السلام عليكم اولا
انا بجد عايزة حد يجاوبنى لانى متحيرة ومش فاهمه حاجات كتير قوى
منها
هو انا لازم اكون شيخه منقطعه للصلاة والعبادة 24 ساعه عشان اكون كويسه
هو انا لازم اكون منتقبه عشان احس انى مسلمه ومتدينه
هو انا لازم افضل على سجادة الصلاة مقومش من عليها
انا بجد مش عارفه
انا صح ولا غلط طيب منتو كلكم عارفين البيت والولاد وخصوصا لو اطفال صغيرين بيحتاجو خدمه
اد ايه
دا الواحد طول النهار مزروع فى المطبخ غير الغسيل والطبخ والمسح
قولولى اجيب وقت منين يعنى اسيب شغل البيت وافضل اقراء قرآن ولا افضل اصلى الفرض والسنه
وحله الطبيخ على النار تشيط
اعمل ايه انا بجد تعبانه وفى نفس الوقت
عايزة اعرف ازاى اكون مسلمه صح
ايه هى الحاجات البسيطه ال اعملها واكون راضيه بيها عن نفسى
انا مش بصلى او مش عارفه احافظ على صلاتى خالص
ومش بصلى الفجر غير نادر جدا
اوقات كتيير بصحى ساعه الفجر وارجع انام تانى
طول الوقت حاسه انى زباله مستهلش رحمه ربنا ولا كرمه عليا
بس مش لاقيه حد يعينى ولا يشجعنى
جوزى مقصر جدا جدا
انا بس عايزة اعرف هل لو انا صليت الخمس فروض وصمت رمضان اكون كدا مسلمه
ولا لازم اعمل ايه
يارب اى واحده فيكم تتكلم معايا وتاخد فيا ثواب
وتفهمنى اعمل ايه عشان اكون راضيه عن نفسى ادام ربنا
ام كيشوووو ام كيشوووو images/flowersavatars/avatar0020.gif فتكات هايلة Fatakat https://forums.fatakat.com/member603386 اسكندريه – مصر
