تخطى إلى المحتوى

متشلش هـم وانت معاه … تعالى وجرب الثقة فى الله "

السلام عليكم ورحمه الله وبركات
ازيكو يا فتوكات
يا رب تكونوا بخير يا رب

{وَلَوْ شِئْنَا لَرَفَعْنَاهُ بِهَا}

كلمة خطيرة جدا لازم نفهم الكلمة دى ونقف قدامها شوية. الله سبحانه

وتعالى سمعناه وهو يكلمنا ويقول:-

{وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا}

يعنى ايه آتيناه آياتنا؟

يعني مثلا زي واحد يؤتي علم القرآن المفروض إنه الآن فى غاية الهدى

" فانسلخ منه فاتبعه الشيطان فكان من الغاوين " … " ولو شئنا لرفعناه بها "

كل واحد مننا ممكن يحضر درس زى ده ويخرج قلبه ساجد تحت عرش الرحمن

وممكن يحضر درس احسن منه 100 مرة ويخرج لم يتأثر على الإطلاق.

احنا يا جماعة عارفين كمية آيات وأحاديث لو قلوبنا كانت سليمة وطاهرة

ونظيفة وفيها نور الايمان كنا اترفعنا بيها لمقامات الأولياء والصديقين

" ولو شئنا لرفعناه بها" .

إصلاح القلوب يا جماعة، تربية القلوب إننا نطهر القلوب من الشهوات

والشبهات اللى فيها يعنى الوقتى واحد دخل البيت فتح الحنفية نزلت مية مش

نظيفة قال بس الحنفية لازم تتغير، دخل على حنفية تانية بيفتحها نزلت مية

مش نظيفة غيرها، حنفية تالتة مية مش نظيفة غيرها.

ياجماعة المشكلة مش فى الحنفية المشكلة فى الخزان فوق. النهاردة انا بصيت

لِدى ودى ودى عايز أصلح عينى وعايز أصلح غض البصر عندى، بكره أنا

اغتبت كتير عايز أصلح الغيبة عندى

المشكلة مش فى الكلام ده، المشكلة فى القلب نفسه -فى الخزان- الخزان نفسه

مش سليم. يعنى واحد راح لدكتور قاله يا دكتور انا عندى صداع حاضر

آدى مسكن اهه وعندى رشح حاضر آدى دواء ضد الرشح اهه وعندى

سخونية آدى دواء ضد الحرارة اهه وبكح آدى دواء ضد الكحة اهه.

الراجل ده يا جماعة أول مايبطل الدواء هيحصله إيه؟

كل الأعراض دى هترجع تانى لأن السبب اصلا ميكروب الدكتور

معالجهوش. عايزين نعالج المرض منعالجش العرض يبقى القضية عايزين ننظف

الخزان ونعالج المرض
الرسول- صلى الله عليه وسلم – ماقال:-

" ألا إن فى الجسد مضغة _ قلبك_ إذا صلحت صلح الجسد كله _ لدرجة

إن رجليك نفسها فى قيام الليل تتفتر ومش عايز تسيب قيام الليل _ وإذا

فسدت فسد الجسد كله_ فسد اللسان متعديش فى أى مجلس إلا وتجيبى سيرة

جميع صحباتك ، فسدت العينين؛ متمشيش فى اى شارع إلا وتجيب ولو

واحدة فى الدور العاشر عينيك تجيبها، فسد كل عضو من اعضاء جسمك لأن

القلب فسد _

ياجماعة عايزين نصلح قلوبنا، عايزين يبقى فيه جهد حقيقى على قلوبنا.

أسماء بنت ابى بكر كان عندها 23 سنة والرسول فى غار ثور هو وأبو بكر

كانت حامل فى الشهر السابع بتروح تودى الأكل كل يوم بتمشى خمسة كيلو.

خمسة كيلو! وهى حامل فى الشهر السابع جابت البطولة دى منين؟ الإيمان

بيفجر طاقات عمرنا ماكُنا نتوقعها أبداً .

ربيعة بن كعب لما الرسول بيقوله أسالنى قاله أسالك مرافقتك فى الجنة،

يا ربيعة انت عندك 17 سنة لسة شاب صغيرأسألك مرافقتك فى الجنة،

يا ربيعة يابن كعب انت من أهل الصُفة يعنى ملكش مكان تنام فيه ولا انت

متجوز ولا حتى معاك أكل الفطار ولا الغدا اللى جاى

أسألك مرافقتك فى الجنة

لما الإيمان بييجى فى القلب الطاقات بتتفجر.

اللى بينظر لأحوال الشباب الوقتى والله العظيم الواحد قلبه بيحترق على

أحوال الشباب. السنة اللى فاتت فى وقت قريب من هذا كان الواحد بيِدِى

درس هنا الواحد كان ملاحظ السنة اللى فاتت إن كان فيه اقبال هائل من

الشباب مش إقبال على الدرس، الشاب اللى بييجى مرتين تلاتة ويلتزم،

الشاب اللى بييجى بيبقى فى تمام الإنصات طول الدرس السنة دى الواحد

حاسس إن الشباب قلوبهم تغيرت تغير شديد إيه السبب ياجماعة؟

السبب فى الإعراض الرهيب اللى بقى فى قلوب الشباب عن الدين ده.

الواحد نفسه ياخد سبب واحد ومعقول عن الإعراض عن الله سبحانه وتعالى،

عايزين نصلح قلوبنا طب نصلح قلوبنا بإيه؟

يعنى أكتر حاجة نصلح بيها قلوبنا هى معرفة الله سبحانه وتعالى، أكتر حاجة

تطهر القلب.

الحياة بدون الله! اللى عايشين بدون الله دول عايشين ازاى؟

اللى عايشين بدون معرفة الله دول عايشين ازاى؟

شاب حياته اتدمرت لأن اللى بيحبها سابته اصله ميعرفش الله،

وفى شاب حياته اتدمرت أصل اللى بيحبها ماتت،

وفى شاب حياته اتدمرت أصله مدخلش الكلية اللى كان عايزها،

وفى أم حياتها اتدمرت اصل ابنها مات،

وفى أب حياته انتهت لأن ابنه طلع

شاب مش كويس ومش على مراده خالص،

وفى بنت حياتها انتهت لأنها عدت سن الجواز ومتجوزتش،

إنما أهل معرفة الله!!!!!!

ياجماعة على وجه الكرة الارضية 200 مليون مكتئب،

أمريكا مابين كل 4 أفراد فيها واحد بيعانى من مرض الاكتئاب.

فى المانيا أم دخلت على ولادها التلاتة وهما نايمين دبحتهم ليه؟

عندها مرض الاكتئاب قالت مش عايزاهم يطلعوا يعيشوا نفس العذاب اللى انا

عشتوا.

مرة من ذات المرات مصعب راح لرسول الله مقلش انا آسف يا رسول الله انى

انا اتأخرت عليك امبارح اصل انا كنت مكتئب شوية ولا معاذ قال يا رسول

الله انا عندى الايام دى شوية ألام نفسية، ولا سلمان كان بينام على الفراش

بتاعه يقعد ساعتين يتقلب على السرير قبل ما ينام مش عارف ينام لأن يا جماعة

كانوا عايشين الحياة مع الله سبحانه وتعالى، كان فى معرفة لله فى حياتهم

مخلياهم عايشين فى غاية السعادة. الواحد يقعد يفكر كدة الأم الشيوعية الغير

مؤمنة بوجود الله لو ابنها جالوا سرطان تعمل أيه دى، متتجنش ازاى دى ؟؟

إنما معرفة الله بتدى جواك طاقة هائلة على مواجهة جميع الابتلاءات والمشاكل

وظروف الحياة وبتخلى حياتك لها معنى وبتخلى حياتك لها هدف
روشتة إصلاح القلوب المرة اللى فاتت اتكلمنا عن أول دواء موصوف فيها

وهو

*حب الله*

النهاردة عايزين نتكلم عن الدواء التانى فى روشتة إصلاح القلوب وهو

*الثقة فى الله* انا بكلم مين لما بقول الثقة فى الله؟

انا بكلم اللى خايف يلتزم احسن دنيته تتاثر والدراسة بتعته تتأثر،

بكلم اللى خايفة تتحجب حجاب شرعى سليم احسن محدش يتقدملها،

بكلم اللى خايف يقفل المحل بتاعه ساعة الصلاة احسن الرزق يقل،

اللى خايف يقفل الكاسيت فى المحل احسن الزباين ميتلموش،

بكلم اللى خايف يلتزم احسن يُبتلى.

فى ناس معتقدة انها لوالتزمت وأقبلت على الله ربنا هيجبلها مصيبة فى حياتها

!!!!!!!!

بكلم اللى ايام الامتحانات مبينزلش يصلى فى الجامع أصله خايف على وقته

ميعرفش إن ربنا هيباركله بالنزلة دي،

بكلم اللى ايام الامتحانات بطل ييجى الدرس -ده طبعا أسوأ حالة فى حالات

ضعف الثقة فى الله طبعا !!

المفروض ياجماعة الواحد لا ينقطع جهده الدينى تحت أى ظرف من الظروف

ممكن يقل ولكن لا ينقطع ساعة الله متنقطعش أبداً.

بكلم مين؟

بكلم اللى خايفة ترفض العريس الغير ملتزم اللى اتقدملها احسن ميجيش

احسن منه،

واللى خايفة ترفض وظيفة جاتلها الرزق بتاعه حرام

أو شاب خايف يرفض

وظيفة صاحب العمل بيقوله متنزلش تصلى فى الجامع احسن مايجيلوش وظيفة

احسن منها،

بكلم اللى خايف يشتغل فى الدعوة وسط اصحابه احسن الدراسة تتأثر،

بكلم كل الطوائف دى.

ضعف الثقة فى الله منتشر فى حياتنا كلها ولو جينا نقول علاماته المرضية كلنا

بنعانى من هذا المرض للأسف الشديد.
الثقة فى الله ابتلاء من ربنا ابتلى بيه جميع عباده أكثر من 95% فيهم سقطوا

فى هذا الابتلاء، أكثر من95% من الناس اللى ماشيين فى الشارع قلوبها مليانة

سخط على الله والعياذ بالله ومليانة سوء ظن بالله.

يعنى إيه معنى الثقة، إيه الثقة؟

عشان نعرف معانى هذه الحاجات الايمانية للأسف الشديد مش هنتكلم عن

احوال أهل الدين قبل مانتكلم عن أحوال أهل الدنيا لأن أهل الدنيا وثقوا فى

الدنيا وحققوا مقامات الإيمان بالدنيا لدرجة إن احسن وصف نوصف فيه أى

مقام إنك تجيب حال أهل الدنيا فيه.

المرة اللى لما جينا نقول يعنى ايه حب جبنا حب أهل الدنيا لبعض النهاردة لما

نيجى نتكلم عن الثقة الواحد لما يثق فى صديقه ميقولش اسراره غير ليه،

أما بيثق فى المحامى بتاعه بيعمله توكيل عام إنه يتصرف فى جميع أملاكه

وجميع أحواله !!

لما الابن وثق إن أبوه وأمه بيحبوه هو الطفل لما أبوه بيديله حقنة

مابيكرهوش ليه؟

لأنه واثق إن أبوه لا يمكن يضره أبداً ولا يمكن يعمله حاجة

مفيش الخير فيها،

اللى بيثق فى دكتور لو هيموت من العيا مبيروحش يكشف

عند أى دكتور تانى إلا الدكتور ده ولو هيستنى شهرين يستنى شهرين لغاية

مايدخله،

اللى بيثق فى زوجته بيكتبلها جميع املاكه كلها ومش خايف إنها تخونه إو تغدر

بيه،

اللى واثق فى حكمة أبوه إنه راجل حكيم ورأيه سليم ما يخدش قرار فى أى

مشكلة إلا لما يرجع لأبوه اومال اللى واثق فى الله يعمل إيه فى كل الكلام

ده؟؟؟

الواثق فى الله مايخطوش أى خطوة إلا بتوجيه الله،

مايخطوش أى خطوة إلا باستخارة الله دايما بيثق فى توجيه الله وترتيب الله.

أهل الدنيا لما وثقوا فى الدنيا عملوا ايه؟؟

الواحد ساعات يقعد يتامل فى نموذج الطالب انا مش بقول الكلام ده عشان

محدش يفهمنى غلط قبل مقوله عشان اقول انه غلط إننا نبذل مجهود فى الدنيا.

انا مابتكلمش إن ده صح او غلط، انا بتكلم الوقتى إننا عايزين نشوف اهل

الدنيا لما وثقوا فى الدنيا بذلوا مجهود شكله إيه علشان نعرف إننا لو وثقنا فى

الله هنبذل مجهود شكله ايه. الطفل من وهو عنده6سنين ينزل6سنين ابتدائية

كل يوم ينزل الساعة6الصبح يرجع الساعة 3العصر يصحى عينيه منفَخَة ومع

ذلك يشيل شنطة تقله مرتين. بعد6سنين ابتدائية 3سنين اعدادى 7حصص

لغاية قرب العصر لسة فيه دروس خصوصية بعد الدرس هيحل واجب المدرسة

وبعد واجب المدرسة هيحل واجب الدرس وبعد الواجبات دى كلها لسة

هيذاكر وبعد كدة امتحانات ترم اول وترم تانى وشهور.يدخل3سنين ثانوى

اعتقال ماعدش فيه صيف ولا شتاء، ماعدش فيه اجازة ولا دراسة، أول ما

يخرج من2ثانوى يجرى على المدرسين بتوع 3ثانوى بسرعة،يخرج من 3ثانوى

يبقى أمه داعية عليه لو دخل كلية طب.

[/color]

احبك ربي فاغفرلي احبك ربي فاغفرلي https://files.fatakat.com/customavatars/avatar797880_1.gif فتكات ست الكل Fatakat https://forums.fatakat.com/member797880 المنصوره – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.