يا رب تكونوا جميعا بخير و صحة وسلامة
كتير مننا ممكن يعجبها شئ و لا تقصد ابدا انها تحسده و لا تتمنى ابدا الضرر لهذا الشئ..
و لكن.. تحصل مفاااااااااااااجأة
وهي ان الضرر يصيب هذا الشئ فعلا بل قد يزول نهائيااااا
و ترجع تقول انا والله ماكنش قصدي احسد .. انا مش حسوووووووودة
تعالي معايا نعرف الفرق بين الحسد و الاعجاب
الحسد : هو تمني زوال النعمة من الغير و طبعا لا يصدر الا من نفس حقودة
أما الاعجاب : هو ان تعجبي بالشئ سواء كان ملكك او ملك غيرك و طبعا دة بيحصل مع كل الناس يعني النية بتكون سليمة.
المشكلة بقا ايييييييه؟؟
ان عين الحسد بتذهب النعمة وعين الاعجاب ايضا تذهب النعمة اذا لم ندعو للشئ بالبركة..
ايه دة ايه دة .. انتي بتخرفي ؟؟؟.. دة كلام جديد علينا
ايوة يا جماعة والله انا سامعة الكلام دة بنفسي من شيخ كبير هنا ف السعودية
و الدليل ان عين الاعجاب بتصيب الحديث الصحيح : قال رسول الله صلى الله عليه وسلم : (اذا رأى احدكم من نفسه أو ماله أو من أخيه ما يعجبه فليدع له بالبركة فإن العين حق)
شفتي الرسول عليه الصلاة والسلام قال ( ما يعجبه) ثم قال ( فان العين حق ) يعني عين الاعجاب ممكن تذهب النعمة يا جماعة لو لم تدعي بالبركة ..
وكمان قال : ( من نفسه او ماله) يعني ممكن تصيبي نفسك او عيالك و انتي مش واخدة بالك لأنك ما دعتيش بالبركة ..
يبقى الحل انك لما تشوفي اي حاجة عاجباكي على طوووووووول تقولي ( اللهم بارك)
و الشيخ كمان قال ان قول ( ما شاء الله ) حديثه ضعيف و الصحيح قول اللهم بارك
و كمان الشيخ قال : ان التبريك علي الشئ( اي قول اللهم بارك ) فرض واجب ومن تعمد عدم قوله آثم مذنب لأن الامر في الحديث يفيد الوجوب و ليس الاستحباب
وقال الشيخ ايضا : اذا رأيتي شخص اعجب بشئ ولم يبرك فواجب عليكي تذكريه و تقوليله قل : اللهم بارك .. لأن الامر بالمعروف و النهي عن المنكر واجب شرعا
شفتوا الامر دة مهم ازاي يا حبيباتي
لأننا ممكن نضر نفسنا او اقرب الناس لينا بسبب الاعجاب و نرجع نزعل و نقول ايه دة انا حسدت نفسي؟؟
يا رب اكون افدتكم يا رب
و ارجو التقييم و تثبيت الموضوع لأني شيفاه مهم جدا و ناس كتير غافلة عنه
في رعاية الله و حفظه
رحمك الله يا امي رحمك الله يا امي فتكات رائعة Fatakat 255574 مدينة الاحلام – دولة الاحلام ( يا رب حقق حلمي )
