السلام عليكم ورحمه الله وبركاته
انا جربت ماسك وعجبنى اوى
قلت انزله علشان تجربوة وتدعولى انا اول مرة اكتب فى القسم دا
الماسك دا بيصفى البشرة وبيفتحها واحلى حاجه انه
بيحمر الخدود من غير بقى بلاشرات ولا وجع دماغ دا طبيعى
واجمل حاجه انه لجميع انواع البشره
هشرح الاول وبعدين اوريكو الطريقه بالصور
بصو يا جماعه احنا لما بنيجى نعمل عصير فراوله
طبعا بنصفيه بعد ما بنضربه فى الخلاط صح
عارفين بقى التفل دا اللى بيطلع فى المصفا
نخده نحط عليه معلقتين زبادى و6نقط عسل ابيض
دا بعد ما ضفت كله على بعضه
كده بقى بعد ما خلطهم مع بعض بالمضرب السلك اليدوى
كده يبقى جاهز تحطيه على وشك كله حتى تحت العين
وتسيبيه لما ينشف اوعى تغسليه الا لما ينشف
وبعدين تروحى على الحوض وتفركيه وتغسلى وشك بمايه من الحنفيه
وتنشفى براحه طبطبه كده وعلى المرايه جرى
هتلاقى وشك كله ابيض بس الخدود حمرا
ووشك ناعم وصافى كده
طبعا قبل ما تجرور تعملو عصير فراوله تقيمو الموضوع الاول متفقين
على فكرة يا جماعه والله انا عملت الموضوع دا وبعدين اتمسح منى وانا بحط
ابتسامات فى الموضوع وكتبته من تانى والله عشان خاطركم
وبتمنى انكم تجربوة وتيجو تقولو النتيجه ودى تجربه شخصيه وربنا اللى شاهد ع كلامى
فى رعاية الله وامنه مواضيع هذا القسم برعاية
أبكى على شام الهوى أبكى على شام الهوى 185481_13.gif سوبر فتكات Fatakat 185481 كفرالشيخ – الدولة الاسلامية العظمى