ازيكوا يا فتوكاتى؟
ان شاء الله بخير
النهارده عاوزه احكيكلوا عن قصة سمعتها من داعيه من الداعيات الثقات وبجد انا لما سمعتها جسمي قشعر ربنا يهدينا ويتوب علينا جميعا …..
المهم ان الداعيه دى بتقول ان فى واحده صديقتها بتغسل اموات وكده_ربنا يحسن خاتمتنا_ فابتقولها كويس انك مش جيتى تحضرى التغسيل ده
لأن حصل فى موقف صعب اوى قالتلها خييير ايه اللى حصل بتقولها دخلنا غرفة التغسيل اللى فيها الميته لقوا قطه كلها دم خارجه من العرفة اللى
الميتة كانت فيها استغربوا اوووى ودخلوا على الميتة لقوا ان القطة دى اكلت فم الميتة _ولا حول ولا قوة إلا بالله_ وجيرانها واصحابها اللى يعرفوها
عملين يقولوا يا ما نصحناكى انك مش تتكلمى على الناس ولا تغتابى حد ولا تتكلمى عن حد فى عدم وجوده …..
وبتقول اكيد القطه دى ربنا بعتها خصيصاً للميتة دى ربنا يغفرلها ويسامحها مش من باب الصدفة يعنى
فا انا يا فتوكات عاوزه اقولكوا ان لازم كل واحده فينا تاخد بالها من كل كلمة بتقولها وتفكر فيها 1000 مرة قبل ما تطلع منها وتشوف لو قلتها
الكلمة دى هاتفدها ولا هاتضرها هاتبقى فى ميزان حسناتها ولا ميزان سيئاتها وربنا يعفينا جميعا يارب واحنا اكيد فى كلمات كتييير بنقولها
من عير ما نفكر فيها ولا نشوف دى هاتخدنا لفين وطبعا كلنا عارفين حديث الرسول صل الله عليه وسلم اللى بيقول(إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))
فياريت نشوف كلمنا هايودينا للجنة ولا للنار ونتثبت من اى معلومة هانقولها 100 مرة قبل ما نقولها وربنا يارب يحسن خاتمتنا جميعا ……
وياريت كل واحد يخلي فى نفسه وعيوبه وبلاش نتتابع عورات وعيوب الناس ونستغل الوقت اللى فى الكلام على الناس ده فى حاجه تفدنا فى دينا او دنيتنا
بحبكوا فى الله
متألقه بنقابى ^.^ متألقه بنقابى ^.^ 596795_9.gif سوبر فتكات Fatakat 596795 القاهره – مصر
