اهلا بفتوكاتى المصيفين
خلاص الدنيا حررت واول مشاكل بنقابلها طبعا هى شعرنا
واكتر الاسئلة بنقف عندها
1 – اغسل شعرى كل يوم ولا بيبوظ اصلى بتحر ؟
2 – انا بغسل شعرى بصابون ينفع ؟
دى امثلة من الاسئلة طبعا
اكترنا بيلجأ للفرد عشان الغسيل والتسريح يكونوا سهلين وكمان المنظر يكون مقبول مش هنعد فى البيت ذى شيتا ادام الراجل ومش عشان اجوزنا خلاص نهمل ذى ستات كتير تقوم جيبة الامطة المحترمة وربطى دماغك يازينب نوووووووووو
مينفعش بجد عشان كده موضوعى ده للبيفردو شعرهم الحمد لله فردنا والشعر نام بعد ما كان طول النهار قايم على حيلة ههههههه والتجعيد راح طيب انا انهاردة بالنسبة بالى فردت تشى وهو بصراحه معايا جميل جدا جدا
طب انتى يا فتوكة فردتى مثلا مثلا فرد إيطالى ماشى مش مشكله وواحدة ادتها جلات اوك
الشعر عايز يتغذى بعد الفرد وده طبيعى جدا
انا هقولك خطوات العناية بالشعر بعد الفرد مش
من عندى لا من اخصائية الفرد لانها مديانى كل التفاصيل بصراحه
متغسليش شعرك اكتر من مرتين فى الاسبوع عشان المية بتخرب الفرد لان جواهاه كلور وشبه ومعادن تقيلة اوك
اغسلى شعرك بشامبو نورش من تشى معلش انا بحدد لان الشامبو نوريش من تشى مش عايزة اقولكم بيعمل ايه فى الشعر بجد فى حياتى محطتش ذيه حتى المستورد من السعودية مش ذيه وبعدين لان الشامبو ده مخصوص للشعر الجاف والتالف مرسوم علينا يعنى
طب بالنسبة للبلسم شرحه بردو بلسم تشى اذا مش هتقدرى تشترى خلاص مش مشكلة هاتى شامبو جونسون وبلسم جونسون بس مش المصرى ارجوكى وحش جداااااا وجواه مواد ككيماوية بليز هاتى جونسون المستورد MADE IN ENGLAND اوك انضف بكتير
بالنسبة لحمامات الكريم انتى بتحتاجى حمام الكريم كل 15 يوم يعنى مرتين فى الشهر
مكوناته :
صفار بيضتين او ثلاثة بيضات حسب طول شعرك ماشى
كوبين زبادى بلدى
ربع كوب زيت جوز هند
تمام المكونات هتضربيها كويس وتوزعيها على الشعر بس يكون الشعر نضيف وجاف مش مبلول تمام يا قمر لفى شعرك باستريتش ( ممكن بونيه ) واتركى الخليط على الشعر من 4 الى 6 ساعات كل كل ما تقدرى تسبيه سبيه اووووك
اشطفى الشعر بمية دافية مش سخنه ماشى واغسلية بعد ما تنضفيه من الخليط حطى الشامبو واغسلى شعرك عادى تمام بعد الغسيل عموما سواء الغسيل العادى او الغسيل بعد حمام الكريم بوضع السيروم المناسب ليكى انا عموما بستخدم سيروم SILK INFUSION من تشى
حاولى تسرحى شعرك مع كل وضوء يعنى حوالى 5 مرات فى اليوم وده ميزته انه بينشط الدورة الدموية فى الدماغزيت المنتول وزيت النعناع ممتازين للفروة بعد عمليه الفرد مهما كان نوع الفرد ضعى مقادير متساوية من الزيوت الفاتت فى قارورة غامقة انا بحطها فى زجاجة دواء الكحه بعد الفرد أدعى فروة الراس مرة كل اسبوع بالزيت لتنشيط الدورة الدموية وانبات الشعر وتقوية الشعر الموجود أصلا
الحنة بتنشف الشعر بعد الفرد اخلطيها دايما بنوع زيت وانا من خلال تجربتى بحط زيت جوز هند عليها وبحط بعد كده كركدية مطحون
ودم غزال بس على خفيف
بالنسبة للقص انا بقص كل شهرين سم زاحد من الشعر عشان التقصيف وهتستغريى والله شعرى مطولش غير لما بديت اقصه بس بالمواعيد انا بكتب على النتيجة عشان منساش
اذا افتكرت يا فتوكات اى حاجة تانى هكتبهالكو
يارب اكون افدتكو
تواضع لله تواضع لله 393308_3.gif فتكات رائعة Fatakat 393308 القاهرة – جمهورية مصر العربية