تخطى إلى المحتوى

هنتــخلــص كــلنــا مــن الــصــفــه دى ..دعـــوه عــامه ..مين هتشاركنى؟؟

  • بواسطة

بسم الله الرحمن الرحيم

والحمد لله رب العالمين والصلاه والسلام على سيد الاولين والاخرين محمد وعلى اله وصحبه اجمعين وبعد

اليوم ان شاء الله هنتكلم عن خلق ذميم .. عن صفه منتشره بصوره كبيره بين الناس ..

هـــــنــــــتـــــكـــــــلــــم عـــــــن الــــغــضــب

كتير يا جماعه بنواجهه فى حياتنا مشاكل ومواقف سيئه مع الاخرين وكتير مننا لما يضيق بيها الحال تلجا للغضب
طيب يــــا تــــــــرى ايـــــه هـــو الــغــضــب ؟؟؟

الغضب هو انفاذ الغيظ وعدم السيطره على النفس

يـــعــنى ايــــه الــــكــــلام ده بـــــرضــــو ؟؟؟

هنضرب مثال بسيط ونفهم اكثر

يعنى مثلا .. واحد سبك وشتمك او افترى عليك او ضايقك او عمل اى موقف يغيظك فانت تتنرفذ وعينك تحمر ومتقدرش تسيطر على نفسك

وانت بقى فى الحاله دى ممكن تعمل اى حاجه وانت مش حاسس بنفسك ..

ممـــكـــن وانــــت فــى حــــالــه الــغضــب دى !!!

ممكن تسب وتشتم وتتلفظ بالفاظ نائيه
ممكن تسب الدين
ممكن تعلى صوتك على والديك
ممكن تكسر اللى قدامك ساعتها
ممكن تقول كلام تندم عليه طول عمرك
ممكن تتطلق زوجتك
بل ممكن يصل بيك الحد وانت غضبان انك تقتل حد
للدرجه دى ؟؟؟؟؟؟؟ ايـــــــــوه
ممكن تعمل حجات كتيييييييييره اوى تندم عليها فى الاخر
ده واحد من اصحاب النبى جاله وقاله اوصنى فالنبى قاله لا تغضب فاعاد الرجل السؤال على النبى .. فالنبى قاله مره تانيه لا تغضب

ومن مواقف الغضب التي كان يمكن أن تقابل بالحلم وضبط النفس

ما يُحْكَى أن رجلا آذى أبا بكر الصديق بكلام في أثناء جلوسه مع النبي صلى الله عليه وسلم، فصمت أبو بكر، ثم شتمه الرجل مرة ثانية فسكت أبو بكر، ولما شتمه -للمرة الثالثة- رد عليه أبو بكر. فقام النبي صلى الله عليه وسلم من المجلس، فأدركه
أبو بكر وقال له: أغضبتَ على يا رسول الله؟ فأخبره النبي صلى الله عليه وسلم أن ملكًا من السماء نزل يرد عنه، ويدافع عنه، فلما رد هو انصرف الملك وقعد الشيطان. ولم يكن الرسول صلى الله عليه وسلم ليجلس في مجلس فيه الشيطان.

وهــــــــو ده الــغــضــب يــــا اخــــــــوتى

والغضب نوعين ..

فى غضب مذموم وده زى اللى متكلمين عنه دلوقتى وفى غضب محمود

يـــعــنى ايــه غضـــب مــحـــمــــود؟؟؟؟؟؟

الغضب المحمود بيحدث اول ما تنتهك حرمه من رحمات الله يعنى مثلا

انت تغضب لو شفت حد يستهزا بالدين
تغضب لما تشوف وسائل الاعلام المرئيه والمسموعه تنشر الرذيله والفساد وبث الشبهات وتزيين المنكر وإنكار المعروف
تغضب لما وسائل الاعلام تحارب الفضيله
تغضب لو شفت المساجد تهدم
تغضب لو شفت حد ظلم حد واغتصب حقوقه
تعضب لما تشوف اللى بيحصل فى المسلمين من سفك للدماء وانتهاك للأعراض ، واستباحة للأموال ، وتدمير للبلدان بلا حق

وهــــــــو ده الــغــضــب الـــمـــحــــموود

يكون غضب لله مش غضب للانتقام للنفس

طيب يــــا تـــرى ايــــه هــــو عــلاج الــغــضــب ؟؟؟

وازى نتخلص من الخلق الذميم ده ؟؟؟

النبى صلى الله عليه وسلم حدد لينا الدواء لهذا الداء فى نقاط بسيطه وسريعه

اول شى لعلاج الغضب هو السكوت

فقد قال النبى صلى الله عليه وسلم
إذا غضب أحدكم فليسكت..
رواه احمد

وقال الشاعر

إذا نطـق السفيـه فـلا تُجِبْـــه
فخيــر مـن إجـابـتـه السـكـوتُ
فـإن جاوبتــَه سَرَّيـتَ عـنـه
وإن خلَّـيْـتَـهُ كَـــمَـــدًا يمـوتُ

يعنى انت اول ما تلاقى نفسك غضبت بسبب اى موقف اسكت خالص ومتتكلمش وانت فى الحاله دى

ثانى شى لعلاج الغضب هو الجلوس على الارض

قال الرسول صلى الله عليه وسلم..

ألا وإن الغضب جمرةفي قلب ابن آدم. أما رأيتم إلى حُمْرَة عينيه وانتفاخ أوداجه فمن أحس بشيء من ذلك فليلصق بالأرض
رواه احمد

النبى بيوصفلنا حاله الانسان وهو غضبان بيقول صلى الله عليه وسلم ان الغضب زى النار الملتهبه وان الانسان وهو غضبان عينيه تحمر وتنتفخ العروق اللى بتحيط بالحلق
النبى بيقولك لو حسيت الحجات دى فيك وانت غضبان اقعد على الارض

ثالث شى لعلاج الغضب هو تغير الوضع الذى عليه

قال الله صلى الله عليه وسلم..
إذا غضب أحدكم وهو قائم فليجلس، فإن ذهب عنه الغضب وإلا فليضطجع .
رواه أبوداود وأحمد


النبى بيقول لو حد غضب وهو واقف يقعد او يضجع يعنى ينام على جنبه أو يتكئ

رابع شى لعلاج الغضب هو الوضوء بالماء أو الاغتسال

قال الله صلى الله عليه وسلم..
إن الغضب من الشيطان، وإن الشيطان خلق من النار، وإنما تُطْفَأ النار بالماء، فإذا غضب أحدكم فليتوضأ
أبو داود واحمد
النبى بيقولك ان الغضب من الشيطان والشيطان مخلوق من ايه ؟؟؟ من النار

ومين اللى يطفى النار ؟؟ اكيد الماء

فلو واحد فينا غضب يتوضا علطول علشان يطفى النار اللى جواه

خامس شى لعلاج الغضب هو تدريب النفس على الحلم

يعنى لما نغضب نضبط نفسنا ونسيطر عليها ونكظم الغيظ ونبعد تماما عن الغضب

دعــــــــوه عـــــــــامه

اكيد كلنا يا جماعه بتيجى علينا اوقات ونغضب ,, عاوزين بقى نطبق وسائل العلاج دى اللى وصفها لينا النبى ونتدرب عليها عاوزين نتخلص من صفه الغضب دى لما تمر بموقف يزعجك او اى شى يغيظك امسك نفسك على طول واتعامل مع الموقف ده بحلم يعنى سيطر على نفسك واكظم الغيظ ده .. اكتمه , افتكر ربنا لما قال .. والكظمين الغيظ والعافين عن الناس والله يحب المحسنين افتكر الايه دى وقول يا رب هكون من المحسنين علشانك يا رب .. علشان تحبنى وافتكروا وصيه النبى للصحابى لما قاله الصحابى اوصنى فالنبى قاله لا تغضب افتكر حديث النبى صلى الله عليه وسلم لما قال ..
ليس الشديد بالصُّرْعَة انما الشديد الذي يملك نفسه عند الغضب
والحديث رواه مسلم

يا جماعه ده النبى صلى الله عليه وسلم قال
لا تغضب ولك الجنه
والحديث صححه الالبانى
فلو كان عدم الغضب سبب لدخول الجنه ازاى بعد كده نغضب ؟؟

يعنى من الاخر عاوزين نتخلص من صفه الغضب دى عاوزاكم يا اخواتى مش تقروا الموضوع وخلاص لالالالالالالالا
عاوزين نطبق الكلام ده عملى
وانا اولكم ان شاء الله هبعد عن الغضب
مين هيبعد معايا عن الغضب ؟؟؟؟؟؟؟؟

https://t3.gstatic.com/images?q=tbn:A…XJEXSviBLzPRPw
هنتظر ردكم واشوف

وصلى اللهم على محمد وعلى اله وصحبه اجمعين
والسلام عليكم ورحمه الله وبركاته

سجوود سجوود فتكات متميزة Fatakat https://forums.fatakat.com/member714165 القاهره – القاهره

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.