هدفي اخرتي (21/1/2022) قلوب من نور


هدفي اخرتي (21/1/2016) قلوب من نور


للشيخ

هاني حلمي عبد الحميد


الفيديو

اذا لم يعمل المقطع فاضغطي هنا

رابط التنزيل

هدفي اخرتي (21/1/2016) قلوب من نور

التفريغ


أعوذ بالله السميع العليم من الشيطان الرجيم
بسم الله الرحمن الرحيم .،،
الحمد لله وكفى
وصلى الله وسلم وبارك على النبى المصطفى واله المستكملين شرفا .،،
ثم أما بعد
أسأل الله تبارك وتعالى ان يجعل عملنا كله صالحا ولوجهه خالصا وألا يجعل فيه لاحد غيره شئ
اللهم انا نسألك فعل الخيرات وترك المنكرات وحب المساكين
وان اردت بقوم فتنة فاقبضنا اليك غير خزايا ولا مفتونين
اهلا ومرحبا بكم فى حلقه جديده من قلوب من نور

احنا مازلنا فى ملف حب الدنيا وتخليص القلب من خطر الدنيا
أزاى نطلع حب الدنيا من القلب ؟؟؟
قلنا ان احنا هنمر على اربع خطواط ….
أيه هما ؟؟

الخطوه ألاولى كانت الرغبة

وقلنا الرغبه هتتولد من حاجتين ’’

الحاجه الاولانيه أن أنت تعرف خطر الدنيا عليك وتعرف يعنى أيه دنيا
وبعد كده قلنا الخطوه التانيه هتكون الفكره ازاى تخطط وتضع خطواط عمليه كى تخرج الدنيا من قلبك …
النهارده هبدء مع موضوع الفكره وعاوز اصحح مفهومين.

المفهوم الاولانى هو يا جماعه أى أستمتاع بالدنيا زائد عن الحد من جنس المبيحات يعنى الواحد حر انه يتوسع فى شئ من مبيحات الدنيا
أنا حر أنى أكل ألى أنا عايزه وأشرب الى انا عايزه وألبس الى انا عايزه واركب الى انا عايزه واعيش فى البيت الى انا بحبه مفيش مشكله فى الكلام ده
بس هو ملوش خطر ؟؟
منا بعمل مباح مبعملش حرام .
ده ملوش خطر ؟؟؟
ده اول مفهوم

المفهوم التانى هو يعنى ايه { لا تنسى نصيبك من الدنيا }

عاوزين نفهم الموضوعين دول ؟

اول حاجه يا جماعه هنحط قاعده فى الموضوع الاول كل متاع فى الدنيا يسحب من رصيدك من نعيم الاخره
كل متاع زايد عن الحد ……
اى اسراف من الدنيا يسحب من رصيدك من نعيم الاخره
اخرج الواحدى فى اسباب النزول من حديثى جابر بن عبد الله انه راه عمر رضى الله عنه ذات مره ومعه لحم .،
فقال : ما هذا يا جابر !؟
فقال : لحم أشتهيته ،
فقال : أوكلما أشتهيت أشتريت ؟

أولا تسمع الى قول الله تعالى " أذهبتم طيباتكم فى حياتكم الدنيا واستمتعتم بها "
سيدنا عمر كانت الايه دى من الايات المؤثره جدا بالنسبة له
اسمع سيرة سيدنا عمر حول هذه الايه مره من المرات والاثر يذكره بن سعد فى الطبقات
وعبد بن حميد باسناد صحيح عن حفص بن أبى العاص رضى الله عنه يقول : كان عمر يغذينا بالخبز والخل والزيت واللبن والقديد ويقول ما لكم لا تاكلون فى عرفنا بياكل الاكلات الشعبيه الخفيفه يعنى ( عيش وجبنه ) فقلت يا امير المؤمنين انا نرجع الى طعام الين من طعامك
بصراحه لما نروح بناكل اكل احسن فامش كل مرة بنبقى قادرين ان احنا ناكل الاكل الخشن الى انتى بتاكلهولنا فقال : يابن العاص الا ترانى ارجع بدقيق فى خرقه وبدء سيدنا عمر يوصفله الاكلات الحلوة بعرفنا ممكن اكل اكلة كباب وكفته حلوه او سمك مش عارف ايه او كذا وكذا ده امير المؤمنيين الى يطلبه ياخده قال له : ولولا مخافة ان ينقص من حسناتى يوم القيامه لشاركتكم فى لين عيشكم ولكنى سمعت الله يقول " اذهبتم طيباتكم فى حياتكم الدنيا واستمتعتم بها "

ومره بيذكر رزين عن ذيد بن اسلم قال : استسقى عمر
عطش سيدنا عمر فطلب شراب جابوله ماء محلى بعسل
فرده وقال : انى سمعت الله ينعى على قوم
شهواتهم فقال " اذهبتم طيباتكم فى حياتكم الدنيا واستمتعتم بها
"
هنا الخطر ؛؛؛؛

الخطر ان اى تزيد عن الحد يعنى انا استطيع انى اعيش اكل الاكل الفلانى والبس البس الفلانى دى اساسيات الحياة موجوده والحمد لله وربنا مكفينى فنفسى بتطغى بتهفوا لشئ اكبر من ذلك عايزعربيه غير دى عايز عربيه غير دى عايز … عايز … عايز

التزيد هنا


أحد الشباب امبارح اتصل عليا هو بيشتغل فى اعمال الاستيراد والتصدير

يقول : يا شيخ انا مش عارف اعمل ايه ؟
احتكاكى باهل الدنيا انتى مش عارف الناس عايشه ازاى ؟؟ الواحد معاه 8 موبايلات تمانييييييه خطوط ب 8 اجهزه !! وبيتكلم فى الملايين كده عادى ممكن يخش يلبس مثلا بنطلونين ب 50000 جنيه الناس دى عايشه ازاى ؟؟ الواحد لما بيبقى معاهم اكيد بيفكر بطريقة تانيه وسألنى هو الواحد مينفعش انه يتمنى ان يكون عنده البيت الشيك الفيلا مثلا وان يكون عنده عربيه مش عارف ايه
مينفعش ؟؟

قلت له : آآآه

قال : طب ليه !!؟؟

قلت له : هى تجيلك ، لكن متهفوش نفسك ليها
النبى صلى الله عليه وسلم لما تكلم عن من يريد الدنيااو يريد الاخره
" من كان همه الدنيا قال ولم ياتيه من الدنيا الا ما كتب له انما قال الذى يريد الاخره قال اتته الدنيا وهى راغمه "

الفلوس تيجى لغاية عندى ادخل فى تجاره واتعب الصفقه كسبت مكاسب مكنتش احلم بيها ربنا وسع عليا هنا مفيش مشكله انما قلبى ميبقاش متقطع عالدنيا هنا الفهم ده لازم يبقى عند الناس ويفهموه فهم دقيق يا جماعه ربنا سبحانه وتعالى عاتب هؤلاء الذين اذهبوا طيباتهم فى الحاة الدنيا واستمتعوا بها سحبوا من رصيد نعيم الاخره عايز هنا ااكد لكم على المعنى ده



فى فائده عظيمه جدا بيذكرها بن القيم فى كتابه الفوائدعلشان يبقى فصل الخطاب فى المسأله دى كلنا محتاجين ان احنا نعيش السعاده فى الدنيا كلنا بتهفوا نفسينا اننا نتلذذ بالدنيا
ابن القيم بيقول : آآه يتلذذ بالدنيا بالحلال مفيش مشكله خالص آيوه يبقى معايا الزوجه ومعايا الفلوس وكل الاشياء الى الناس بتهفوا اليها لكن ان انا استمتع بيها انها تكون عون ليا على طاعة الرحمن دى كده تدخل تحت قول الله تبارك وتعالى " قل من حرم زينة الله التى أخرج لعباده والطيبات من الرزق "

ده لواحد بياكل يتقوى بيها على طاعة الرحمن يتزوج علشان يعف نفسه ويتقفل الباب مش يتلهى بالزوجه والاولاد او هى كذلك او يشترى سيارة فعلا عون ليه على قضاء حوائجه مش ان هو يعيش بيها ويعصى الرحمن بيها ويخطوا الخطى للحرام يبقى بقت عون ليه

انما الى ربنا قال فيهم : " اذهبتم طيباتكم فى حياتكم الدنيا واستمتعتم بها "
ده واحد خد المباح ده فاستغله فى معصية الرحمن
أو أتلهى بيه عن ربنا اتجوز واتفتن خلاص مبقاش بقى بالحرص ده ولا بقى بالهمه دى فى الطاعة وبقى مشغول بتلبية رغباتها وما شابه.

تلاقى الى مثلا ربنا سبحانه وتعالى وسع عليه بعد ما كان دخله 100 جنيه بقى دخله 3000 او 4000 جنيه يبتدى تهفوا نفسه للمعاصى يبتدى تهفوا نفسه لانه يعيش انه يتبغدد هنا ربنا عاتب هؤلاء علشان كده عوزين نفهم المعنى ازاى
يبقى الايه " قل من حرم زينة الله التى أخرج لعباده والطيبات من الرزق " دى لمين ؟؟

دى لواحد بيتقوى بالاشياء الى ربنا اباحها ليه على طاعة ربنا سبحانه وتعالى فيبقى حصل الامرين طاعة ربنا ونعيم الدنيا والاخره.
انما التانى يا دوبك يتمتع بيها فى الدنيا لكن تسحب من رصيده فى الاخره فيبقى عجلت له فى النيا وليس له فى الاخرة من نصيب .



المفهوم الثانى

ناس كتير اوى تقول طب يا عم الشيخ ربنا قال " ولا تنسى نصيبك من الدنيا"
يعنى ايه العلماء لهم فيها رايين جمهور المفسرين قالوا(( لا تنسى نصيبك من الدنيا يعنى ان يعمل فى دنياه لاخرته يبقى هدفى اخرتى لا تنسى نصيبك من الدنيا العمل الصالح
هو ده الى هيبقى له عمله الصالح فلا تنسى نصيبك العلم النافع والعمل الصالح ))

قول ثانى عند المفسرين ذكر عن الحسن البصرى وقتاده وبن جريج قالوا : لا تنسى نصيبك من الدنيا اى مما اباح الله له من المأكل والمشرب والملبس والمنكح
ان لبدنك عليك حقا ولنفسك عليك حقا ولربك عليك حقا ولاهلك عليك حقا كما قال رسول الله صلى الله عليه وسلم
الامام مالك يذكر عنه فى تفسير الايه دى قال : أن يعيش وياكل ويشرب غير مضيق على نفسه )).

طيب يبقى فى قول بيقول ان احنا نوسع على نفسينا ونعيش الحياة العلماء قالوا ولا منافاه بين القولين مفيش تعارض بين مفسرين جمهور العلماء بين انك تعمل لاخرتك ولا بين الى قالوا ان الواحد ميضيقش على نفسه فى الحياة لان الاعتدال هو المطلوب بالظبط.

انا مبطلبكش لما بقلك طلع الدنيا من قلبك ان انتى تبطل متشتغلش وتقعد فى الجامع ولا ان انتى بتاكل اكل اسوأ ما يكون مثلا او تعيش عيشه صعبه مبقولش كده بس بقول الحاجات دى تبقى فى ايدك مش فى قلبك الحاجات دى متلهكشى عن ربك الحاجات دى استخدمها علشان تكون عون ليك على طاعة الرحمن.

ده توجيه العلماء قالوا : المؤمن لا ينسى نصيبه من الدنيا فيتمتع بها تمتعا مباحا لا يجره الى الحرام ويستعين بهذا المباح على طاعة الرحمن فهو يروح عن نفسه ليستجمع النشاط
زى ما قال النبى صلى الله عليه وسلم " كل لهو بن ادم له لا عليه الامداعبته لاهله)) يلاعب الاولاد يلاطف زوجته يبقى فى اوقات يتفرغ فيها لطاعة الرحمن تبارك وتعالى
يبقى المعنى الى اشار ليه الله سبحانه وتعالى.

" ربنا اتنا فى الدنيا حسنه وفى الاخرة حسنه وقنا عذاب النار "
حسنة الاخره دى ايه ؟؟
الجنه
حسنة الدنيا ايه ؟؟
قالوا : حسنة الدنيا زوجه صالحه مركب هنئ بيت واسع ،،حسنات الدنيا يبقى اجمع ما بين ده وبين ده
الحاجات دى كلها ربنا بيمن عليا بيها وبستخدمها فى طاعة الرحمن مش بتعطلنى عن ربنا وهنا فصل الخطاب ….
هنا المشكله ّ!!!


ان الناس بتستخدم الحاجات دى للاسف بتغفل عن ربنا بيها وكل واحد ادرى بحاله فى هذا الجانب يا جماعه الموضوع ده احنا صححنا مفهومين مهمين اوى وفهمنا سياق الايات المشكله فين ؟؟ المشكله فينا كلنا فين ؟؟

ان النبى صلى الله عليه وسلم اخبر ان آفة الامه دى هتبقى فى ان يدب في قلوب اهلها الوهن
قال : صلى الله عليه وسلم فى الحديث الذى رواه ابو داوود والامام احمد فى مسنده وصححه الالبانى فى الحديث المشهور " يوشك ان تداعى عليكم الامم من كل افق كما تداعى الاكلة الى قصعتها قيل : يا رسول الله أمن قلة يومئذا ؟؟ قال : لا ولكنكم غثاء ك غثاء السيل
"
( الرغاوى )
بتاعت الموج عدد لا متناهى لكن للاسف الشديد شكل بلا محتوى ، بلا هدف فى الحياة ، المسلمين عايشين كده وخلاص ،،،،،،، كغثاء السيل يجعل الوهن فى قلوبكم وينزع الرعب من قلوب عدوكم بايه ؟؟؟؟ بحب الدنيا !!!
حب الدنيا وكراهية الموت هو ده المشكل وهو ده الى لازم تبرمج ذهنك عليه لو انتى عايز تبقى انسان صالح
لو انتى عايزه تبقى انسانه مؤمنه لازم يبقى لينا موقف فى الموضوع ده تحديدا موضوع الدنيا فى القلب .

الاخره هدفك ؟
الاخره اكبر همك ؟؟
ولا الدنيا هى الى مستحوزه ؟
هو ده الى لازم كل واحد مننا يقف مع نفسه



ننتقل بقى
للمرحلة التالته / المرحله العمليه

المعادله فيها بتقول حاجتين بتقول قلبك فيه رصيد للاخره انتى الحمد لله فى قلبك برضوا حب لله وحب للنبى صلى الله عليه وسلم والحمد لله انتى برضوا بتعمل اعمال صالحه مفيش حد مننا مبيبقاش فيه خير اكيد الخير موجود وفى نفس الوقت فى جواذب وحاجات بتشدك للدنيا تعلقات
القانون بيقول علشان اعرف اخلص من الموضوع ده زود رصيد الاخره فى قلبك وابتدى اقطع حبال الدنيا الموصوله فى قلبك.

الحاجتين دول بيهم كل الخطواط الى احنا هنذكرها مألهم الى الموضوعين دول
لو حطينا نسبه وتناسب قلبى فيه 60 % آخره و40% دنيا.

أيه المطلوب ؟؟
المطلوب ان انا اذود رصيد الآخره كل ما هذود رصيد الآخره هيقل رصيد الدنيا وتمشى المسأله بالطريقه دى طيب ……. علشان الكلام ده يتنفذ هنحط تحتيه كام معادله كده بعدين نفصل الخطواط تبقى عامله ازاى



المعادلة التانيه بتقول بن القيم بيذكر انه عادة الانسان مننا لا يحقق هدفه ولا يصل الى المطلوب الاعلى ميوصلش الى هدفة.

الجنه ورضا ربنا سبحانه وتعالى بسبب 3 حاجات

1 – العــــــــــــادا ت ؛
بنقول عليها العوائد
2 – العــــــــــوائق ؛
3 – العــــــلائق ؛

يعنى أية الكلام ده ؟؟

تعالى كده نحسبها ….. واحد تقله انتى مش واخد بالك انك بعيد خالص عن ربنا سبحانه وتعالى وانك محتاج ان النهارده تاخد قرار بقى وتغير من حالك ! انتى لسه مفرط فى الصلاة !؟ انتى لسه بتعمل كذا وكذا من الآفات !؟ انتى لسه بتشرب كذا وتبص على النساء !؟ وكذا وكذا من الذنوب ؟؟؟
فييجى يقلك ايه ….. والله يا شيخ نفسى بس اعمل ايه ؟ اتعودت على كده . هو ده انا متعود على نظام حياة ، فابالتالى انا رضيت بده واطمئننت الى ده
" رضوا بالحياة الدنيا واطمئنوا بها" شوفوا الآية صعبة ازاى
ربنا بيتكلم على مين ؟
الذين لا يرجون لقائنا ورضوا بالحياة الدنيا واطمئنوا بها هما دووووول هما دول الى توعدهم رب العالمين بالنذيرالشديد بالنار والعياذ بالله ان رضى واطمئن هو متعود على كده دى اول مشكله الى هى العادات

تانى مشكله / العـــــــــلائق ،،
يعنى ايه العلائق ؟؟
قلبى متعلق بالفلوس قلبى متعلق بوحده بحبها هى متعلقه بالولد ده ابنها او بزوجها بشكل معين بشكل مبالغ فيه هى متعلقه بصحبه من صحابتها هو متعلق بالشله بتاعته متعلقين بحجات والحاجات دى بتشده بعيد عن طريق الاخره يبقى دى العوالق او العلائق

التالته / العوائق

وهو ماشى فى الطريق الشيطان مش سايبه وكل ما ياخد قرار شياطين الانس الى حواليه مش سايبينه المجتمع مش سايبه البيئه المحيطه بيه مش سايباه وبالتالى كل ما ياخد قرار ويقول خلاص مش هعمل كده وياخد على نفسه العهود ويقول لك بعد رمضان قلت والله العظيم منا عامل وبعد الحج قلت وبعد العمره ساويت لكن رجع الحال لما كان قبل ورجعت ريمه لعادتها القديمة
ليــــــــــة ؟؟
بسبب العوائق الى بنقابلها هنا التلت حاجات دول لازم اتعامل معاهم انا فى كل خطوة عمليه هقلهالك انا بهدف ان انا اقطع حاجه من الحاجات دى اغير حاجه من الحاجات الى عندك ازاى ؟
اغير الحال بالنسبه للعائق دة ازاى ؟
اقطع الحبل الموصول بالدنيا دى ازاى ؟


علشان كده اول خطوة فى طريقة العلاج هتكون فى طريقة تربية الصقور …..

ايه طريقة تربية الصقور دى ؟

العلماء بيقولوا : ان الصقر علشان يربوه بيعملوا ايه ؟
بعد ما يصيدوا او حاجه بيطحط فى بيت مظلم او بيجيبوا كده حاجه زى البرقع ويحطوه على عنيه علشان ميشفش ويبقى مشتاق الطيران فالاول خالص يعملوا ده معاه لفتره لازم ما يشفش وكل ما يفتح وعنيه تبص على السما يبقى مش قادر ان هو ما يطرش او يحلق فلازم ينسوه ده فى البدايه علشان ميخرجش من المكان الى يفترض انه هيستانس فيه ويبتدى صاحبه يجبله لحم ويداديه شويه شويه لغاية ما يبتدى يتعرف على صوته من هنا يبتدى بعد كده يخليه يصطاد حاجه حاجه او يعمل حاجه بس فى الاول خالص لازم يعملوا ده .

أيه الفكره ؟؟
الفكره انك علشان تطلع حب الدنيا من قلبك الى هى مثالها حب الصقر للطيران لازم فى الاول خالص عينك متشفش الدنيا عينك متبقاش على الدنيا انتى طول ما انتى قاعد فى وسط الناس دى وقاعدين يجيبوا فى فى سيرة الدنيا انتى لازم هتتلوث
العلماء قالوا ان خلطة الناس على اربع اصناف واحد خلطتة كداء ، والدواء ، والماء ، والسم
الى خلطته كالداء ده اهل الدنيا ده مبيقلكش تعالى نخش سيما ده مبيقلكش تعالى نعمل كذا وكذا من المحرمات تعالى نمشى مع بنات لا لا لا لا ده بيقلك شفت اخر صايحه من الموبايلات الجديده شفت القميص الفلانى المعروض فى الحته الفلانيه شفت فلان راكب عربيه عامله ازاى ده بيفتح عليك الدنيا ويقعد يقلك مشفتش فلان الفلانى فى سنهسنتين راكب عربيه اخر موديل وانتى هتقعد طول عمرك كده خيبان ومش عارف تعيش الدنيا يا عم اعمل وسوى شوف الناس بتعيش ازاى يخلى دماغك تبتدى تلتفت للدنيا
عايز عايز عايز عايز
هو ده الداء علشان كده اول حاجه تعمل ايه تغمض تغمض العين عن الدنيا ده اهم شئ علشان نطلع الدنيا من قلبك
طب دى تتحقق عملى ازاى ؟؟
عارفين لو واحد مننا متابع معايا وعايز بجد يطلع الدنيا من قلبه هنصحه بكام نصيحه لو عندك قدرة انك تطلع تعمل عمره اطلع اعمل عمره بس خليها عمره بمعنى الكلمه عمره تغمض فيها عينك عن الدنيا مش تروح تعمل عمره وانتى قاعد مشغول طول الوقت هنجيب هدايا للناس ازاى وهنجيب لهم ايه.
يروح يصلى الخمس صلوات وطول العمره فى الاسواق فدى مش العمره الى احنا عوزنها احنا عاوزين قلبك يبقى طاهر من كل شئ القلب فى اللحظه دى بيتغسلبالروحانيات الجميله الموجوده فى البيت الحرام.

طيب انا معنديش القدره على ده ؛؛
يبقى بالاعتكاف الشباب لازم يبقى ليك اعتكاف تروح مسجد وتعتكفلك فيه يوم او على الاقل تعتكفلك فيه نهار كله او تيجى يوم الجمعه تروح تصلى الجمعه وتقعد لغاية العشا المهم يبقى فيه وقت طويل فى المسجد الوقت ده انتى قافل فيه موبيلاتك وقايل لاهلك انا هروح اقعد فى المسجد شويه كده حبه تعمل فيهم عمره لقلبك تعمل فيهم غسيل لقلبك.

طب الاخوات هتقول نعمل ايه او الشباب الى مش هيعرف يعمل الكلام ده والى ميقدرش لا يعمل عمره ولا يعتكف يعمل ايه ؟

يبقى على الاقل يبقى ليه ساعه ساعتين بيقفل فيهم على نفسه ينتقل فيهم مابين الطاعات ذكر قرآن دعاء صلاة يبقى الوقت كله شاغل نفسه ومركذ تماما علشان الوقت ده بيعمل فيه الغسيل للقلب
يبقى الطريقة الاولى طريقة تربية الصقور دى لازم اغمض عنيا عن الدنيا وبالطريقة دى تترك العادات السيئه الى العادات الطيبه طيب يبقى ده اول عملية



تانى حاجه احنا قلنا عايزين نذود رصيد الاخرة
طب ازاى ؟

اول حاجه يزيد رصيد الاخره انك تعيش معانى الاخره ده ازاى ؟

فاكرين لما كنا بنتكلم عن قسوة القلب كنا بنقول على بعض الاشياء العمليه وهى هى هنا ذود عليها شوية حاجات اول شئ زيارة القبر طبعا زيارة القبر بتخلى الواحد يعرف اخرته ايه اخرته حفرة فبالتالى بالمعنى ده لما الواحد بيروح القبر ويتخيل انه هو هيبقى هنا.

انا كنت باخد الشباب ونروح الساعه 12 بليل مقابر 6 اكتوبر وتقعد بقى تشوف بيت الظلمه بيت الوحشة المكان ده لو معكش واحد كمان انتى متقدرش تقعد فيه دقيقه واحده والى تحت ده ايه اخباره.

النبى صلى الله عليه وسلم قال : "كنت نهيتكم عن زيارة اتلقبور الا فزوروها فانها تذكركم الاخرة " السلف كان بعضهم بيصبر على مر الدنيا بسبب ضيق اللحد كله على بعضه متر فى 2 متر هى دى اخرتها يعد يقف ويبص مصيرك هنا.

والله انت غافل عن المعنى ده ليه القبر ده اول منزل من منازل الاخرة فلازم يبقى ليك وقفه كده تروح وتتذكر تروح وتحسس قلبك هى دى الاخره وهى دى بداية الاخره.

تصوروا النبى صلى الله عليه وسلم يقول : " عذاب الكافر فى قبرة والذى نفسى بيده انه يسلط عليه تسعه وتسعون تنينا اتدرون ما التنين فى كل تنيين سبعون حيه فى كل حيه سبعة رؤوس يلسعونه ويخدشونه الى يوم القيامة " والحديث رواه ابو يعلى وبن حبان فى صحيحه واللفظ له وصححه الشيخ الالبانى نقول تانى : " عذاب الكافر فى قبرة والذى نفسى بيده انه يسلط عليه تسعه وتسعون تنينا (99) اتدرون ما التنين فى كل تنيين سبعون حيه فى كل حيه سبعة رؤوس تخيلوا المنظر يلسعونه ويخدشونه الى يوم القيامة "

تحب قبرك يبقى حفره من حفر النار ولا روضه من رياض الجنه ؟

تانى حاجه / علشان تحاسس نفسك بمعانى الاخرة غسل ميت اقف على غسل حتى ولو مبتعرفش تغسل وانتى تعرف.

واحد بيقلى انه راح حادثة القطر الاخرانيه بيقلى رحت اغسل وانا كنت بغسل قبل كده يعنى حالات صعبه جدا بيقول لى : تصور يا شيخ الناس المفرومين فى القطر دول شكلهم عامل ازاى ووشوشهم ايه والى مقطوع له ايد والى مقطوع له رجل والى كذا والى كذا
تشوفوه على خشبة الغسل تعرف يعنى ايه دنيا دا كان راكب قطر ولا كان على باله اى حاجه وفى لحظة مات لو فكرت وفهمت وعرفت من خلال التجربه العمليه دى تبتدى تقول هى دى الدنيا ؟ هى دى اخرتها ؟ وانا مقطع نفسى ووو .

هى دى اخرتها ف الغسل يساعد قوى على المعنى ده علشان كده النبى صلى الله عليه وسلم قال لنا : " من غسل ميتا وكتم عليه غفر له اربعين مره او اربعين كبيرة "
الغسل بيحرك المعانى دى وليه الاجر العظيم ده لكل واحد يغسل.



الامر التالت / مشاهدة المحتضرين وبرضوا دى تجربه عمليه كنا بنعملها خد بعضك دلوقتى واطلع على اقرب مستشفى وخش قسم الحالات الحرجه وتعالى شوف الناس وهى بتعالج سكرات الموت.

مره خدت الشباب وطلعنا على قسم االاورام والراجل بيعانى والعياذ بالله من سرطان ف اول مرة اشوف واحد فى السكرات بيبقى عامل ازاى فبتجيله الغيبوبه بعدين يقوم اقله قل لا اله الا الله يقول آه آه ويرجع تانى للغيبوبه ومش حاسس بحد وبيصرخ والله اعلم كيف ختم له قعدت معاه ساعه احاول القنه الشهاده الله اعلم لقنها ولا لاء لما تشوف المنظر ده تعرف ان دى اخرتها.

عارفين قصة الممثله الى ولدتها عيت فراحت شافتها وقد ايه الانسان فى النقل الاخير بيعانى والسكرات بتبقى عامله ازاى وقفت قالت هو ده اخر الموضوع هى دى اخرت الدنيا ومن اللحظه دى تابت وربنا هداهه واسال الله تبارك ةتعالى ان يكون كتب لها حسن الخاتمه هى دى بقى الدنيا.
فامشاهدة المحتضرين والذهاب بتساعد فى المعانى دى من عاد مريض خرج فى رحمة الله فان جلس عنده اغتمس فى هذه الرحمة.



رابع حاجة / المشى فى الجنازة وتشوف كده والناس محموله على الاكتاف وتحط نفسك فى نفس الموضع هتلاقى قلبك بدء يفكر لو كنت واعى لو كنت مدرك ان فى آخرة لازم تعمله.



خامس حاجه / من الحاجات الى تذود من رصيد الا خره فى قلبك القرآن تلاوة الايات الى بتجلوا القلب وتعالوا نعمل تطبيق عملى تعالوا نقرأ الايات دى وتعالوا نسمعها باذن القلب مش بهذه الاذان قال الرحمن "هذان خصمن اختصموا فى ربهم فالذين كفروا قطعت لهم ثياب من نار يصب من فوق رؤسهم الحميم يصهر به ما فى بطونهم والجلود ولهم مقامع من حديد كلما ارادوا ان يخرجوا منها من غم اعيدوا فيها وذوقوا عذاب الحريق ".

قال الرحمن "هذان خصمن اختصموا فى ربهم فالذين كفروا قطعت لهم ثياب من نار يصب من فوق رؤسهم الحميم " تنزل عليهم الحميه المغليه دى شراب اهل النار ميه مغليه حميم يصهر به ما فى بطونهم والجلود تنزل الميه تهرى الامعاء وتهرى جلد ويبقى زى الهيكل العظم يصهر به ما فى بطونهم والجلد وله مقامع من حديد وفى مرزبه تأتى على رأسه تهشمها ولهم مقامع من حديد كلما ارادوا ان يخرجوا من غم كل ما يحاولوا يطلعوا من النار تضرب الرأس ويبقى فى اسفل النار يحاول يطلع من الغم ده يحاول ينجوا فيطلع" كلما ارادوا ان يخرجوا منها من غم اعيدوا فيها وذوقوا عذاب الحريق" آيه تقطع القلب فلما تعيشها وتحسها وتذكر نفسك بمثلها تقول دنيت ايه وانا مقطع نفسى على ايه دى جنه ونار فالقرآن يداوى قلبك ويشفى صدرك من التعلق بالدنيا .



سادس حاجه ان انتى تتدبر فى سنن ربنا والظواهر الكونيه الى ربنا سبحانه وتعالى بيجريها قدام عيوننا علشان نهتدى زلازل واعاصير وسيول وبقى الزمن ده مفيش اكتر منه بعد رمضان سيول وبعد الحج ده كان سيول جده وشويه وزلزال هاييتى تتصوروا الزلزال بلغت قوته 7 درجات تعرفوا الزلزال مدته كانت قد ايه مدته دقيقه واحده آخر الاحصائيات قالق قرابة ال 202200
ويمكن يوصلوا ل ربع مليون ماتوا ضحايا دقيقه حدث فيها هذا الزلزال والى شردوا قرابة 3 مليون بيقولوا فى الاحصائيات الرسميه دفن الى الان 70000 قتيل لو دخلتوا على النت وشفتوا الصور مدينه كامله فى ثانيه مبقاش ليها معالم ايه ده ؟ هو احنا ممكن نعذب بهذا العذاب ؟ هو ممكن ده يكون حاصل ؟ الخطر بقى ان النبى صلى الله عليه وسلم قال : ان عذاب امة الاسلام هيبقى فى ده
النبى صلى الله عليه وسلم قال : فى الحديث الذى رواه البخارى " لا تقوم الساعه حتى يقبض العلم وتكثر الزلازل ويتقارب الزمان
" .
وقال :
"عذاب هذه الامه الزلازل والفتن والقتل والبلايا "
والحديث الثانى رواه ابو داوود و صححه الالبانى

النبى صلى الله عليه وسلم قال : " سيكون فى آخر الزمان قذف وقتل ومسخ اذا ظهرت المعازف "
الموسيقى والمغنيات واستحل الخمر شفتم لما الواحد يقعد يشوف المناظر دى انا سمعت فى نشرة من النشرات باللفظ المراسل من هناك بيقول ان المدينه ملهاش معالم وكأن يوم القيامة قام .

الناس فى لحظه فى دقيقة 202200 ماتوا لسه هنا السيول الى حصلت فى العريش قسمت البلد نصفين وتشوف ارتفاع الميه بقى عامل ازاى وبيوت بتتهد فى لحظه سيل !!

يا جماعه ربنا بيقول " وجائكم النذير فذوقوا فما للظالمين من نصير الم يأتكم نذير " .
هى دى مش نذر تفوقنا تخلينا بدل الانهماك على الدنيا وشهوتها وكل واحد دماغه فى كام حاجه من امورالدنيا شاغل ومقطع قلبه عليهم وحق ربنا فين متلقيش .
او تلاقى الى بيدى ربنا الفاضله
آه ابقى اصلى خمس صلوات او اتصدق تحوش عنى الشر ،
بتدى لربنا فضلة وقتك !! ؟؟ وربنا اليوم لو حسبك وادالك وقتك وقالك حاسب نفسك تدى نفسك كام ؟
شوف الدنيا الى كنت مشغول بيها وفين الآخرة
" بل تأثرون الحياة الدنيا والآخرة خير وابقى "
فالاعتبار بالحجات دى من اهم الاسباب الى تذود رصيد الاخره فى قلبك



سابع حاجه / انك تسمع مواعظ حوالين المعنى ده وانا هقلك على حاجات عمليه تعملها اسمع سلسه لاى حد من المشايخ الى انتى بتحبهم بيتكلم عن الدار الاخره.

هنا لما كان على القناة احداث النهاية والشيخ حسان لما عمل السلسله المباركة دى كان ليها تأثير كبير على الناس لو الكلام ده بيجيب قلبك لما بتسمع موعظته اسمه ، او أقرأ حولين الموضوع ده وهقلك على شوية كتب ممكن تقرأ فيها بردوا تذكرك وترفع رصيد الاخره فى قلبك ، اقرأ كتاب زى أهوال القبور لبن رجب الحنبلى او كتاب التخويف من النار ليه برضوا كتاب التذكره للقرطبى نسخه محققه كتاب الثبات حتى او عند الممات لبن الجوزى كتاب العاقبه فى ذكر الموت لعبد الحق الاشبينى اقرا كتاب يقظة اولى الاعتبار لصديق حسن خان كتاب التوهم للحارث المحاسبى كتاب المحتضرين لبن ابى الدنيا كتاب سكب العبرات للشيخ سيد حسين العفانى بيتكلم عن المعنى ده دى الكتب الى تساعدك انك تذود رصيد الاخره فى قلبك.

من الحاجات الى نتواصى بيها لرفع رصيد الاخره انك تبقى دايما حنين على فوات الطاعه
فكرين لما كنا بنقول عمركوا شفتوا واحد جاتله سكته قلبيه بسبب انه مفرط فى صلاة الفجر بقاله شهر سمعتوا سكتات قد ايه بقى لما البورصه وقعت وخسر كام مليون القلب متعلق بدنيا ولا باخره عمركوا شفتوا حد مرض لشدة خوفه من الله تبارك وتعالى فبقى حاله حال تانى خالص من شدة اشفاقه عمركوا سمعتوا عن ناس عامله للاخره بهذا الشأن .

قال مالك بن دينار بقدر ما تحزن للدنيا يخرج هم الاخره
طول ما انتى قاعد تقول اعمل ايه وحالى فى الدنيا ايه وحزين على الدنيا الى انت محققتهاش.

على قدر حزنك ده يطلع من قلبك رصيد الاخره يذيد رصيد الدنيا ويقل رصيد الاخره وبقدر ما تحزن للاخره يخرج هم الدنيا من قلبك وزى ما انتى حزين على انك مضيع كذا وورد القران مفرط فيه والنوافل بقيت بتسيب كذا ولغايت دلوقتى مش عارف تخلص من الذنب الفلانى ولازم تشوفلك حل فى المواضيع دى هتموت على كده ؟
فبقدر حزنك على فوات حظك من اعمال الاخره يخرج من قلبك هم الدنيا.

قلنا كده 8 حاجات مألهم ايه ؟ زيادة رصيد الاخره فى قلبك .
يتبقى الناحيه التانيه ازاى اطلع الدنيا العالقه فى قلبى ؟؟

كدة زودت رصيد الاخره عاوز اقطع الحبال الموصوله بالدنيا اول حلجه عاوز تطلع الدنيا من قلبك هقلك سيدك وحبيبك النبى صلى الله عليه وسلم كان عايشها ازاى
الحديث رواه البيهقى فى شعب الايمان والبزار فى مسنده وصححه الشيخ الالبانى من حديث امنا عائشه رضى الله عنها قالت : دخلت امراه من الانصار عليا فرأت فراش النبى صلى الله عليه وسلم عبائه مثناه النبى صلى الله عليه وسلم
السجاده الصوف ازهد ما تكون هو ده الى النبى صلى الله عليه وسلم كان بينام عليه
عبايه زى الصوف متنيه فانطلقت فبعثت الى بفراش حشوه صوف( زى مرتبه كده)
فقال :
صلى الله عليه وسلم ما هذا ؟
فقالت : يا رسول الله فلانه الانصاريه دخلت على فرأت فراشك فذهبت فبعثت بهذا
فقال : رديه
قالت : فلم ارده ، واعجبنى ان يكون فى بيتى
فقال لى : ثلاثا رديه
فقال :" والله يا عائشه لو شئت لاجرى الله معى جبال الذهب والفضه ما لى وللدنيا ".

بالله عليك يبقى احنا عيشتنا عامله ازاى ؟؟

النبى صلى الله عليه وسلم فى غزوة الاحزاب حط على بطنه حجر علشان مكنش لاقى الى ياكله النبى صلى الله عليه وسلم كان بيدعى ويقول : اللهم اجعل رزق ال محمدا قوط { يعنى حاجه تكفيه } الله يعطيك ما يكفيك وانتى تطلب ما يطغيك اوعى تخلى الدنيا تقطع بينك وبين ربنا

هنكمل ازاى هنقطع الحبال دى فى الحلقه القادمه هسالك سؤال تفكر فيه لو معاك مليون جنيه بالله اكتب بالصدق هتعمل بيهم ايه علشان تعرف منكم من يريد الدنيا ومنكم من يريد الاخره.

اسال الله تبارك وتعالى ان يعلمنا ما ينفعنا وان
ينفعنا بما علمنا وان يذيدنا علما ينفعنا
ربنا اتنا من لدنك رحمة وهئ لنا من امرنا رشدا
فستذكرون ما اقوله لكم وافوضى امرى الى ربى ان الله بصيرا بالعباد
سبحانك اللهم ربنا وبحمدك اشهد ان لا اله الا انت استغفرك واتوب اليك وصلى اللهم على سيدنا وحبيبنا محمد وسلم

**ندى الياسمين ** **ندى الياسمين ** 259327_3.gif ملكة فتكات Fatakat 259327 الاسكندريه – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.