أزيك يا فتوكات
النهادره طبقى هو الأرز بالجمبرى
نبدأ بسم الله
المكونات
أنا هقول المكونات
و أنتى قدرى الكمية إيلى تناسبك
رز مصرى مغسول كويس
جمبرى مقشر و مغسول كويس بالملح و الخل
بصلة مبشورة
طماطمية صغيرة مبشورة
ملح / فلفل أسود / رشة قرفة
الطريقة
أولا البصلة
الحلة على النار فيها شوية زيت و تحمرى البصلة لغاية ما تغمق معاكى
خلى بالك تغمق مش تتحرق منك
و بعدين طلعيها على ورق مطبخ تشرب الزيت
و بعدين تتفرم فى الكبة
الخطوة دى بعملها بكمية و أشيلها فى علبة فى الفريزر
علشان كدة مفيش صور لها
تانيا طريقة الرز
فى نفس الحلة مع باقى الزيت
ممكن تقللى الزيت يبقى معلقتين مثلا
تحطى الجمبرى يتشوح شوية
لغاية ما ينزل مايته و ينشف شوية
و بعد كدة جهزى الطماطم المبشورة
( دى علشان تشيل أى ريحة فى الجمبرى )
و ننزل بالبصلة المتقلية و الطماطم و الملح و الفلفل و رشة القرفة
على الجمبرى على النار
و نقلبهم على بعض
و عليهم الرز و تقلبى كويس مع بعضه
و آخر حاجة الماء
على قد معيار الرز بتاعك
وكملى سوى الرز عادى جداااااااااااااااااا
و أحلى طبق لأحلى حبايبى و فتوكاتى الغالين
أتمنى الوصفة تعجبكم
مواضيع هذا القسم برعاية
أمنية حياتى رضاك أمنية حياتى رضاك images/avatars/whiteflower.jpg فتكات ست الكل Fatakat 193653 Port Said – Egypt