السلام عليكم
اهلا يا احلي صحبه في الدنيا
يارب بخير
عمرك سئلتي نفسك السؤال ده ؟
عارف يعني إيه تسأل طفل عنده 7سنين..نفسك ف إيه يا حبيبي…يقولك "أنا نفسي بس أخف"
و إنت زعلان عشان معاكش أحدث موبايل
عارفة يعني إيه واحدة ست كبيرة نفسها ف حتة جلبية إنشالله تكون قديمة عشان تستر بيها جسمها
وإنتي زعلانة عشان فستان فرح صاحبتك أغلي من بتاعك!!
عارف يعني إيه أسرة كاملة أقصي حلمها سقف بس إنشالله خشب يحميها من الشمس
وإنت زعلان عشان التكييف بايظ
عارف يعني إيه تسأل شاب تقوله نفسك ف إيه نجبهولك
يقولك "نفسي أدوق الكباب اللي بيقولوا عليه دا"
وإنت زعلان عشان ماتغدتش ف كنتاكي
عارف يعني إيه راجل ف سن جدك..يقولك "إتفضل يا سعادة الباشا"…عشان بس هو غلبان!!
عارف يعني إيه واحد أد أبوك يوطي يمسحلك الجزمة…عشان بس تديله جنيه!!
عارف…و عارف…وعارف
عارف إنت لو عارف كل دا…كان زمانك بقيت بني أدم
معلش…وإنت مضايق و زعلان أوي عشان حياة الترف بتاعتك ناقصها حتة…حاول بس تفكر دقيقة ف ناس أساسيات الحياة بنسبالهم حلم
افرح وفرحهم
فرحتهم بالدنيا
مستنينك
السلام عليكم ورحمة الله
ممنوع نشر صور ذوات الارواح
الادارة
moslema cute moslema cute 818592_75.gif فتكات ست الكل Fatakat 818592 هكون عايشه فس تركيا :/ للاسف في بلد الذل مصر – عايشه في دولة الخراب والدماء والشهداء
