فيه دكتورة تستهزأ بمشاعر مريضه كده للصحة

انا يا بنات حصللى النهارده موقف بجد مش عارفه اوصفه محدش بقى يحس بحد
انا كنت حامل وكان اول حمل ليا بعد 3 سنين جواز والحمد لله على كل شىء اجهضت وكنت اثناء الحمل عملت تحاليل ( مرض القطط وحاجات تانيه ) المهم بعد ما طلعت من حاله الاجهاض وفوقت حبه من اللى كنت فيه قولت اروح اشوف نتيجه التحاليل دى ايه عشان لما ربنا يكرمنى بحمل تانى لو كان ندى مرض القطط اخد كورس العلاج بتاعه قبل الحمل واتفادى اللى حصل الاول بأذن الله
وفعلا نزلنا النهاردة الصبح انا وجوزى المستوصف هو تبع تأمين الصحى بتاع جوزى هنا فى السعوديه وبسأل على نتيجه التحاليل والله الدكتورة دى مصريه زيى بقولها عايزة بقول عايزة نتيجة التحاليل وواحده تانيه لبنانيه بدور على اسمى فبقولها هو انا سقط الاقى الدكتورة المصريه تضحك عليا وتقوللى ومادام سقطى عايزة تعرفيها ليه
انا بجد اضايقت اوى والله اتنين تانين كانوا موجودين انا صعبت عليهم جدا اكتر منها وفى الاخر قالولى ضاع اصل انتى اتأخرتى عليه ويودونى من مكان لمكان ندور وفى الاخر قالولى تعالى الاحد القادم تعيدى التحليل
عارفين انا زمان كان لما حد يظلمنى ادعى عليه انه يبقى فى موقفى بس دلوقتى قولت لا
انا هستفاد ايه لما حد يمرض ولا حاجه
وعشان عارفه ان دعوت المظلوم مستجابه
قولت ربى لا تذرنى فرداً وانت خير الوارثين
ربى هب لى من لدنك ذرية طيبه انك سميع الدعاء
وعايزة اى حد يتظلم من حد ميدعيش عليه لان دعوته وقتها مستجابه الاحسن ندعى لانفسنا وللمسلمين باللى احنا عايزينه
وانا كان موضوعى على الرابط ده
https://fatakat.univanet.com/#2655427

♥الراضيه بأمر الله♥ ♥الراضيه بأمر الله♥ فتكات هايلة Fatakat 367846 بنى سويف – مصر

سبحان الله و بحمده