الحلم دا انا لسة شيفاه النهاردة
حلمت ان انا وخطيبي عملنا كتب كتاب وكنا مبسوطين اوي
بس مكنش حد يعرف غير اسرتنا بس يعني بابا وماما
وبعدين حد من افراد العيلة عرف
وراح قال لمعارفنا
وبعدين حد من معارفنا جه يبارك وجاب معاه جاتوه وبالونات
ولما كان عندنا بيبارك
انا وخطيبي لقينا ان الاحواض مسدودة
بصوا الحلم اصلا كان في شقة غريبة معرفهاش
وكان فيها حوضين مواعين
وكانوا الاتنين مسدودين ومليانين مية مش نضيفة
خطيبي ساعدني في تسليك الحوض الاولاني
والتاني انا سلكته لوحدي
بس بعد اما اتسلكوا كانوا مش نصاف خالص وكلهم بقايا
بس وصحيت بقى
ممكن حد يقولي دا معناه ايه؟؟
كمان في حلمين قدام افتكرتهم اول ما صحيت بردو
واحد منهم كان قبل ما اتخطب ولا اعرف خطيبي خالص
كان من 10 شهور مثلا
اللي فكراه منه انه كان فييه تورتة فرح
وعليها تمثال العروسة والعريس بتاع التورتة دا
وكان تمثال العريس دا هو سيدنا محمد عليه الصلاة والسلام
وكان بيقول "افرحوا بها" وكان قصده عليا
وبعديم في اخر الحلم ظهر راجل عجوز كده
كان محترم ولطيف وبعدين فجأة بقى قليل الادب وكان بيكلمني بطريقة مش مؤدبة
وببعدها صحيت
الحلم التاني
كنت اعرف خطيبي بس مكنش جه اتقدملي
الحلم كان ان احنا اتخطبنا وهو جابلي خاتم كده شكله حلو
وكنا فرحانين اوي
بس الخاتم اتكسر
ايه بقى تفسير كل دا؟
حد يساعدني عشان خاطري انا في مشاكل وقلقانة وتعبانة
marawita marawita 10575_10.gif فتكات هايلة Fatakat 10575 مصر – القاهرة
