كعب حرير …. ومن البيت -للعناية بالبشرة

السلام عليكم ورحمه الله
انا هقولكم ع وصفه سهله اوى ومش محتاج مجهود كبير وبيبان مفعولها من اول مره انا طبعا هقولكوا كان حال كعوبى مؤسف جداااااااا انتوا عارفين الصيف بقى والصنادل بتبهدل كعب الرجل وكانت عامله قشره وكانت عليها جلد ميت كتيروكانت بتخربشنى اما تنشف كنت بصراحه حزينه ع رجلى بس الوقت الحمدلله بقت ناعمه جداااااااااااااا وكل الى عملته حاجه سهله اوى اجيب المكونات دى
اجيب المكونات دى : فازلين طبى _ مبرد اقدام _ كيسين تلاجه _ شرااااب
اقولكوا بقى الطريقه الصحيحه الى وصلت رجلى للنعوميه دى
قبل النوم .. اولا غسلت رجلى جامد بحجر خفاف عشان لو فيها تراب ولا حاجه فى التشققات ونشفتها جدا وقعدت حوالى ساعه عشان يكون جلدى نشف جدا لانى مش عاوزه اقدامى رطبه فى ناس تقول تستخدم مبرد الاقدام بعد ما نغسل اقدامنا بميه دافيه عشان سهل برد الجلد الميت لا طبعا كلام غلط احنا عاوزين الكعوب تكون ناشفه جدا عشان اما نبرد الجلد الميت بينزل زى البودره كده وبيتشال كله لكن لو الكعب رطب الجلد الميت ممكن يتشد ويألمك او يتمايل مع حركه المبرد لكن مش هيتشال صدقونى لانى مجربه المهم بعد ما ببرد الكعب كويس جدا وبحس انها نعمت اوى بردت صوابع رجلى بالمره نعومه بنعومه بقى بس بالجهه التانيه الناعمه بتاعه المبرد لانها حساسه شويه عن الكعب ورحت غسلت رجلى بميه دافيه جدا ودهنت قدمى كلها بفازلين ومكتراه شويه يعنى تحسوا انها بقت دهنيه اوى وبعدين البس اكياس تلاجه فى رجلى الى هى بتاعه اللبن عشان تعرفوها بلاش شراب قطنى على الجلد ع طول عشان ميتشربش الفازلين الكيس هيخلى القدم محتفظه بالفازلين لحد الصبح رجلى بس الى هتستفاد بالفازلين مش الشراب واقوم لابسه فوق الكيس الشراب عشان يمسك الاكياس ومش تتزحلق وامااصحى من النوم بغسل رجلى بصابونه جلسرين او اى صابونه مرطبه بلاش الصابون العادى لانه فيه صودا مؤذيه للبشره وانتوا طبعا عارفين الاضرار
وقتها بقى بلاقى رجلى ناااااااااااااااااااااااااعمه اووووووووووووووى والله زى الحرير
بس اقلكوا حاجه مهمه كرروا العمليه دى لمده اسبوع بسسسسسس هى اه بتبان مفعولها من اول مره بس عشان يبقى اتعالجت تماما من التشققات وبعدها بقى حافظوا على اقدامكوا بدهان فازلين قبل ما تناموا بسييييييط اوى كمرطب ليلى بس
عمر التشققات ما هتعرف طريق كعبكوا تانى ابداااااااااااا مواضيع هذا القسم برعاية

نيروزه نيروزه فتكات هايلة Fatakat 202697 القاهره – مصر

سبحان الله و بحمده