هى دى اعراض حموضة ممكن تفيدونى يابنات؟؟؟؟

السلام عليكم ازيكم يابنات
امبارح بليل قبل مانام كان عندى حرقان بسيط فى معدتى
وبعد شوية لقيت غازات وتجشؤ الله يحفظكم
وحسيت زى ماتكون نغزة كدة بتطلع من بطنى وتقف على صدرى فوق كدة فى النص وتروح
وتتكرر تانى نغزة تطلع على صدرى وتروح وهكذا ووجعتنى جامد
جوزى قالى دى حموضة هل فعلا النغزة دى حموضة ؟؟؟
واخدت زبادى ماراحتش واخدت حبوب بتتمص كدة قللت شوية وفضلت موجودة
ماراحتش الحمدلله غير لما شربت نعناع حسيت ان حاجة فارت على صدرى كدة وتجشؤ وراحت الحمدلله
دى غازات واحموضة يابنات ماحصلتليش قبل كدة غير من شهرين وروحت لدكتور ادانى دوا حموضة ومطهر معوى وراحت الحمدلله وحصلتلى من تلات سنين او اكتر بليل بس كنت ببقى واكلة مثلا اكل دسم انما امبارح اكلى كان عادى جدا وقليل كمان
ممكن تفيدونى بخصوص النغزات اصلها وجعتنى وخضتنى
وجزاكم الله خيرا

ريحانة الجنة — ريحانة الجنة — 1059308_1.gif فتكات متميزة Fatakat 1059308 القاهرة – مصر

سبحان الله و بحمده