تخطى إلى المحتوى

ذهبي اتسرق………تم تفسيره ولله الحمد

  • بواسطة

سلام عليكم

رايت في منامي اللهم اجعله خير ..اني في الحرم مع مجموعة من الاصدقاء بس مش فكراهم تحديدا
الظهر اذن روحت الحمامات عشان اتوضى ..كان كل حوض عليه حد بيتوضى
كان فيه كذا واحد فاضي بس حنفيتهم خربانة
دورت لاقيت واحد فاضي وحنفيته شغاله ..خلعت الدهب اللي كنت لابساه وركنته على رف الحوض علشان اتوضى بس كنت قلقانة يتسرق مني وانا بتوضى
وفعلا حصل وانا في نصف الوضوء جه شوية عيال صغيريين للي هما بيكونوا شغالين عند ناس حرامية كبيرة واخدوا الدهب من رف الحوض وجريوا
قعدت احاول ادور عليهم ..مكنش باقي في ايدي غير دبلتي (ومن غير المحبس كمان) في ايدي اليمين ودبله تاني شكلها مختلف في ايدي الشمال (معرفش جت منين يعني دبله مش بتاعي)
وتقريبا جه على بالي في الحلم انها شبه دبلة اختي
وفي الحلم طول ما انا ماشية بدور على العيال دي اللي خطفوا الدهب وببص لايديا اللي مفهاش غير الدبلتين دول
عماله اقول في نفسي حتى ارجع العقد ( لان في الحقيقة العقد بتاع الشبكة هو اتقل واحد تقريبا اكتر من نص وزن الشبكة)
وخايفة اقول لاهلي ازاي ان الدهب ضاع
وفعلا بعد فترة لاقيت العيال ومسكت اتنين منهم تقريبا ولد وبنت ..طبعا قولتلهم هاتو الدهب بتاعي
قالولي خلاص اديناه للراجل الكبير اللي شغالين عنده وكان هو ابو البنت دي
قعدت فترة كدا عند عربية بره الحرم اتفاوض مع البنت ترجعلي دهبي وهي تقنعني ان خلاص مفيش امل يرجعوا
وكنت ساعتها زعلانة جوايا ان صلاة الظهر راحت عليا وانا جوه الحرم ومصلتهاش عشان اتشغلت بالتدوير على العيال وكنت بقول هصليها جمع مع المغرب او العصر مش فاكرة تحديدا
وانا عند العربية بتكلم مع البنت الصغيره جم اصحابنا ( مش فاكرة غير واحد منهم صاحب جوزي اسمه اسامة وتقريبا امي كانت معاهم)
واخدوني وقعدوا دايرة حواليا وقعدوا يقولولي مالك احكي فيه ايه
وانا مكنتش عايزة اقوم معاهم عشان خايفة البيت تجري وتهرب مني تاني وهما قالولي ماتخافيش البنت حد معاها ( ماسكها يعني)

وصحيت على كدا

بياناتي
مسلمة متجوزة وعندي بنت نونو سنها سنة
مش بشتغل ومش بقول رقية وحلم عادي
ملتزمة بالفروض بس مقصرة في السنن جدا وجوزي مقدم على شغل جديده ولسه مجاش الرد بالقبول او عدم القبول
وشكرا ليكم

تاتو العسولة تاتو العسولة 495277_1.gif فتكات رائعة Fatakat 495277 قلب جوزي – مصر أم الدنيا

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.