السلام عليكم ورحمة الله وبركاته
انا جيت افيدكم يا بناتيت بحاجه ويارب تفيدكم زي ما افادتني
قلت ارفه عن نفسي وانسى ان الفيس بتاعي اتسرق
المهم ندخل في الموضوع
انا عارفه ان فيه بناتيت كتير قوي بتجيب زيوت سواء دابر املا او جدايل او تروشوب او غيرهم او غيرهم
وطبعا مهما كان سعرهم
ساعات بنحس ان الزيت مش بيجيب معانا نتيجه
خصوصا اننا بنجيب الزيوت دي عشان نغزي شعرنا ونمنع التقصف والهيشان وغيره وغيره
المهم طبعا كلنا عارفين ان الحاجات دي بتبقى غاليه ازاي
واننا عايزين نستفيد من الزيوت دي اقصى استفاده
امعلش انا طولت
المهم اني مره شفت على قناة الرحمه وقناة الناس اعلان عن زيت من الزيوت
المهم يعني اني مش بعمل دعايه ليه
بس سمعت حاجه غريبه المذيع قالها
قال اننا (نسخن) الزيت
ونجيب فوطه دافيه الى سخنه ونلف بيها راسنا
انا استغربت ازاي نسخن ازاي
ونحطه على شعرنا ازاي
طيب و هيفدنا ياترى؟؟
انا مكدبتش خبر
بما اني جايبه زيت جدايل وجربته مره واتنين
بس محستش بفرق ملحووظ
يعني ظهرت سنننننه بس مش الدرجه المرضيه
المهم نيجي للمفيد
انا بقى ايه
غسلت شعري بالشامبو كويس
وسبته عليه شويتين
وشطفته كويس قوي
ولازم تاخدي بالك انك لو مغسلتيش شعرك كويس الشعر بيقع
عشان الكيماويات بتفضل فيه
ونشفت كويس قوي
بس ياريت تنشوف الشعر بالطبطبه
مش بالعصر
عشان العصر بيقصفه وكمان بيخليه يتساقط
المهم اني سبت شعري لغااااية ما شبه ميته نزلت
يعني خلاصص ناقصله سنه ويبقى ناشف
المهم جبت الزيت
وجبت معلقة الاكل
وعلى النار على اصغر عين
العين بتاعت الكنكه او القهوه دي
وتشغلي النار على الهادي
وبعدين تجيبي المعلقه
وتمليها لنصها بالظبط ومش تكتري
عشان ميقعش منك
وتحطي الزيت على النار
واستغفري 10 مرات
وبعدين شيلي المعلقه
وبعدين بلي صوابعك مايه عشان متتلسعش من الزيت
ومش لازم تكون فيها ميه
المهم بس عشان تبقى فاصل بين الزيت السخن والجلد
وبعدين تاخدي باطراف صوابعينك الاتين وامشي على جذوور الشعر
ودلكي وانتي ماشيه على الجذور
ولما يخلص الزيت
كرري تاني
وياريت مش تكتري عن معلقتين او معلقتين ونص
عشان الشعر مش هياخد كتير
وغلط لو زودتي عن كده
وهيتكتم ومش هيعرف يتنفس
ولما تخلصي الزيت بقى
تدلكي باطراف صوابعك جذور الشعر
وكمان متنسيش تدهني الشعر واطرافه لان اطراف الشعر مهم جدا
عشان مش بيوصله الغذاء فعشان كده بيتقصف وبيهيش
بس كده
وتسرحي شعرك كده او ممكن تلفيه بفوطه سخنه لو حابه
عشان يكمل الغذاء بتاعه
انا سمعت الراجل انك تلفي الشعر حوالي ساعه لاتنين بس مش فاكره قوي
ويارب تكونوا استفدتوا
ويارب تجربوها
لاني جربتها
وما شاء الله تبارك الله اللهم لا حسد لاحظت الفرق بجد من اول مره
وياريت تقيموا عشان كل البناتيت تستفاد
والي تجرب ياريت تيجي تكتب هنا تجربتها
بنت بنوت والعمر بيفوت بنت بنوت والعمر بيفوت 658463_1.gif سوبر فتكات Fatakat 658463 القاهره – مصر