تخطى إلى المحتوى

رمضان السنه دى غير كل عاداتى

  • بواسطة

السلام عليكم اخوتى فى الله
انا هتكلم معاكم باسلوب عادى وبسيط اللى انا حاسه بيه واكيد كلنا حاسينه ونفسنا نعمله ونغير وضعنا
كل رمضان بيجى علينا ويعدى من غير مانعمل حاجه فيه وكل اللى نفكر فيه لبس العيد تجديدات للشئه والكحك وخصوصا بئى يكون فى اخر عشر ايام من الشهر الكريم اللى مبيجيش غير مرة واحده ونضيعه فى السهر ع الكحك وعمايله ونضيه احلى ليالى فى العمر ممكن تكون فيهم اعظم ليله خير من الف شهر وهى ليله القدر
اللهم بلغنا ليله القدر واعينا على قيامها
مبئولش منعملش كده ونفرح لا طبعا من حقنا بس منضيعش حجات تانيه اهم واحلى
ليه يا اخوات كده ونضيع وئت الصيام فى وصفات وتحضير سفرة طويله عريضه ومحدش بياكل فى الصيام وخصوصا الحر ده
وبعدين حتى لو كلنا وتقلنا مش هنقدر بعد الاكل نقف ونصلى هتلاقى الواحد واقف ينام فى الصلاه ومش مركز لا فى القراءه مع الشيخ ولا تدبر الكلام ولا الهوى
وبعدين انتو عارفين ان رمضان يجى علينا وغيرنا ميحضرهوش ربنا مقدرلهوش انه يحضره
دى لو حدها نعمه من ربنا من علينا بيها نعمه كبيييرة
ده ربنا بيدينا فرصه عشان نعوض اللى فات ونعمل اللى معملنهوش فى اللى قبله
الصحابه رضى الله عنهم كانو قبل رمضان بسته شهور يدعو ربنا اللهم بلغنا رمضان وبعد ما الشهر ينتهى يدعو اللهم تقبل منا رمضان
يبقى احنا بقى هنعمل ايه
خلاااااااااااااااااااااااااص هنتفق هنقف مع نفسنا وقفه جامده ونقول
السباق قد اشتد والجنه زينت لمن جد ولن يسبقنى الى الله احد
رمضان السنه دى غير كل عاداتى
هتغير ياربى عشان ترضى عنى
اللهم بلغنا رمضان
ان شاءالله هئولكم هنستعد ازاى الاول ندرب نفسنا ع الالتزام بالصلوات فى وقتها حتى لو وراكى ايه ربنا مش هيبارك فى اى عمل ينهى عن الصلاه
وقراءه قرءان حتى لو صفحه
والنوافل
واحده واحده هنلتزم
مش المهم الاعمال الكتير المهم اننا نداوم
والصيام اتنين وخميس
نعود نفسنا ونتدرب من دلوقتى احنا فى شهور كلها خير
ربنا يديمها علينا امين

ام ميدو العسول ام ميدو العسول 443664_3.gif فتكات ست الكل Fatakat 443664 اسكندريه – فى قلب جوزى حبيبى

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.