تخطى إلى المحتوى

خلى بالك لما بتسمع القرأن

  • بواسطة

الناس اللي لما بتسمع او بتقرأ قرأن وبتحس انها عادي

و كلامه مش بيأثر فيها

الناس دي لازم تخاف على نفسها

بجد ده بيبقى ناتج عن ان فيه غشاوة على قلبك

حاجه كده زي التراب بيبقى عامل حاجز على قلبك دي بتروح بالقراءة و السمع بتدبر كتير كل مرة

هتحس ان حاجز من الحواجز دي بيتشال لحد ما تلاقي القرأن داخل على قلبك على طول و مفيش حاجه بتعوقه

ساعتها هتبقى وصلت لاعلى احساس من الراحة و الطمائنينة و انت بتسمعه والله هترتاح اوي و قلبك هيتعلق بيه و هتلاقي سلوك ابتدى يتغير و تلاقيك بتتغير للاحسن و عايز ترضي ربنا بأي شكل

والله فعلا بيكون اروع احساس حط لنفسك ورد كل يوم تقرأه بس و انت بتقرأه افهمه و حسه

ووالله واحده واحده هتلاقيك بتقرب اكتر و بتحسه اكتر يعني ده بيجي مع التكرار مش مرة واحده

ويابخت من قلبه اتعلق بالقرأن بجد ماتستهونش بالنعمة دي و اسعى اليها ده ربنا قال ان القرأن ده نور يبقى ازاي مابتحسش بيه و بيمر عليك عادي كده؟؟

لأ و كمان ممكن توصل انك تتأثر بكلام الاغاني و انت بتسمعها اكتر من القرأن بجد ماتقفش مكانك و تقول انا متضايق اني كده ابدأ اقرأ و اتغلب على احساسك ده

و والله هتقدر وفعلا هينور قلبك اوي اللهم اجعل القرأن العظيم ربيع قلوبنا و نور صدورنا و جلاء احزننا و ذهاب همومنا

قلبي يحيا بحب الله قلبي يحيا بحب الله 541858_160.gif برنسيسة فتكات Fatakat 541858 الاسكندريه – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.