حبيبات قلبي الغاليين اخواتي في احلي منتدي نسائي مصري وعربي طبعا بلا تحيز والا منازع
فتكات عمهم وحابس دمهم علي طول ان شاء الله
ده اول موضوع لي في قسم الميك اب
عشان كده انا عاوزة تشجيع حار و خدوا بالكم انا مجنونة ميك اب (في بيتي ولزوجي وبس لان محدش تاني يستحق يشوفني متزينة وعلي سنجة عشرة غيره وبس وطبعا زينة المراة لزوجها ومحارمها وبس) و لو شفت تشجيع حلو ان شاء الله رب العالمين هزهقكم مواضيع.
ملحوظة كلبوظة:
الموضوع حصري والصور بتاعتي وعليها اسمي انا تعبت لحد ما جمعتها وجبتها من موقع مدرسة ميك اب ارتيست صينية يعني مش موجودة خالص في المنتديات العربية. معلش عشان انا عارفة الجماعة اللطيشة بتوع اللي بيسرق يروح مارينا دول.علي فكرة اللي بيسرق بقي بيروح النار مش مارينا. الموضوع ده للزينة فقط في البيت وامام الزوج والمحارم وبس وانا بريئة من اي واحدة تتزين خارج بيتها باي حاجة انا هنزلها او نزلتها.يعني البنات الروشين يعملوا الرسمة ديه ويخرجوا بيها بره البيت هما حرين بقي انا بريئة منهم. التقييم بقي والصور هتتكلم وانا هشرح كل صورة ان شاء الله. يالا بينا نتفضل نتفرج سوا
1- اول صورة اللوك النهائي المطلوب باذن الله
2- الادوات اللي هنستخدمها ان شاء الله من الشمال لليمين
مغذي الاظافر زي اللي بيجي في اورفليم كده اللي ممكن يستخدم بيس للمانيكير – مقوي اظافر شفاف – مانيكير مط موف فاتح زي الصورة – مانيكير مط اسمر – معلش نسيت كمان هنحتاج فرشة رفيعة ( ممكن تبقي فرشة ديب لينر قديمة) و اعواد تنضيف الاسنان وقطعة من ورق المونيوم فويل.
الفرشة الرفيعة
اعواد الاسنان
3- هنبدا طبعا بعد ما نبرد الضوافر ونسنفرها ونظبطها هنحط ان شاء الله طبقة من الزيت مقوي الاظافر او البيس اللي هو اول واحد علي الشمال في الصورة ويبقي ده شكل الايد بعد التنفيذ.
4- نبدا بوضع الطبقة التانية اللي هي الاساسية للرسمة وهي باللون الموف وزي ماحنا عارفين لازم تبقي في صورة طبقتين رقيقين عشان ما تتشالش بسهولة اكيد.وده الشكل بعد التنفيذ.
5- هنجيب بقي المونيوم فويل وبفرشة المانيكير الاسود نحط يادوب نقطة من الزجاجة علي ورقة الفويل عشان تبقي كده.
هنكمل اهه بس خليكوا معاي ناخد شوية حسنات واحنا قاعدين
(( رب اغفر لي وتب عليّ إنك أن التواب الغفور ))
6- هناخد بالفرشة الرفيعة من المانيكير اللي علي الفويل ونروح نرسم بيه علي الظفر طبعا بعد ما المانيكير الموف نشف جدا
وهنرسم نص دايرة او قوس باللون الاسود كده.
7- هنملي الظفر بالاقواس اللي باللون الاسود في منطقة من طرف الظفر اليمين للطرف الشمال زي الصورة كده ونخلص كل الضوافر لحد ما يبقي الشكل النهائي كده.
8- هنيجي للمنطقة اللي علي اليمين من الظفر ونملاها باللون الاسود المط بفرشاة المانيكير العادية بس خدي بالك امسحي الفرشة كويس قوي قوي عشان ما تلطش معاكي وتفرش المانيكير وتخرج بره لحد ما يبقي الشكل النهائي كده.
9- عشان نعمل بقي النقط باللون الموف خدي التكة ديه
هاتي اعواد الاسنان ومبرد ضوافر عادي جدا وابردي طرف العود عليه عشان يبقي رفيع ومدبب يقوم يدينا نتيجة حلوة ودقيقة.
يعني اعملي كده
10- بنفس الطريقة هنجيب المانيكير الموف الفاتح ونحط منه علي الفويل وناخد بعود الاسنان اللي بردناه ونعمل علي الظفر نقطة خفيفة جدا جدا عشان خدوا بالكم بيفرش ولو عملنا كتير هيندمجوا سوا وهنضيع مجهودنا ده كله. اعملي النقط ديه بشكل عشوائي وعلي ذوقك يعني تقال خفاف براحتك جدا.
11- ده شكل الضوافر بعد ما نقطنا شوية خفاف كده علي اول ظفر وخدي بالك من المسافات اللي سايبنها قد ايه.
12- استمري بقي لكل الضوافر زي ما انتي عاوزة لحد ما تكملي الايد كلها ويبقي ده الشكل النهائي لهم كلهم بعد ما خلصنا النقط.
13- خلصنا خلاص اهه ما تزقوش حاسة انكم زهقتوا مني بس معلش اصلي بحب اوصف بالتفصيل الممل عشان محدش يسالني في حاجة او برضه عشان اللي هتنفذ تنفذ وهي معاها كل التعليمات ان شاء الله.
هندهن بقي مقوي الاظافر الشفاف طبعا بعد ما كل الطبقات تنشف جدا جدا.
ويبقي ده المنظر النهائي اللي مش هتشوفوا زيه نوهائي نوهائي الا في فتكات عمهم وحابس دمهم وبس.
وده كمان للحبايب
ممكن طبعا تحطي عليهم استراس وبربرق وحاجات ومحتاجات كتيرة قوي زي كده انتي وابداعك بقي بس انا حبيته كده لانه ارق بكتير قوي بس ممكن تحطي حاجات زي كده براحتك وذوقك.
خلصنا كده النهاردة ولو عجبتني الردود والتقييم هكمل لكم المجموعة وانزل لكم ده كمان باذن الله رب العالمين.
الرسمة التانية
دة الشكل النهائى بتعها
الطريقة اضغط فى صفحة رقم
6
https://forums.fatakat.com/showpost.p…&postcount=120
انا تعبت قوي في الموضوع علي فكرة واظن واضح للي بيقدروا مجهود الناس طبعا.
عشان كده مش هسامح اللي هتنقله بدون ذكر المصدر.
واكيد بعد اذنكم هستني التقييم والردود.
في امان الله ياقمرات فتكات.
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
د/بكره احلي من النهاردة د/بكره احلي من النهاردة 84779_27.gif ✾✾ جمالك عندنا في فتكات✾✾ Fatakat 84779 تحت ظل الله و في قلب زوجي و احضان بناتي و رضا والداي – أم الدنيا الحرة