تخطى إلى المحتوى

عزيزتي درجه الحراره .ايه ؟ ناويه توصلي 99 و تدخلي طب مثﻼ !!

  • بواسطة

السلام عليكم ورحمة الله وبركاته
ازيكم يا فتوكاتي
عنوان الموضوع طبعا دة تعليق سخيف متداول علي صفحات الفيس بوك وغيرها
واللي بيتريقوا علي الشمس ويقولو حلاوة شمسنا وحرقت وشنا ………….الخ
ايه يا جماعة اللي احنا بنقولوا دة دي حاجات من عند ربنا ينفع ناخدها بتريقة !!
معقول كل حاجة كدة ناخدها بمحمل التهريج والهزار !!
غير كدة امال هنعمل ايه في حر يوم القيامة
عن المقداد رضي الله عنه قال سمعت رسول الله صلى الله عليه وسلم يقول :- ( تدنو الشمس يوم القيامة من الخلق حتى تكون منهم كمقدار ميل
شوفوا الموضوع دة :-
وانا راجعه الصبح

…دخلت محل أشترى حاجة ساقعة من الحر

كانت البنت الى بتبيع بتبصلى وعينها عايزة تقول حاجة

وبعدها بشوية بصت لى وقالت لى شوفتى الحر النهاردة

رديت وقولت آه والله ربنا يرحمنا

قالت لى بفطرة سلمية
أصلها بنت بسيطة اوى

طب احنا هنعمل ايه بكرا
فى يوم القيامة

خرجت من المحل وانا ماشية افكر
فى الآية دى

.{قُلْ نَارُ جَهَنَّمَ أَشَدُّ حَرًّا لَوْ كَانُوا يَفْقَهُونَ
التوبة: 81}

وانا ماشيه لاقيت واحد فاتح كبوت عربيته
عربيته كانت مولعة نار ومش قادر يقف قدامها

وبعدها بشوية لاقيت واحدة سايقة عربيتها
ولابسة جوانتى بس مش عشان تغطى أيدها لا
علشان مش قادرة تمسك الدريكسون من النار

والتانية ماشية وحاطه حاجة على دماغها من الشمس

فعلا كان شىء يستاهل التفكير

ايه ده ..ده بس حر الدنيا

طب حر الاخرة هنعمل فيه ايه
ده حر يوم مقداره خمسين ألف سنة من يوم الدنيا

ربنا بيورينا هفوة من حر الآخرة
يعنى بروفة بسيطة أوى أوى علشان تعرف تتخيل
أه ؟عرقانين مش كده ومش طايقين نفسكم

طب عارفين مقدار عرق يوم القيامة عامل أزاى

عن المقداد رضي الله عنه قال سمعت رسول الله صلى الله عليه وسلم يقول :- ( تدنو الشمس يوم القيامة من الخلق حتى تكون منهم كمقدار ميل .. قال سليم بن عامر والله ما أدري ما يعني بالميل مسافة الأرض أو الميل التي تكحل به العين قال فتكون الناس على قدر أعمالهم في العرق فمنهم من يكون إلى كعبيه ومنهم من يكون إلى ركبتيه ومنهم من يكون إلى حقويه ومنهم من يلجمه العرق إلجاما وأشار رسول الله صلى الله عليه وسلم بيده إلى فيه ).
[/color]
عايزاكم تتخيلوا معايا المشهد ده
أيه ده ده شوية عرق مايجوش ربع كوباية مايه.. خانقانه أوى كده
طب العرق الى هيوصل للفم ده هنعمل فيه ايه ولا طعمه
ولا ريحته الى ما تطاقش هنروح منها فين
ده ربنا يعزكم ما حدش يقدر يدخل فى الزحمة من عرق الناس
طب الناس الى محشورين معاك فى الآخرة دى
هتوديهم فين.. هتبعدهم عنك أد ايه

ياه معقول العرق فى يوم من الايام يبقى لون من الوان العذاب

(يقول ابن القيم :- ( كل نفس وكل عرق يخرج فى الدنيا فى غير سبيل الله … سيخرج يوم القيامة حسره وندامه

فى ناس دلوقتى بتهرب للمكيفات
وى ناس تانية بتهرب للمصايف
طب يوم القيامة هتربوا هتروحوا فين؟؟؟

لا مفر منه إلا إليه

بس ممكن يومها تلاقى مكيف مستنيك

عارف فين؟؟؟
تحت ظل العرش

لو كنت شاب طائع فى الدنيا هتلاقى مكيف

لو داعيتك واحدة وقولت لها آسف.. أنا بخاف ربنا

ولو لمتنا دى كان سببها الحب فى الله

وقتها هتلاقى مكيف مستنيك

وأنت يا أختى يالى خنقك حجابك فى الحر وصبرتى عليه

أوعى تفكرى المصايف هى الحل لأ عايزاكى تحسبيها صح

طب عايزين تحسوا بالفرق بين الى واقفين فى الزحمة مستنين الحساب
وبين الى واقفين تحت ظل عرش الرحمن وطبعا مع الفارق

عارفين الدرجة الثالثة.. وقاعة كبار الزوار
فرق صح؟؟؟؟

طب عارفين لما نقف فى الشمس ساعة.. وبعدين ندخل فى مكان مكيف

بتحسوا بأيه….ياه فرق صح؟؟؟
أهو الاحساس ده لازم يوصلنا فى الدنيا
علشان نعمل حسابه فى الآخرة

ومتنسوش الآية دى خليها دايما فى بالنا أول ما الحر يشتد علينا

قُلْ نَارُ جَهَنَّمَ أَشَدُّ حَرًّا لَوْ كَانُوا يَفْقَهُونَ

وفي النهاية يا فتوكات ادعو لي ولكم ان يظلنا الله بظله في يوم لا ظل الا ظله

ReRe Evie ReRe Evie فتكات هايلة Fatakat 289252 cairo – Egypt

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.