تخطى إلى المحتوى

هو القتل ايه في الحلم؟ تفسير أحلام

  • بواسطة

ازيكو يا فتوكات انا بقيت احلم بالقتل كثيييير جدا مش عارفة ليه لدرجة ان اعصابي تعبت بس ايه كلهم بشوف حد بيقتل معظمهم ناس عمال تقتل في ناس وانا ببص ومرة واحدة اعرفها قتلت واحدة اعرفها احكيلكو بقي يا فتوكات انا اولا انا عازبة وفي ثانية اعدادي انا بتكلم من عند اوختشي اصلا انا حلمت بقي من فترة انا كنت في البيت وسلمي صاحبتي اتصلت بيا دي صاحبتي من المدرسة فقالتلي تعالي قولتلها ليه وبتاع قالتلي لا تعالي علي الشقة الفلانية قولت ماشي بعد ماوصلت لقيت الباب مفتوح دخلت انادي علي سلمي روحت لقيت سلمي في الحمام في الارض وفي دم في ايديها وهي مصدومة ومبرقة وجمبيها ميس اميليا (مدرسة الدين بتاعتنا) ولقيت الميس مدبوووووووووحة!!!!! وكان في دم وانا شوفت المنظر وبلمت بعدين قولتها ايه دة يا سلمي عملتي ايه يا سلمي ايه دة اللي عملتيه يا سلمي وحاولت استوعب الوضع وقلتلها قومي اغسلي ايديك بس انا مش فاكرة اوي اذا غسلتها ولا لا بس اعتقد مغسلتهاش وبعدين قولتلها قولتي لحد انك كنتي هنا حد شافك؟ قالتلي لا حسيت كأني عايزة ابرأها من المصيبة دي ببص فلقيت ذي سلة ذي بتاعت الغسيل وعليهم حاجة مكلكعة دة بس جه دم في ايدي فاروحت غسلته وشيلت القماشة عشان اشوف ايه المكلكلع لقيت نونة جميلة بيبي هي بنت عجبتني اوي روحت لفيتها وشلتها دي اكيد بنت الميس وكانت عسولة اوي حبيتها وروحت شلتها وطلعت من الحمام وجيت عند الصالة وقعدت اهشك في النونة العبها واذ فجأه لقيت امي واقفة في الصالة وبتتكلم في التليفون مع حد (هي في الحقيقة بتكلم الشخص دي كتير) وولا كأني هنا ومندمجة اوي مش عارفة ايه اللي جابها هنا اصلا ماعلينا انا بقي هنا صحيت صحيت علي اني شايلة النونة وبس ارجوكم حد يفسرلي الحلم دة اصل انا قعدت ادور كتير علي تفسير القتل بس كنت كل اللي بلاقيه ان اذا قتلت حد او اذا اتقتلت لكن مفيش رؤية حد بيقتل حد وهو بيتفرج يا رب يكون خير
وفي حلم تاني يا ريت لو حد يفسرهولي انا حلمت من كام يوم مدة من قريب يعني ان انا كنت في المدرسة وسلمي بردو نفس البنت ادتني 4 خواتم وانا لبستهم في ايدي اليمين وكلهم فيهم فصوص هما مش دهب اعتقد انهم فضة الوان الفصوص انا مش فاكره اوي بس اعتقد كان في منهم ازرق واحمر واسود والاخير مش فاكرة بتمني يكون مش لازم اللون لاني مش متأكدة انا يا جماعة بسمع كتير اوي انه ممكن يبقي جواز او حمل بس ماينفعش انا في ثانية اعدادي عندي 14 سنة ولسة هاتمهم في شهر 10 كمان هو بصراحة انا بحب واحد بس حاليا انا ببعد عنه عشان مش بحب اعمل حاجة من ورا اهلي مش عارفة اذا دة هايفيدكو ولا لا المهم يارب يكون خير
1-الحالة الاجتماعية انا انسة
2-لا اعاني من ارق لكن في موضوع مسببلي هم
3-اسماي اللي كانو معايا في الحلم سلمي صاحبتي من المدرسة ومامتي لازم الاسم يعني؟ اوكيه اسمها جاكلين
3-الحلم عادي مش استخارة
4-مفيش رقية شرعية
5-هل انت حامل او تنتظرين حمل لا طبعا
5-الصلاه متوسطة
6-انا مسيحية اتمني دة دة ميأثرش علي حاجة في الحلمم عادي يعني كلنا اخوات

♥ساندي♥ ♥ساندي♥ 544335_2.gif فتكات هايلة Fatakat 544335 القاهرة – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.