حبيباتى فى الله
كيف حالكــــــــــن
أشهد الله أنى أحبكن فى الله
رمضان قرَّب،وانتى مش ناوية تقربى؟
باقى من الزمن 33 يوم و 34 ليلة
مستنية إيه،رمضان قرب يالا قربى
قربى من فرصة عتقك من النار
قربى من مغفرة ذنوبك
قربى من الجنة
قربى من تحقيق أمنياتك
قربى من سعادتك
رمضان قرب،،،،يالَّا نقرب
يالا بسرعة ما تضيعيش ولا ثانية
انتى لسه لحد دلوقتى ما استعديتيش؟
لسه قدامك فرصة
يالا تعالى معايا وابدأى من دلوقتى
ضيعتى رجب يا مسكينة؟
قدامك شعبان اوعى تضيعيه
فرصتك تبدأ من دلوقتى
لو عايزة تستغلى رمضان وتخرجى منه مغفور ليكى بإذن الله لازم تبدأى من دلوقتى
"إن مكنتيش لسه بدأتى"
طيب أقرب إزاى يعنى؟
تعالى وأنا أقولك تقربى ازاى فى خطوات عملية مرتبة
1*أول حاجة تتحررى من ذنوبك
أى ذنب بتعمليه دلوقتى لاااااااااااااااااازم تقلعى عنه فورا
بتكذبى كتير؟
بتغتابى وبقت عادة؟
بتأخرى صلاتك؟
بتعقى والديكِ؟
حياتك كلها ذنوب X ذنوب
يالا حالا دلوقتى انوى الإقلاع عن كل ذنوبك
اكتبى كل الذنوب اللى بتعمليها فى أجندة صغيرة تكون دايما معاكى
تخلصى من ذنوبك ذنب ذنب
والذنب اللى تقلعى عنه علمى عليه وجاهدى فى الإقلاع عن اللى بعده
كل ما تحسى إنك هتكذبى أو تغتابى أو تعملى ذنب من ذنوبك استغفرى الله
واللى هيعينك على التحرر من ذنوبك هو البعد عن الظروف اللى بتخليكى تعملى الذنب ده
يعنى لو مثلا بتتفرجى على مسلسلات وتسمعى أغانى فى التليفزيون اللى موجود فى الصالة
حاولى بقدر الإمكان ما تتواجديش فيها فى وقت فراغك إلا للضرورة القصوى
مش تبقى قاعدة فاضية كده ومش وراكى حاجة وتقومى واخدة نفسك وقاعدة فى الصالة
ما انتى كده غصب عنك هتلاقى ايديكى الحلوة دى لقطت الريموت وفتحت التليفزيون
لو متعودة إنك بتقعدى مع جارتك أو صديقتك الفلانية وتغتابوا فى فلانة وتيجيبوا سيرة علانة
يبقى بلاها القعدة دى
حاولى ما تقابليش جارتك دى أو صديقتك وتقعدى معاها فترة طويلة لأنك هتلاقى نفسك اغتبتى معاها والكلام بيجيب بعضه غصب عنك
لو نص كلامك كدب الزمى الصمت هتلاقى الكدب بيقل
وعايزة أقولك حكاية صغيرة قوى كان قالها الداعية مصطفى حسنى فى ندوة حضرتها
قال إنه كان له صاحب مات وهو شاب فى حادثة
لقوا فى جيبه مفكرة صغيرة،تخيلى مكتوب فيها إيه؟
مكتوب فى أول صفحة بالتاريخ:كدبت النهارده 9 كدبات
واللى بعدها لليوم اللى بعده:كدبت النهارده 5 كدبات
واللى بعدها كدبت النهارده كدبة واحدة بس
لحد آخر صفحة مكتوب فيها:مكدبتش النهارده ولا كدبة!!!^ـ^
وده كان اليوم اللى مات فيه!
اتفقنا؟؟؟
يبقى أول حاجة لازم تتحررى من ذنوبك كلها قبل رمضان
ومعاكى زى ما قلت 33 يوم
عايزينك بعد ال33 يوم دول إنسانة جديدة هتبدأ حياة أفضل برمضان
ومهما كان صعب عليكى تقلعى عن الذنب استعينى بالله والجأيله
وإن شاء الله تقدرى تسيبى كل ذنوبك
ومبارك عليكِ أول خطوة قرب ^ـ^
2*تانى خطوة:زينى قلبك لاستقبال رمضان!
أزين قلبى ازاى يعنى؟
تزينى قلبك بالطاعة والعبادة
ودى ليها تفاصيل كتير فى المشاركات الجاية
3*تالت خطوة:خلى التغيير اللى حصلك ده لاستقبال رمضان ينعكس على اللى حواليكى
هنا
4*أعينى غيرك على الطاعة وخدى بايده للتغيير زى ما لقيتى حد ياخد بايدك:
هنا
يالا يا حبيبات،مين عايزة تقرب؟
هكمل حالا فى المشاركات القادمة
أوجه الاستعداد المحمود لرمضان،،،ورقة دعوية
مشتاقة لقيام الليل مشتاقة لقيام الليل 639803_38.gif فتكات ست الكل Fatakat 639803 مدينة الحب والسلام والهدوء – دار الفناء