لكل متأخرة بالحمل وعن تجارب كثيرة
أرشح لكم أ.د/ حسن يوسف
بمستشفى اليكس سيدني التخصصي بالأسكندرية
والحمد لله كنت أعرف ناس ربنا وفقهم معاه قبل ما اروح
و اتعرفت هناك على حالة من دمياط رزقت معاه بتوأم
بعد عناء 9 سنوات من تأخر الحمل
من وجه نظري دي مميزاته
_______________
1- طبعاً متميز و خبرة في تخصص تأخر الحمل وعمليات الحقن المجهري
2- أكثر حاجه عجبتني فيه انه صبور لا ينزعج من تساؤلات المريض بل العكس بيرحب جداً بالأسئلة و بيفهم المريض حالته دون ملل من كثرة استفساراته
3- بما انه بيفهم المريض حالته بالتالي بينعكس على الحالة النفسية جدا وبدوره ينعكس على استجابتك للعلاج اكيد حتكون افضل ان شاء الله
كمان بيعجبني انه بيفهم الحالة خطة العلاج يعني يقول لمدة كذا حنشط مثلا
لو محصلش حمل حنلجأ للطريقة كذا منفعش حنعمل كده و هكذا و بيديك اوقات تبقى عارفة راسك من رجلك و فاهمة حتمشي ازاي في كل الاحتمالات
مش يسيبك لايصه و عماله تفكري يمين و شمال
4- مششش بيأأأأأفووور زي دكاترة كتير وبيدي كل حاله حجمها و الانطباع الصح بحيث لا تريحي و تطنشي فالعلاج ولا فنفس الوقت تبقى تحت ضغط نفسي
وبيجيب من الاخر و لكن بضمير يعني لو محتاجة منظار يبقى فعلا محتاجه لو محتاجه تنشيط يبقى فعلا محتاجه لو محتاج حقن يبقى فعلا برده محتاجه
دي أرقام المستشفى للأستعلامات
03-5231441 – 03-5231442 – 03-5460124 – 03-5460126
العيادة الداخلية لها أرقام تانية بس ضاعت مني ممكن تاخدوها من المستشفى
مواعيد الدكتور
12 – 2:30 ظهراً ما عدا الجمعة
بالحجز المسبق
قيمة الكشف 205
يارب أكون ساعدت قارئة موضوعي في قرارها
وفقنا الله و إياكم لما يحب و يرضى
زهرة المدائن 0 زهرة المدائن 0 فتكات متميزة Fatakat 779317 الأسكندرية – مصر