السلام عليكم وففققن الله وجزاكم عن مجهودكم كل الخير
الحلم عباره عن كذا موقف ملهوش قصه امي بتديني فينو وانا بقولها لا اللي معايا اجمل و باكله بالجبنه المثلثات
وموقف تاني ف ايدي كباية لبن بالنسكويك (شيكولاته زي الكاكاو) بس كان النسكويك فيها كتير وعماله اشرب منها وانا ببص ف الكبايه وبقول ده كتير
وموقف تالت انا واتنين اصحابي رحنا زي فندق حجزنا 3 غرف والراجل وهو بيدينا زي التذاكر كده قال لي انتي ليكي اغلي غرفه انا استغربت و قلت يعني انا هدفع كتر
وبعدين رحنا ندور ع الغرف دخلت واحده مننا اوضتها واتبقيت انا والتانيه وقلنا كده غرفنا ف الدور اللي تحت وخلص الحلم
انا مش مفسره مين اصحابي اللي كانو معايابس انا عموما صحبه من تلاته يعني احنا تلات اصحاب من ايام الثانويه وكمان تلاته غيرهمف الجامعه… البنات بتوع الثانويه محدش متزوج وبتوع الجامعه واحده متزوجه وواحده انخطبت قريب
معرفش دي تخاريف والا ايه
– الحالة الدينية لك ولمن معك فى الرؤية
بجتهد عشان احافظ ع الصلاه الحمد لله اصحابي وامي احسبهم علي خير
– اسماء من فى الحلم وعلاقتك بيهم
امي اسمها فوزيه
– حالتك الاجتماعية
آنسه غير متزوجه
– هل أنتى موظفه ؟
اعمل مهندسه كمبيوتر
– هل أنتى حامل ، أو تنتظرين حمل ؟
لا
– هل تعانى من اى هموم او ارق قبل النوم
نعم يؤرقني شيئا اعاني من عيب خلقي بصمام للقلب الحاله عاديه جدا ع لسان الاطباء ولكن يظهر لها اعراض شديده عند التعرض للضغوط النفسيه وكنت تعبانه يوميها وعماله افكر ف حالي يعني انا عندي 26 سنه وتفكير الناس حوليه اني لابد ان اتزوج وانا بفكر انه انا بيجي لي اوقات بكون تعبانه فيها ومش قادره اشيل نفسي ف ازاي هكون مسئوله ف يومها كنت بقول الحمد لله يا رب انا مش عارفه اعمل ايه ولا ايه هيحصل
– هل ترقين رقية شرعية ام لا
رقيت قبل ذلك بيوم واحد
– حلم عادى ام استخارة
حلم عادي
ارجو التفسير وجزاكن الله كل الخير
بشمهندسه سوسو بشمهندسه سوسو فتكات حبوبة Fatakat 849639 القاهره – مصر
