حللت فيتامين د وطلع عندى قصور فيه انا من اسكندريه وحللت فى مبره العصافره والنتيجه كانت 9 والطبيعى من 50الى 100 انا عمرى 38 سنه
الاعراض اللى عندى ومعلش استحملونى وماتصرخوش فى وشى
1-نسيان فظيع وعدم تركيز
2-الام شديده فى صوابع يدى وفى رجلى
3-صداع نصفى
4-امساك فظيع سبب لى شرخ بالشرج
5-دوخه
6-كسل
7- تساقط فظيع فى شعرى بينزل خصل
8-عدم التحكم فى البول حللت سكر والسكر مضبوط والحمد لله
9- صديد خفيف فى البول وتعكر فى لونه
10- عندى تقوس خفيف فى رجلى الاثنين لا يلاحظ فى المشى بس يلاحظ اذا ضممت رجلى الى بعض ده منذ صغرى بس ممكن تكون وراثه عشان بابا الله يرحمه كان عنده كده
11-خفقان فى قلبى والم شديد فى صدرى وكتفى الشمال يصاحب الخفقان
12-ضغطى منخفض احيانا
13-عندى سمنه مفرطه طولى 167 ووزنى 95
حاولت فى الدايت كتير جداااااا ولا امل واخدت فروت بلانت وجرين تى تربل بورنر مع بعض 2 حبه من كل منهم يوميا لمده 3 شهور ولم اخس كيلو واحد
اكلى ضعيف جدااا افطر نيسكافيه باللبن منزوع الدسم وسكر دايت ونصف رغيف بالجبن او الفول او البيض و الغداء 6 معالق ارز بمعلقه الاكل العاديه وربع فرخه او سمكه واحده او قطعه لحم واحده ولا اتعشى ولا اكل اى شىء اخر
14- رجلى اتدشدشت من وقوعى على السلم واتجبست والحمد لله العظم التئم وفكيت الجبس بس لسه العلاج الطبيعى
15- انا عملت عمليه استئصال الغده الدرقيه بالكامل وباخد هرمون تعويضى التروكسين 100 المستورد الالمانى 2 حبه صباحا وحللت والهرمون عندى مضبوط كده على هذه الجرعه
وحللت كالسيوم كان متوسط 8 والطبيعى من 6 الى 10
المهم انا دلوقت تعبانه اوى وخايفه من نقص فيتامين د و مش عارفه مين دكتور ممكن يعالجنى فى الاسكندريه
بس مش تضحكو على وتقولوا انت بايظه و عايزه تروحى التربه كفايه عليكى كده دنيا انا بجد باتكسف اقول لحد يعرفنى كل الامراض دى بجد زهقت من نفسى
انا فى انتظار ردكم ودعواتكم
ياياياى ياياياى فتكات نشيطة Fatakat 443670 الاسكندريه – مصر