رسالة ….
الى اي ام سبقها ابنها الى الجنة
قبل ان ابدا الرسالة ..الأمر ليس بالهين
فلا يطلب احدا ان يبتلى مظنة الاجر .. لانه لا يعرف هل يصبر ام يجزع
فالهدي و السنة أن نسأل الله العفو و العافية
رسالة ….
الى اي ام سبقها ابنها الى الجنة
اول حاجة مهم انك تحسيها
ان ابنك منتهاش
ايوة
ابنك لسه موجود
هو ساب الدنيا و راح لحياته الحقيقية في الاخرة
في ءاية سورة الفجر
(ياليتني قدمت لحياتي )
معنى كده ان حياته في الاخرة
و الدنيا محطة و هنسيبها هنسيبها
اصبري علشان تبقي معاه في الجنة
حاولي تزيدي في درجاتك علشان يبقى معاكي في الجنة في درجة اعلى
الفرق بين الدرجة و الدرجة في الجنة كما بين السماء و الارض
متخيلة؟
يعني في الدنيا ممكن الواحد يشقى علشان يجيب لابنه اوضة وصالة
انت ابنك ممكن بزيادة طاعاتك يفرق في درجتك في الجنة كما بين السماء و الارض
مش اوضة وصالة
ابشري
فمن بشركي ليس ببشر من بشركي هو رب البشر
بشرك الرحمن بالنعيم الذي فيه ابنك ف
هو الان مع من وهبك اياه
اصبري حبيبتي كي تؤجري على مصيبتك
واحذري من التمادي مع الناس فس كلام قد يضيع عليكي اجركي
حاولي ان تصبَّري نفسك
خدي نفسك واحدة واحدة
مش لازم تلاقي نفسك حالا صابرة جدا
حالا راضية
شوية شوية
ألا بذكر الله تطمئن القلوب
لكن المهم ان مقولش كلام فيه جزع
حاولي
هو ده الصبر هو حبس النفس عن الجزع
الله المستعان
اللهم لا سهل الا ما جعلته سهلاً
خلي بالك
ولا تتبعوا خطوات الشيطان
الشيطان اكيد مش عايزك تصبري فمش هيقولك اجزعي .. لا
ممكن يوسوسلك مثلا ده انا كنت بزعقله
طيب ما كل الامهات بيزعقو
او اناالسبب
لا
خليكي متماسكة
قدره كده و مفيش حد هيخلد في الدنيا خليكي فاكرة حياتنا الاساسية امتى
(يا ليتني قدمت لحياتي)
الدنيا مهما طالت فهي قصيرة
يقال ان يوم في الاخرة ب 50 الف سنة من ايام الدنيا
اي ان عمر الانسان بالنسبة ليوم في الاخرة تقريبا …
دقيقتين و نص
اصبري و احتسبي حبيبتي
حبيبتي .. اسألي الله ان يربط على قلبك
وان يفرغ عليكي صبرا
حاولي تحفظي قرءان
امسكي في اذكار الصباح و المساء قوليها بتدبر
اقرئي القرءان بتدبر في معانيه
حاولي
عيشي مع اسماء الله الحسنى و نحاول نتعبد لله بيها
هتفرق معاكي
في حديث
انما الصبر بالتصبر
ومن يتصبر يصبره الله
لازم تتصبَّري
… حاولي
استعيني بمن يملك قلبكي
استعيني بالملك
مثلا .. كتاب المفاهيم المثلى في ظلال شرح اسماء الله الحسنى
هي اكييد مش سهله
بدليل الاجر الكبير اللي عليها
زي مثلا بيت الحمد
يعني لو صبرتي يبقى باذن الله خلاص ضمنتي بيت ليكي ومش في حي راقي في الدنيا لا
ده في الجنة
بيت ليكي وتتنعمي فيه مع ابنك او بنتك
محبة الدعوة محبة الدعوة images/avatars/landscape.jpg سوبر فتكات Fatakat 427811 الدنيا – بلد
