السلام عليكم و رحمة الله و بركاته
انا اتقدملي عريس من طرف واحدة اعرفها و بدات اصي استخارة بردو من قبل ما اشوفو
بس مش فاكرة حلمت تاني يوم و لا تالت يوم بصراحة
حلمت خير اللهم اجعله خير
اننا كنت فمشوار مع الواحدة اللي جايبالي العريس دا
و اننا مروحين يعني و هنركب المترو
و هي بطبيعتها بتحب تركب بالنظام و ملهاش دعوة بالناس
يعني تركب عند السهم اللي طالع و كده
و انا مش فاكرة مين تاني واقف معايا و ركبت المترو و ببص على الواحدة ديه مش لقيتها و اعدت ادور عليها و مش لاقياها و ادور على اسمها عندي على الموبيل مش لاقياه بردو
بس لما دخلت العربية لقيتلي مكان بسهولة الحمد لله و اعدت و مش متضايقة بالعكس كنت مرتاحة يعني
و فجاة لقيتني اعدة جمب بنتين واحدة اعرفها اسمها منة كانت صحبتي ايام الدراسة و واحدة تانية مش اعرفها و كانو بيتكلمو على الدايت و انا دخلت معاهم عادي فالحوار عادي
و بعدين كنت هنزل فمحطة الشهداء عشان ابدل لقيت بنت بتكلمني بتقول اني يعني هنزل و اروح اقف عشان انزل
و لما نزلت عرفت ان الواحدة اللي جايبالي العريس دا لقيتها وصلت للجيزة و استغربت و عادي عديتها
و اننا المفروض لسة هبدل اروح اتجاه الجيزة عشان اروح
و ماما كمان حلمت بيا اننا داخلة عليها و ان وشي كان حلو و مبسوطة ان الواحدة ديه كلمتني و بعدين شوية لقت ان بابا بيتكلم مع العريس و بيتعرف عليه و كده و عرف انه من المحلة و بيبص لماما بانبساط و بيقول بردو المحلة يعني … على ان ماما من المحلة يعني
انا سيبت الاحلام ديه و شوفت الموضوع يمشي ازاي بس انا كنت شايفة ان الواحدة اللي جايبالي العريس دا بعد ما كانت مبسوطة و انه هييجي على طول يتقدم و كده لقيتها بتكش تاني و انا مش فاهمة ليه الصراحة
لغاية اما سالتها عادي من باب الصحوبية بسالها و ردت عليا انهاردا انه سافر شغل و مش هيرجع الا بعد شهرين
انا الحمد لله مرتبطة بربنا و بصلي وبقرا قران و بكمل دراسات عليا و الواحدة اللي جايبالي العريس دا صحبتي اعرفها من زمان و علاقتنا عادية
و بسمع الرقية الشرعية من وقت للتاني
فتوكة عاوزة رضا ربها فتوكة عاوزة رضا ربها فتكات هايلة Fatakat 601265 الجيزة – مصر
