ازيكم يا أحلى صحبه يارب تكونوا كلكم بخير
النهارده جيبالكم موضوع جديد اتمنى يعجبكم ونستفيد كلنا
دورة لحفظ الاذكار بالشرح
طبعا كلنا بفضل الله بنقول اذكار الصباح والمساء وغيرها من الاذكار اللى الرسول حثنا عليها
وعشان الاخوات اللى مش بيعرفوا يقولوها بانتظام لشغلهم او قيامهم بأى عمل اخر
قررت اننا نحفظها سوا علشان تسهل علينا ونقدر نقولها فى كل وقت
حتى لو مشغولين
لان الاذكار من عمل اللسان وما شاء الله علينا مشغلينه طوووووووووووووووول اليوم
فقلت يا بنت يا لوزه نشغله فى الطاعه افضل
وكمان هنشرح كل ذكر علشان نفهم معناه كويس ونقوله من قلبنا
لان كل ما كان الذكر من القلب كل ما ظهر أثره على كل اعمالنا فإن القلب اذا صلح صلحت كل الاعمال بأمر الله
بس طبعاً نظراً لعدم انضابط البعض مننا فى المتابعه ففكرت انها تكون دوره افضل وطبعا هيكون لها شروط للمشتركات معانا
شروووووووووط الاشتراك فى الدوره
1- الاخلاص واحتساب الاجر قبل البدء فى الحفظ
علشان ربنا يكرمنا كده ويتم العمل على خير يا فتوكه انتى وهى
2- الانضباط والالتزام بالواجب والحضور فى اليوم المحدد
يعنى مش تقولى معاكم وفجاه تزوغى يا عسل
3- عدد المشتركات محدود وهم 10 فقط
هقبل 10 اخوات فقط فى الدوره واللى مش هتلتزم
ونجيب اخت تانيه مكانها تكون منضبطه وعندها همه عاليه
4– كل اسبوع هنحفظ ذكر واحد فقط بالشرح طبعا
لان هيكون فى اختبار عليه وكل اخت هتتفوق هتتفضل مشكوره تمسك مجموعه لوحدها تتكون من 5 فتوكات هتحفظه الذكر ده وتختبرهم برده
وهكذا
كل يوم سبت هنزل الذكر الجديد بالشرح بتاعه
وكل يوم اربعاء الاخت المشتركه هتسمع الذكر بالشرح
طبعا كل فتوكه هيكون لها صفحه مستقله بيها عنوانها
حل واجب دورة حفظ الاذكار للاخت فلالالالالالالالالانه
وتجيبلى الرابط هنا يا قمرات علشان اعلم الواجب بتاعها
طبعا كل ذكر هيتحفظ زى اسمك كده اما الشرح هتقرأيه كويس جدا وممكن تشرحيه باسلوبك انتى
رب مبلغ اوعى من سامع يمكن طريقتك تكون افضل منى وتدخل القلب وتفهمها اخوات كتيييييييييير وطبعا ليكى الاجر ان شاء الله
كل ذكر له دليل من القران او السنه او قول صحابى ثقه
معلشى هتعبك معايا وتحفظى الدليل يا قمر
بعد اكتمال كل ذكر هيكون عليه اختبار جاد جدا يا قمر علشان اشوفك فاهمه ولا لأ
وطبعا الاخت اللى هتنجح وتتفوق فى الدوره هيكون لها وسام كده وكده
او شهادة تقدير
يعنى انا اللى هعملها مش الاداره
وياريت لو الموضوع عجبهم يعملونا تشجيع حلو كده للمتفوقات
المهم
اللى هتخلص هتاخد 5 اخوات من اللى عايزين يحفظوا معانا وبرده هتمشى بنفس الطريقه
حفظ وشرح واختبار
وبكده احنا 10 كل واحده هتعلم 5 هنبئا خمسين
وهكذا
الحفظ هيكون من كتاب حصن المسلم
بجنيه واحد بس من اى مكتبه اسلاميه لازم يكون عندك يا قمر علشان تحفظى
اول 10 مشتركات هما اللى هيكملوا معايا فقط وباقى الاخوات هسجل اسمائهم لحين انتهاء اول ذكر وتفوق الاخوات
فسارعوا اخواتى فرصه والله اننا نحفظ ذكر ونعمل به
هنبدأ من اليوم ان شاء الله انتظرووووووووووووووونى
مع
فضائل الذكر
لوزه السلفيه لوزه السلفيه https://files.fatakat.com/customavatars/avatar795145_5.gif سوبر فتكات Fatakat https://forums.fatakat.com/member795145 الغردقه – مصر
