بعد السلام عليكم ورحمه الله وبركاته
بصراحه انا بحب أفكر في كل حاجه وسبحان الله لقيت اللي يفكر ربنا بيهديه للاجابه ما دام عايز يتعلم بصدق
المهم انا سألت نفسي كتير ليه يعني صلاه الفجر في الوقت الصعب ده بالذات وخصوووووصا في الشتاء والدنيا تلج
طيب ما كان ممكن يا رب تكون في وقت أسهل شويه -يا رب اكيد لك حكمه — وانا مش كل حاجه لازم افهمها عارفه
بس ده ما يمنعش المحاوله لان الشيخ الشعراوي الله يرحمه باذنه تعالي قال ان ربنا اللي خلق الانسان جعل كل ما
أمر به الانسان في صالحه -طيب مصلحتي في اني اصحي من احلي نومه وفي عز التلج علشان أصلي الفجر
المهم سمعت الاجابه في اذاعه القران الكريم وكمان سألت واحده قريبتي دكتوره أكدت لي الكلام ده علميا
سبحان الله العظيم — تعرفوا ان الاجابه هيه ان صلاه الفجر في الوقت العجيب ده بتمنع حدوث جلطه الدماغ
وبالتالي بتمنع باذن الله تعالي الشلل النصفي وكماان طنين الاذن وكمان الدوار في كبار السن
عايزين تعرفوا التفسير العلمي اللي بيأكد الكلام ده — شوفوا يا قمرات
الانسان –اي انسان — لما بينام بيسترخي — وكل ما يدخل في النوم بيسترخي اكثر وبالتالي بتقل سرعه
الدوره الدمويه –يعني الدم بيكون سريانه بطئ –يعني زي العربيات اللي بتمشي بالراحه دي
شوفوا بقي لما عربيات تمشي بالراحه اووووي –بتكون فرصه انها تقرب من بعض اكثر – خصوصا لو كان الشارع
ضيق -وممكن كمان العربيات اللي ماشيه بالراحه دي وقربت لبعضها اوي من كتر البطء والشارع الضيق ان عربيتين
يلزقوا في بعض — اهوه ده بالضبط اللي ممكن يحصل لكرات الدم انها من كتر البطء تقرب لبعض اوي وشويه كرات دم
يلزقوا في بعض ويعملوا جلطه وخصوصا في الشارع الضيق اللي هوه شرايين المخ الرفيعه اوي –يعني جلطه في
المخ وشلل والعياذ بالله — هنا بقي لما تقومي كده قبل الفجر بشويه وتتحركي وتدخلي تتوضي وتحركي جسمك
سرعه سريان الدم بتزيد يعني الدم بيتحرك بسرعه ومش يلزق في بعضه وبكده فبصلاه الفجر ربنا بيحميكي باذنه
تعالي من جلطات المخ والشلل وكمان طنين الاذن والدوار بيكون نتيجه لبطء الدوره الدمويه اللي رايحه للاذن فلما
تتحركي وتقومي تتوضي تزيد الدوره الدمويه اللي رايحه للاذن فما يحصلش ليكي طنين اذن ولا دوار
وسبحان الله العظيم اللي كل ما في تعاليمه نظنه صعب علينا انما هو لمصلحتنا في كل شئ
زمبؤلك كده زمبؤلك كده فتكات متميزة Fatakat 985919 القاهره – مصر
