السلام عليكم
ازيكم يا فتوكاتى يا قمرات كل عام وانتم بخير
طبعا كلنا بنحتاس فى رمضان ونفضل طول اليوم فى المطبخ لحد قبل المغرب ب….
وكمان فى التراويح بنكون عاملين زى البلونه من كتر الاكل لاننا تقلنا اوى ومش مركزين خالص فى الصلاه
وللاسف برده فى العشر الاواخر بننشغل بالكعك والتنضيف للسجاد والتحضير للعيد مع ان العشر دول اهم حاجه فى رمضان
علشان كده عايزين نساعد بعض ونقدم كل اقتراحاتنا اللى نستغل بيها الايام دى قبل رمضان علشان لما ييجى بالف سلامه يلاقينا قاعدين على سجادة الصلاه وفى ايدينا المصحف وكله تمام
ودى بعض الاقتراحات اللى بعملها قبليه
1-الاستعداد النفسى والقلبى لازم تهيأى قلبك وتشغليه بالذكر والطاعه علشان يتدرب على حب الله وحب الطاعات
وكمان لسانك يتعود على الذكر وانتى بتعملى الفطار يكون برده شغال علشان مش تضيعى الوقت فى الغيبه والنميمه او حتى الصمت لانه من الغفله يا قمر
2- بشترى خضار كتير زى الطماطم والحاجات اللى بتنفع تتخزن وبنظفها كويس وبخزنها فى الفريزر علشان مش كل يوم انزل السوق واضيع وقتى مع البياعين وغيره
وكمان ممكن تحضرى التسبيكه ( الصلصه ) علشان بستعملها فى اغلب الاكلات
وكل الخضار بئا ممكن نخزنها ونطلعها حسب احتياجتنا اليوميه هيكون اسهل واسرع
3- لازم ننظف الشقه قبل رمضان والسجاد بالذات لانه بيضيع الوقت جدا والمجهود كمان
4- طبعا هعمل جدول كويس للمحافظه على ورد القران بتاعى ولو حافظه حاجه برده اعمى جدول علشان تراجعى حفظك اول باول
القيام اغلبنا مش بيصليه الا فى رمضان ودا بيكون تعب علينا جدا انما لو اتعودنا من النهارده ولو بركعتين بس وكل فتره نزود ركعتين كمان ان شاء الله على رمضان نكون اتعودنا والقران بئا جميل على قلبنا اوى ونستمتع بتلاوة القيام والتهجد
طبعا انا حامل بفضل الله وان شاء الله هولد فى رمضان ادعولى بالله عليكم ربنا ييسر امرى ويرزقنى ذريه صالحه
وان يكتبلى اجر القيام والصيام
وبالله عليكم هههههههههههه اى اخت تعمل بالجداول بتاعتى علشان اخد الثواب وانا نايمه فى فراش الولاده ههههههههههههه
الدال على الخير كفاعله مش تستخسرى فيا بئا
تابعوا مواضيعى وبرامج رمضان ال فى توقيعى بالله عليكى
وادعولى كتيييييييييييييييييييييييير اوى ربنا يهدينى ويثبتنى
وكمان كل واحده عندها فوكيره او اقتراح يفيدنا ياريت تعرفنا علشان نعمل بيه ونستغل كل دقيقه فى رمضان
استودعكم الله يا فتكواكتى
لوزه السلفيه لوزه السلفيه 795145_5.gif سوبر فتكات Fatakat 795145 الغردقه – مصر