اخيرا يا ناس ويا بشر هقولها وبالفم المليان
شعرى بقى حلو خلاص كل اللى نفسى فيه اتحقق واخيرا عنايتى بيه ما راحتش هدر
انا جربت منتجات ياما وكانت خلاص نهاية شعرى قريبة بس تم انقاذه
استنوا الاول اوصفلكوا شكله
اولا
هو متوسط الطول ناشف هايش ومبيطولش
حاليا بقى
ناعم ومفيش هيشان وبدأيطول وبقى طبيعى وصحى
اوعوا تزهقوا منى دى عناية متعبة
المهم
هقولكوا كنت بعمل ايه
1- حمام زيت يا قمر باى نوع تحبيه مرة كل اسبوع وانا حاليا بعمله مرة كل ما مزاجى يسمحلى ما هو اصلا شعرى اتعدل
2-حمام كريم كل اسبوع وهقولكوا على نوع جربته تحفة بس استنوا شوية متستعجلوش
3-كريمك المفضل ومتسرحيش شعرك وهو مبلول ولو جاف زى حالاتى يبقى كفاية يتغسل مرة اسبوعيا او مرتين بالكتير
4- اهم نقطة بقى وحطوا تحتها مية خط الشامبو
كنت بضيع شعرى بايدى حاليا بطلته نهائى وبستخدم صابونة اسمها اسرار بالعسل وزيت الزيتون والغار
5-والسبب فى ان شعرى بدا يطول قص اطرافه فى نصف كل شهر عربى
نيجى بقى للمنتجين اللى انا ماشية بيهم حاليا
حمام كريم فاتيكا
ده بالعسل وزيت الخروع ريحته مقبولة وبينعم الشعر جدا ومكتوب عليه تغذية مكثفة لشعر قوى والصورة من النت مش بتاعتى
كريم ايفا بالعسل للشعر اوعى تقوليلى للبشرة
ده رائع رائع رائع بينعم الشعر جدا ويديله لمعة وتحسيه بيغذى الشعر كمان والصبار منه حلو برده
الاسعار
حمام الكريم ب 13 ج ربع كيلو
كريم ايفا ب 7 ونص العبوة الصغيرة والكبيرة ب10
الصابونة ب خمسة جنيه
يارب اكون افدتكم واتمنى متطلعوش من غير رد تقديرا لتعبى
♥sooo♥ ♥sooo♥ 520241_79.gif فتكات ست الكل Fatakat 520241 مدينة الاحلام – فى عالم تانى