من البيت والترويق والغسيل فكري في نفسك والدعاء وبس اعتبري انك واخده اسبوعين اجازه من كل حاجه
سابعا نبعد عن الروايح البرفانات والكحوليات وروايح الطبيخ …مش مشكله اسبوعين تخلي جوزك ياكل بره او يجيب اكل جاهز لنفسه بس مش طفاسه تروحي تاكلي معاه اكل جاهز خلاص متزعليش ابقي خدي حته من نفسك بس حته صغيره متحفيش
ثامنا ممنوع القعاد كتير لفترات طويله وممنوع اللاب توب يكون علي رجليكي وافتكري ان التمشيه الخفيفه في البيت كويسه بعد اليوم الخامس
تاسعا هو ده مش ثابت علميا الموضوع ده بس البنات كتير من تجاربهم بيأكدو عليها بلاش الاستحمام وخصوصا غسل الراس كفايه بل الشعر في الوضوء وعموما انا رايي مره في الاسبوع الاستحمام بميه بارده لمده قليله جدا من غير شامبو ولا دعك الجسم كفايه ميه بس ممكن يكون ملوش تأثير والله أعلم
عاشرا مهم جدا انك تعرفي ان في معملوش كل الحاجات دي وربنا تمم لهم بالحمل وفي غيرهم عملو كل ده وربنا مكتبش لهم الحمل وهناك العكس ايضا ……… فسبحانه له في خلقه شؤون
احنا بناخد بالاسباب واولا واخيرا كله بيد الله
هذه النصايح خلاصة تجربتي و تجارب كثيرين في الحقن المجهري اللهم ارزق كل محرومه من الذريه بما يقر عينها واعطها حتي ترضي ياوهاب يارزاق انما امرك اذا اردت شيئا ان تقول له كن فيكون
سما م سما م فتكات متميزة Fatakat 597241 القاهره – مصر