اولا السلام عليكم ورحمة الله وبركاته
انا مكسوفه اوووووووووى من نفسى وجوزى
انا هقولكم الحكايه من اولها وشوروا عليه اعمل ايه لانى مش بحس احراج منكم وبكون على طبيعتى معاكم
انا الشهر الى فات رحت للدكتور واخدت كلوميد وكنت كتبت انى حسيت باعراض لاول مره احسها فى الحمل وهيه انى دايخه جداا وصدرى ممتلىء والحلمه بتحرقنى والرحم ملمسه اتغير والفتحه بتاعته قفلت مش زى الاول ومفيش اى وجع للدوره
وانا دورتى منتظمه من اول مجتلى عمرها مخلفت معايا خالص
واتاخرت عليه اسبوع
المهم رحت اعمل تحليل فى مركز جنبى وهناك اتضايقت من معاملتهم ليه جداااااااااا
ومش عارفه انسى معاملتهم
اول مدخلت قلتلهم انا عايزه اعمل تحليل حمل قالولى بتاعت التحاليل اخدت ساعه رضاعه
ادخلى على المتابعه لغايت متيجى بتاعت التحاليل
فقلت لجوزى ايه التخلف ده هيعملولى متابعه من غير تحليل المهم اول مدخلت قلتلها تانى فيه تحليل قالتلى ايوه وفتحت الدفتر وكتبت اسمك واسم جوزك والطفل الكام وباقى الاجراءات الى انتم عارفينها ووزن وضغط وحددتلى ميعاد الولاده كل ده وانا وجوزى بنبص لبعض مش فاهمين الى بيحصل المهم اديتنى برشام حمض الفوليك وبعتتنى لبتاعت التحليل الى رضعت ابنها وجت
انا لسه بقولها انا عايزه اعمل تحليل حمل بصيتلى باستغراب وقالتلى اما الدفتر ده معناه ايه
قلتلها انا قلتلهم اول مدخلت عايزه احلل حمل وحضرتك مكنتيش موجوده فشكلى صعبت علهم ولا ايه دخلونى اعمل متابعه بصيتلى بغيظ وقالتلى من غير متسال متاخره علكى كام يوم ولا اى حاجه اديتنى علبه احطلها فيها عينة بول فقلتلها حضرتك هيه متاخره عليه ست ايام لازم دم قالتلى زى مقلتلك هاتيلى عينة بول مع انها دكتوره مش مفروض اعدل عليها يعنى المهم دخلت وجبتلها عينة بول قالتلى استنينى خمس دقائق
وطلعت رمت الدفتر وقالت شوية بهايم نيجاتيف يامدام
طلعت وانا محروق دمى منها ومن المعامله بتاعتهم ورحت معمل بيولاب علشان احلل دم وقلت لجوزى هيه مش غلطتهم دى غلطتنا احنا المفروض كنا طلعنا على المعمل وخلاص
المهم رحت عملت التحليل وقالتلى بعد ساعه تعالى استلميه وانا كل ده بتصرف على انى على حق والدكتوره بتاعت المركز هيه الى مبتفهمش
والصدمه الكبرى برده نيجاتيف
جوزى ادانى التحليل وقالى ظلمتى الدكتوره المفروض تروحى تعتذرى ليها واحمدى ربنا انتى
معاكى ولدين يعنى مش محرومه
المشكله انا مش زعلانه على النتيجه على اد مانا مكسوفه من الى عملته والثقه الجامده الى كنت حساها لانها عمرها مخلفت معايا
طيب يكون اتاخرت ليه يابنات ريحونى يارب يخليكو انا منمتش من كتر مانا متضايقه وطبعا مش قادره ابين له لانه فضحنى اصاد امه انى شايله الطين من ساعتها
طيب هوه الكلوميد بيلغبط ميعاد الدوره او بيلعب فى الهرمونات
انا اتصلت بالدكتور بتاعى وقالى مفيش حمل فقلتله انها اول مره تتاخر فقالى استنى اسبوع تانى وحللى وتعاليلى
طمنونى وريحونى وقلولى الى بيحصلى ده حصل معاكم او مع حد تعرفوه
frfra frfra 251125_1.gif سوبر فتكات Fatakat 251125 السويس – مصر
سبحان الله و بحمده