ياحوامل محتاجه مساعدتكم ماليش غيركم فى الغربه

السلام عليكم
اولا انا حامل بالاسبوع 13او بدات فييه انهارده والدكتوره قايلالى انى حتم الشهر خلال اسبوع على يوم الاربع كدا دا كلام السونار وهى بتقولى كلامها انى بتم الشهر يوم 18 مش ده المهم انا بس بعرفكم انا حامل فى قد ايه
المهم انا فى غربه وماعيش غير ربنا وزوجى وابنى لسه صغير وربنا كان واقف معايا طول الفتره اللى فاتت جيت من اسبوعين ولانى الحمد لله كنت بخير عملت عزومه ويومها عدى على خير بس كنت مرهقه وماروقتش بعدها ولا غسلت المواعين ولا مطبخ يعنى ارتحت بس كنت صاحيه تانى يوم كويسه غسلت المةاعين فقط
وماعملتش اى شئ لحد يوم الثلاثاء لقتنى بيجيلى هبوط دا بره يوم العزومه وطبعا رحت الاربع للدكتوره ضغطى تمام بس اللى اقدر اقولهلكم ان عندى قصور بالدوره الدمويه يعنى يجيلى هبوط وقتى بس مايبنش فى قياس الضغط واول ما انام على السرير افوق فيومها كان الهبوط حاد فاتصلت بزوجى ودانى للدكتوره كشفت وسونار وعلقتلى محلول علشان الهبوط ده وقله الاكل لان كان جالى التهاب بالحلق منعنى من الاكل
نسيب اليوم ده كمان
لكن نركز باللى جاى واحده عارفه انى تعبانه وقايللها الدكتوره منعه عنى الزياره وطلبه انى انام على ضهرى لقيتها يوم الخميس بتتصل جايين فى السكه وكنت برد وانا ميته من التعب وصوتى واضح بس اتكسفتت من اسلوبها انها فى السكه وقولتلها خلاص تعالى ماقدرتش اقول لا غصب عنى والبيت كان خراب وطبعا دى غريبه ومش حتعزر بالعكس لما حد يمسك على حد حاجه بالغربه
المهم انا عندى اوضه ع الشارع بتتقفل بابها بمفتاح يفصلها عن باقى الشقه وطبعا فيها انتريه بس هنا الستات بتقعد على مجلس فقومت مزحزحه الانتريه طلعته بره ودخلت المجلس مكانه ودا لسبب كمان ووجود اطفال
المهم طبعا كنت متعصبه ومحروق دمى ووووو المهم بدات احس بوجع بجنابى تطور لمغص حاد بيقطعنى فى الفجر رحنا للدكتوره اللى جبناها على ملا وشها وعلقتلى محلول خاص بالنقباض للرحم وحقنه للانقباضبالعضل
وعملت سونار تانى ولقت بعد الادويه لسه فى انقباض بالرحم قالتلى روحى نامى وارتاحى
روحت وكنت متحسنه بسيط
عدى الجمعه وانا تعبانه والسبت كنت بردوا تعبانه والاحد اتحسنت بسيط وانهارده حسيت بتحسن والحمد لله كنت باكل غصب عنى علشان ماقعش من طولى
انهارده قدرت اقف بسيط ولان البيتت كان خراب ومش بعرف استخدم الانتريه وبرتاح للمجلس فقررت ارجع كل شئ لمكانه خاصه ان كان فى 2كرسى دخلوا مكانهم وكرسى بسيبه بره ومافيش الا الكنبه وكرسى يادوب زقيت الكرسى ويابنات لقتنى حقع من طولى وجسمى بيترعش سبته واترميت ع السرير حبه وفوقت
قولت اكمل لان المنظر جايبلى اكتئاب ومش بطيق العفانه والكركبه
فبزق الكنبه نفس الكلام دوخه ورعشه جسمى كله ودخلتها وجيت اترميت تانى ع السرير
انا كدا حكيت اللى حصلى واللى بيا
عوزا افهم انا طبيعى اللى بيجرالى مع بدايه الشهر الرابع او قرب قدومه
ولا فى حاجه غلط
انا مش حقدر اروح للدكتوره تانى منظرى بقى وحش قوى كل يومين اروحلها كتييييير بجد
جوزى بيساعدنى فى البيت ولمحتله بنقل الانتريه تانى رفض لانه مرتاح كدا بس للاسف انا القاعده تعبانى ودى اوضه المعيشه والتليفزيون فكان لازم اعمله بنفسى وهو كتر خيره بيساعدنى بسيط فى البيت لانه مش متعود اصلا
انا حكتلكم كل ده لانى عوزا افضفض كمان عن التعب اللى بحسه ومش عارفه اقول لحد حاجه عنه وعوزا ارجع طبيعيه نفسى اكنس نفسى اغسل الحمامات والاحواض نفسى اروق المطبخ نفسيتى تعبت وطبعا مش حدخل حد غريب لانى مش حثق فى حد وكمان حفضل واقفلها ليه مانا بجمله التعب اعمل انا
ياريت تدعولى ان ربنا يعافينى وانى اشد حيلى واقدر اتحرك واشتغل فى البيت واعمل اكل البيت وطلباته وربنا يتم حملى بخير
ويارب لكم بمثل دعواتكم ويتملكم حملكم بخير ويرقنا باطفال سليمه الخلق والخلقه

جوايا الغربه جوايا الغربه 759069_1.gif فتكات ست الكل Fatakat 759069 الرياض – السعوديه

سبحان الله و بحمده