خلى بالك يا منتقبة !! مهم جدا جدا لكل منتقبة 2024.

السلام عليكم ورحمه الله وبركاته

نذكرأخواتنا ببعض الاشياء ممكن تكون بتقع فيها الاخت
من غير قصدها .. او تكاسلاً…

لبس النقاب مش هو المقصد ( فقط ) من الالتزام ..
ومش هو نهاية الالتزام .

النقاب مش بس إخفاء للوجه .. النقاب ده شعار للبنت بتقول فيه للناس
ابعدوا عني انا محترمه ….

محدش يروادني عن نفسي ( المعاكسه )

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ
ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً [الأحزاب : 59]

يعني بحجابك هتتعرفي انك انسانه محترمه مؤمنه
وده جزاءه في الدنيا انك متتأذيش ..
من سماع كلمات قبيحه .. ومن نظرات سيئه .. وهكذا ..
***

لكن بالرغم ان في اخوات بالفعل انتقبوا إلا ان
ممكن تلاقي واحد ماشي بعربيه
ويعاكس واحده منتقبه ..!!!
وطبعاً السبب في ان بعض الاغبياء بيتعرضوا للمنتقبات في المعاكسه وغيره ..

ان في بعض الاخوات التانين بيتساهلوا
ويستهينوا ببعض الامور ..

وده ادى ان الفكره تتاخد ان الاصل في المنتقبه انها مش محترمه ..

دي بقت فكره عند بعض العامه ..
****

السبب في ده تهاون بعض الاخوات تساهلهم مع وجود فئه ( **** )

بيداروا خلف النقاب في اعمال اباحيه ..
وعشان كده موضوعنا النهارده عن:
تصحيح بعض التساهلات
والاخطاء عند المنتقبات ..
***

والنصيحه من باب التذكير .. والتاكيد .. وكمان عشان اجمع ليهم المخالفات

والاخت بقا الملتزمه تنصح عن طريق النت بالنشر في المنتديات النسائيه …

وده مهم عليها كدعوه ..

وكمان ممكن تطبع المخالفات دي وتلزقها في المسجد ..
ممكن تنصح صديقتها ..

الف فكره وفكره ممكن تعملها الاخت الملتزمه .. بس ياريت كفايه كسل من الاخوات وبالفعل تعمل شيء ايجابي لان المشهور عن الاخوات انهم
في الدعوه صفر ..

وان شاء الله الاخوات هيثبتوا بالموضوع بتاع النهارده انهم مش كده

وبالفعل هينشروا الموضوع ..
هذه بعض الاخطاء وهحاول انها تكون منظمه الي حد ما ..

****
أخطاء فى اللباس
****

أولا:

الكعب العالى لما يصدره من صوت وحركة مائله في المشية .
والحل انك تلبسي حذاء او كـُتش يكون فلات ( علي الارض يعني )
***

ثانيا:
لبس الاسدال او الملحفه أو العباءه ويكون
الكـُم بتاعها واسع ..
بحيث ان مع اي حركة ورفع لليد بيظهر الذراع كامل .. ولا شك دي فتنة
حتى وان كنتي لابسه جونتي بيكون ايده صغيره يدوب بتداري كف اليد ..
ومفيش اخت تقول انا بخلي بالي ومش برفع ايدي .. طبعاً ده غلط المفروض
تعملي الصح ومتعلقيش عفتك علي هخلي بالي او مش هخلي بالي ..!!!
عندك حل من اتننين للموضوع ده .
إما تلبسي حاجه بكـُم قميص او تيشرت بكم بحيث
مع الجونتي ذراعك ما يظهرش ..
ولو الجو حر ومش عارفه تلبسي شيء بكم .. يبقي تشتري حاجه اسمها معصم .. هتلاقيه في اي محل محجبات وده عباره عن
دراع من القماش بيتلبس عشان ميظهرش الذراع .. للمرأه .

***
ثالثا:-
عباءة سوداء لكنها براقة بها شويه خرز علي ترتر .. وشويه شغل سوري ..
أو مثلاُ بها خط سيلفر ( فضي ) او ذهبي .. او خامة الاسدال والملحفه نفسها اشبه بالساتان ..
وهذا طبعاً يلفت الانتباه جداً جداً جداً والناس لما بتشوف اللبس بالطريقه دي بتفهم ان دي بنت مش محترمه ..
اولابسه الحجاب عاده .
وطبعاً ده بيترتب عليه المعاكاسات وغيره ..
يبقي الاخت لما تيجي تشتري ملحفه تشتريها
ســــــــــــــــاده ..
ليس فيها اي شغل … منها تعف نفسها ومنها توقف حال البيعات الي يبيعوا مثل هذه الاشياء وهم لما يلاقوا العبايات الي فيها شغل الاخوات بتنفر منها مش هيجبوها .. يبقي ضربتي عصفورين بحجر . ( عفيتي نفسك , وعملتي سنة حسنه .. وأوقفتي بدعة )

رابعا:
اسدال او عباية تكون ضيقه .. بحيث تجسم الجسم من عند الوسط او من عند الصدر ….
وهذا تبرج وليس له علاقة بالحجاب ابداً ولا بالالتزام .. وهذه الفتاه التي تلبس الضيق لو اظهرت شعرها ستكون فتنتها أقل ..
فاتقي الله يا اختي ..
واعلمي لماذا خـُلقتي !!!

وعشان الاخت متقلش طيب انا جسمي مليان اعمل ايه؟

.. اقولك سيبك من الملحفه الي ب50 جنيه وروحي اشتري قماش وفصلي لنفسك ملحفه تكون واسعه جداً مهما كان جسمك مليان .. فصلي شيء يكون واسع عليكي
( لا يكلف الله نفساً الا وسعها )
وربنا امرك بالستر والعفاف ..
*****

خامسا:
الاخت التي لبست النقاب ..
وتظهر يديها
كيف تظهري يديك بعد لبسك النقاب !! ( أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ) !!

يبقي اختنا الفاضله لازم تلبس جونتي عشان متظهرش ايدها
****

سادسا:
الاخت المسلمه تلبس الجورب "الشراب "
حتى لا تظهر القدمين لانها فتنة للرجال . والاخت الي بشوفها لابسه نقاب ومخبيه ايدها .. وقدمها ظاهره مش لابسه عليهم شراب ..
وده طبعاً ميصحش يا اختنا الفاضلة ..
و بلاش الشراب الي باللون ( البيج ) بيكون لون البشره وده بردو بيلفت النظر وبيعملك شبهه انك مبينه رجلك .. وقدمك .
****

سابعا:
ملحفة واسدال لكن النقاب صغير !!
بحجم كف اليد وكانها تضع كمامة زي الممرضات وده الخطر فيه من ناحيتين .. الاولى ان ممكن مع اقل حركة للهواء او للرأس او اثناء الشرب .. بيظهر الوجه
والخطر التاني هو تجسيم الصدر وذلك بسبب عدم اسدال النقاب عليه ..
وهذا الامر يتهاون فيه الكثير من اخواتنا الفضليات ..
يبقي الافضل تشتري النقاب الكبير ..ولو عايزه تاكدي عليه يبقي تربطي النقاب مع الملحفه من عند الصدر بدبوس .. عشان الهواء ميرفعش نقابك …
***

ثامنا:
اختنا الفاضله تلبس نقاب لكن
فتحة العين واسعة جداً!!
فتظهر العينين كاملتين بكل ما فيهما من زينة .. أليس هذا فتنة ؟

ألا يكفيكي ان تظهري القدر الذي تستطيعي من خلاله ان تكون رؤيتك واضحة !! او تغطي عينيك لو كنتي تستطيعي الرؤيه من خلف ( البيشه ) يبقي يا اما تغطي عنيكي خالص ..
يا اما تفتحي فتحه صغيره جداً بحيث انتي تنظري وفي نفس الوقت الناس لا تنظر لعينك .
****

عاشرا:
أختنا الفاضلة تلبس نقاباً محتشماً واسعاً فضفاضاً ولكن

تلبس

بعض الاشياء الملونه
مثل الحذاء او ( توكه ) او الجونتي او الشراب .. والاصل في حجاب المرأه انه غير ملفت للنظر ..
****

الحادي عشر

:المنتقبة التى تتزين تحت النقاب وهى ذاهبة للمسجد .
ويكون لهذه المكياجات رائحه وكانها عطر واذا قلت لها هذا لا يجوز تقول هذه مكياجات وليست رائحه او تقول انه مزيل للعرق وليس عطر … !!
الحرمه كانت ظهور الرائحه وليس اسم المعطر ..
وايضاً لمن تتزينين في المسجد ؟؟ مع العلم ان هذا يثير الشب** وسط نساء المسجد .. علي هذه الاخت .
****
ولا ينفع تعطري ابنك الصغير وبعد كده تشيليه ..
لان المفسده تحققت وان الرجال يشمون رائحتك ..
فاتقي الله وعلمى ان رائحتك بدون عطر أحب الله من خروجها متعطره بافضل انواع العطور ..
****

الثانى عشر:
التساهل في رفع النقاب امام اخو الزوج
او بعض الرجال بحجة انهم أقارب هذا مالا يرضاه الله ورسوله . وايضاً التساهل في رفع النقاب في بعض المحلات بحجه ( عشان اعرف اتفرج علي الحاجه الي هشتريها ) او لو في مطعم بحجه عشان اعرف اكل واشرب ..
يبقي الاخت الملتزمه الي عايزه تاكل فى الخارج .. عندها كذا حل . اما يشتروا الاكل ويروحوا ياكلوا في البيت .. او انها تاكل من تحت النقاب الكبير الي لسا شاريه من شويه أوتقعد من غير أكل
ومفيش حل آخر
مفيش حاجه اسمها انا هقعد في ركن ومحدش يشوفني ..
***

الثالث عشر:
التساهل في كشف الوجه أمام بواب العمارة – أو جامع القمامة ( الزبّال ) عن طريق ( الكسل في لبس النقاب عند فتح باب الشقه لهما..!!! )
***
الحل ان مفيش شيء اسمه كسل في ستر عورتي .. والحل العملي انك
تدقي مسمار عند باب الشقه تحطي عنده اسدال ونقاب يكون خاص بفتح
الباب منفصل تماماً عن اسدالك ونقابك بتاع الخروج بحيث يكون مكانه عند باب الشقه فقط خاص بفتح الباب .. واتقي الله اختنا الفاضله .. في نفسك ..
****

الرابع عشر :
عدم لبس النقاب عند الوقوف في الشباك او وقت نشر الغسيل
( سواء بالنهار أو بليل )
و التساهل فى ذلك .. كل ذلك من الاستهانة بأوامر الله.
****

الخامس عشر :
عباية مفتوحة وتحتها سروال" بنطلون جينز " يظهر من الجانبين..
وهذا مما يدمي القلب ..
فانتي لبستي النقاب لانك عفيفه لماذا تتشبهين بالفاسقات ..؟!!.
مش هقولك متلبسيش بنطلون .. لكن هقولك لا تظهري هذا البنطلون ..
ولبس البنطلون مهم
لان الاخت لو اكتفت بالجيبه ممكن تظهر ساقها او رجلها عند الطلوع والنزول من المواصلات … وايضاً الجيبـــه مهمه عشان الهواء لما يكون شديد ميخليش الملحفه تجسم الرجل .. فالجيبه والبنطلون مهمين معاً تحت الملحفه
****

السابع عشر:
بعض المنتقبات تلبس معصم ملون وتشمر تحته اسدالها وكانها خارجه من خناقه وتختار المعصم بالالون فسفوريه … هذا من التبرج الصريح وتجسيم اليد .. ناهيك عن خامات هذه الباديهات أو ( المعصم ) الملتصقه بالجسد ..!
المعصم يكون اسود ومن تحت الملحفة .. عصمني الله واياكي من الفتن
****

الثامن عشر:
بعض المنتقبات يلبسن .. الحجاب كاملاً ولكنها تزيد علي اسدالها طرحه ( ايشرب ) يكون ملون ..
الملحفه كافيه .. مش عارف ايه التشدد ده لازم ايشرب تاني !!

***

التاسع عشر:
الاخت الملتزمه عندما تمشي في الشارع وشايفه الهواء شديد …
تقف علي جنب .. ولا تتحرك .. لانها ان أكملت سيرها في الهواء تجسد كل جسمها .. وهي لا تبالي .الاخت الملتزمه لا تتشبه بالرجال في لبسها .ومشيتها
يبقي لما يكون يوم كله مطر وهواء واشياء خطره الافضل الاخت تاجل مشاورها .. لو منفعش تبقي تعمل المفسده الاقل فالاقل فبدل ما تمشي في الهواء تركب تاكسي وهكذا .. تراعي ستر جسدها يعني .. وربنا يسترنا ونساءنا جميعاًً
***

عشرون:
ودى مهمه جدااا
الاخت الملتزمه إن امسكت في يدها شنطة .. صحيح هذه الشنطه ليست من لبسها ولكنها من زينتها فتراعي ان لا تكون شهره ولا فتنة
تكون شنطه سوداء وبلاش بقا
ميكي ماوس وبطوط والكلام ده..!!
***
اقولك في نهاية النصائح المتعلقه باللباس ..
****
ان من مقاصد الشريعة في لبس المراه هو إخفاء الزينة ..
فبلاش يكون لبسك ضد مقاصد الشريعة ..
واقول لكي كما قال الشيخ خالد الراشد ..
اننا في عصر اتخذ البنات فيه حكمة
( خير اللباس ما قل ودل !!!)
فلا تكوني ممن دل بحجابه على ضعف ايمانه ..
وتشبهي بالكريمات العفيفات ..
لعل الله ان يلحقك بهن في جنات النعيم ..
ويغفر لنا جميعاً ويرضى عنا ويجمعنا جميعاً في جناته ويرزقنا النظر إلى وجهه الكريم .. قولوا امين ..

منقوووول
نسألكم الدعاء لمن جمعه ولناقله

ام مهند حبيبي ام مهند حبيبي فتكات رائعة Fatakat 699496 دمنهور – مص

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.