فتوكاتي غالياتي انا عملت عمليه الفمتوليزك يوم الثلاثاء اللي فات هحكيلكوا علي كل حاجه بالتفصيل عملتهافي مركز زهران في دمياط والمبلغ 3500بالقطرة علشان الكل يستفاد والحمدلله بدات احس بتحسن واستغنيت عن النضاره احكيلكوا بقي اناروحت عملت الفحوصات في اوضه اسمها الكورفس وبعدين جه الدكتور علشان يطمني وقال انه عباره عن ضوء بتركزي عينك فيه وخلاص وده اللي انا كنت مفكراه انما طلع الواقع غير كده يعني لو كان حدحكالي اللي شوفته بالظبط يمكن كنت خوفت ومعملتهاش هي سهله بس انا خوافه حبتين خلصت فحوصات وطلعت علي اوضه العمليات الاول حطولي قطره بنج حسيت بعدها ان عيني منمله ومغششه شويه وبعدين دخلت العمليات طهرتلي منطقه العين بالبيتادين وبعدين نمت علي جهاز بدا الدكتور يقؤبه من عيني وكل لما يقربه احس بان العين مغششه اه ونسيت اقولكم قبلها الدكتور فتح عيتي بمشبك وعمل كده مع كل عين طبعا بعدها قمت من علي الجهاز ده دخلت علي جهاز تانه اللي هو جهاز الليزر نمت تحته والدكتور بدا يغسل عيني بميه وقالي في ضؤ اخضر ركزي فيه كويس وعمل كده مع العينتين وبس خرجت الحمد لله عيني مغششه شويه بعدها بدات الرؤيه تتحسن شويه بشويه والحمد لله باحط القطرات بتاعتي وادوني ورقه بالممنوعات واهمها الفرك بالعين ودخول الميه بالعين والمكياج لمده شهر هي سهله بس برضه احساس صعب لما تلاقي حد بيلعب في عينك حتي لو متبنجه وحبيت اعرفكم الفرق بين الليزك والفمتو ليزك الاتنين نفس النتيجه بس الفرق ان التانيه اكتر امانا ولو حصل لا قدر الله اي شي اثناء العمليه بتقعدي ساعتين وتدخلي تاني اما الليزك العادي بيبقي فيه نسبه مشرط بسيطه ودي لو حصل حاجه مش قبل 3 شهور علي لما تعملي العمليه تاني وطبعا انا باحمد ربنا اني عملت الفيمتو مش الليزك لاني والدكتور بيعملهالي جسمي اتنفض مرتين غصب عني لاني خوافه جدااااااااااااا والدكتور زعقلي وقالي لو انتي بتعملي الليزك العدي كا زمانك عملتي مصيبه مع ان والدتي كان عاوزاني اعملها ليزك عادي من زمان بس الحمد لله طبعا وانا حبيت احكيلكم تجربتي من قبل لما اعلملها لحد لما عملتها دمتم في حفظ الله وامنه
ام ندى وهمسه ام ندى وهمسه 197884_22.gif فتكات رائعة Fatakat 197884 مصر – مصر
سبحان الله و بحمده