ساعدوني في مركز كويس ربنا يخليكم

السلام عليكم ورحمة الله وبركاته

انا عاوزة مساعدة من الفتوكات ..
لو سمحتوا انا متجوزة بقالي 5 سنين ولم يحصل حم الى الآن الحمد لله على كل حال . تحاليل زوجي كلها سليمة وانا كمان لكن انا وزني زايد انا 100 كيلو والدكاترة قالوا مفيش حاجة..

انا عايشة في السعودية .. وعملت حقن مجهري مرتين اول مرة ماحصلش حمل .. ثاني مرة عملت بالمجمد ونجحت لكن ربنا ماارادش ان الحمل يكمل ونزل في الأسبوع الثالث قبل حتى مااشوف الجنين على السونار

انا بفكر اعيد العملية كمان مرة ان شاء الله بس المرادي يكون في مصر .. بس انا محتارة اعملها فين .. سمعت ان مستشفى آدم كويسة لكن سمعت برضه انها في الاجازة مش بتدي اهتمام للناس لان بيكون إجازة والاقبال عليهم كتير وبيكروتوا .. انا من طنطا محتارة اعملها فين في طنطا ولااسكندرية ولا مصر ,, اتوكل عل ىالله واعملها في ادم ..ولااعمل ايه .. انصحوني بالله عليكم بمركز ودكتور يكون كويس .. انا تعبت من التجربة وتعبت من كلام الناس نفسي افرح وافرح جوزي بطفل

يارب ارزقني يارب ارزقني 389003_1.gif فتكات متميزة Fatakat 389003 الدمام – السعودية

سبحان الله و بحمده