هى البنت لازم تتمسك بوظيفتها خوفا من المستقبل؟

انا بجد اخترت القسم الاسلامى علشان اكتب مشكلتى لانى مش هلاقى حل غير هنا
بصوا يابنات هو انا لو حابه اقعد من شغلى (اخصائية تمريض) وارجع زى الاول احفظ قران واشترى راحة البال بعيد عن المشاكل يبقى انا كده غلطانه انى سيبت وظيفه واحنا بقينا فى وقت مفهوش وظايف وزمن صعب هل لازم اخد بالاسباب واتمسك بوظيفتى خوفا من المستقبل ولا اصلا المفروض مفكرش فى حاجه زى دى لانه المستقبل بيد الله …..انا بجد يابنات تعبانه فى شغلى تعبانه من السهر من المشاكل اللى لازم نتعرض لها كل يوم وعلى فكره انا مش فى اى قسم انا فى حضانة الاطفال ,بس انا حاسه من ساعة مشتغلت وانا مبقتش اروح احفظ قران حاسه انه بقى كل يوم غيبه ونميمه فى الشغل كل يوم برجع البيت مضايقه حياتى ملخبطه كل اسبوع بيتعمل جدول مختلف ومره اروح سهر مره صبح حياتى مش منظمه ونومى ملخبط مش مخلينى ارجع احفظ قران ,لدرجة انه من كتر مابشوف البنات فكرت اخلع النقاب وابعد عن ربنا بس بعدين حسيت انى غلطانه ياسلام لو اتجوزت رجل صالح وقعدنى فى البيت واربى ولادى صح هو انا كده غلط لانه دايما اسمع عن اللى جوزها بخيل واللى جوزها مبهدلها بسمع قصص تشيب الشعر ومفيش حل لها فهل ياترى البنت اللى تتمنى راجل صالح ويقعدها فى البيت يبقى هى بتحلم بحاجه مستحيله لانه الحياه صعبه؟وهل اذا سبت الشغل قبل مااتجوز علشان خايفه من الظروف يبقى كده صح

millionsdreams millionsdreams فتكات رائعة Fatakat https://forums.fatakat.com/member653000 المنصوره – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.