كل سنة وانتم طيبين ومتهنيين
اشكر في الاول كل واحدة افادتني من خلال هذا المدونة الرائع وحبيت اقدم تجربتي وان كان متأخر شوية :
انا ولدت في مارس قبل معادي بس ح اقوللكم الاول كنت متابعة مع مين
انا تابعت في اول حملي مع د. جيهان جعفر ,عيادتها في جمال عبد الناصر جنب شرق المدينة , والدكتورة دي ممتازة بس مولدتش معاها عشان ولدت مع دكتورة تبع النقابة , وهي د. عزة صالح عيادتها فوق صيدلية برلين خلف محطة قطار سيدي جابر, وكمان الحمد لله دكتورة ممتازة , طبعا الاتنين عندهم سونار في العيادة وكمان كل حالة ليها ملف متابعة ود. عزة طلبت تحاليل كتير مهمة وولدت معاها في مستشفى الشرق الاوسط , وتقيمي للمستشفى جيد الغرفة مش كبيرة بس عادي يعني ممبيبقاش فيه حيل تحسي بحاجة وانا شايفة الغرفة معقولة
انا عملت اشعة 4D في السرايا سكان اللي امام جرين بلازا’, قبل الولادة مباشرة وكانت ب200 جنية
فيه كام نصيحة كده على الماشي : اسمحولي يعني :
1. اول ما تعرفي بحملك لازم على طول تعملي اشعة تلفزيونية تتأكدي ان الحمل رحمي _مهم جدااااااااااااااااا_ ولازم تتابعي حتى لو كان الحمل ال العشرين متقوليش حيحصل ايه يعني ما جدتي وجدتها ولدوا عادي , مادام ربنا عطانا نعمة العلم منبخلش بيها على نفسنا
2. تاني حاجة لازم تحاليل مهمة زي فصيلة الدم والهيموجلوبين واكيد الدكتور اللي متابعة معاه حيفيدك اكتر مني
3. اي فيتامينات اتكتبتلك لازم لازم لازم تاخديها متهمليش لان كل ها مفيدة لك وللبيبي زي حمض الفوليك لنمو الخلايا العصبية والكالسيوم مهم لك جدا ولما بعد الولادة كمان وطبعا الحديد من بعد الشهر الثالث عشان متضطريش تاخدية حقن في اخر الحمل ويعرضك لمشاكل الولادة
4. تمارين تقوية عضلات الحوض مهمة _متكسليش زي _
5. حاولي متزيديش كتير في الحمل ومتاكليش نشويات كتير عشان طبعا لما بتزيدي كتير حتتعبي لما تحبي تخسي بعد الولادة
6. تدليك الحلمة باي مرهم (بانثينول مثلا ) مهم قوي للرضاعة فيما بعد , بتدهني المرهم وبتحاولي تشدي الحلمة لبرة بلطف كل يوم حتى لو اتهيأ لك ان الحلمة ظاهرة , انا كنت فاكرة اني مش محتاجة كده بس تعبت اوي اول شهرين في رضاعة بنتي
7. تجهيز شنطة المستشفى , انا شايفة تبدأي فيه من السابع تحسبا لاي طارئ , وفيه موضوع حلو هنا عن تجهيز شنطة المستشفى وحاجات البيبي افادني جدا
8. البرا بتاعت الرضاعة , انا رأي ملهاش اي لا زمة تماما , اي برا عادية او كب تفي بالغرض
9. يوم الولادة بقى اكثري من الاستغفار والصلاة على الرسول عليه الصلاة والسلام واقرأي سورة الفتح لانها للسكينة والطمأنينة
يارب اكون افدتكم بواقع تجربتي ولا تنسوني من صالح دعواتكم
والسلام علكم ورحة الله وبركاته
safy288 safy288 206637_2.gif فتكات نشيطة Fatakat 206637 Alex – أم الدنيا