تخطى إلى المحتوى

حمله تفريغ احبك ربى (يعطى ويثنى)للشيخ هانى حلمى

  • بواسطة

حمله تفريغ احبك ربى (يعطى ويثنى)للشيخ هانى حلمى
أعوذ بالله السميع العليم من الشيطان الرجيم
بسم الله الرحمن الرحيم
أحمد الله حمداً كثيرا طيباً مباركا فيه وأصلى وأسلم على سيدنا محمد وعلى آله وصحبه أجمعين
يا ذا الجلال والاكرام يا حى يا قيوم برحمتك نستغيث
فأصلح لنا شأننا كله ولا تكلنا إلى أنفسنا طرفة عين
يا ربنا يا ربنا يا ربنا أحبنا
يا ربنا يا ربنا يا ربنا أذق قلوبنا برد حبك وبردعفوك
يارب إروى ظمأنا من كأس حبك
يارب ياجليل يارحيم يا كريم أكرمنا ربنا فاجعلنا من أحبائك وأصفيائك
ياذا المنه ياذ النعمه ياربنا
يارب حبنا يارب,يارب لا تجعل فى قلوبنا حباًإلا لك ولا تعلقاً إلا بك
ربنا حبيب قلوبنا
فاكر إننا كنا فى الحرم وشيخ من شيوخ الحرم (الله يحفظه ويكرمه)جاء فى وقت دعاء الوتر وبدأ يُثنى على الله عز وجل على غير العادهيعنى الناس بتُثنى فى الدعاء فبتقول اللهم كذا …اللهم كذا ثم بعد ذلك يشتغلوا بالمسأله
لكن الشيخ معملش كده بل أخذ يُثنى على الله عز وجل والثناء طال 10 دقائق او حاجه
فهو كده القلب بيرق وانت تسمع الحليم الكريم الرحمن الرحيم الذى رحمته وسعت كل شئ
وانت تسمع المعانى دى القلب بيتحرك لانه متلهف لربنا سبحانه وتعالى
بعد ما قعد يُثنى على ربنا كده فى لحظه قال يا حبيب قلوبنا إغفر لنا …..
أنا أظن إن مفيش واحد فى الحرم مبكاش لحظتها
لان القلب إتهيئ لها فلما تيجى تسمعها زى كده لما اجى أقولك (ربنا يعزك ويرحمك ويغفرلك )
لكن لما أقولك ربنا يحبك ربنا يحبك (يارب حبنا يارب )
عشان كده النهارده عايزين نعيش المعنى
((وربنا حبيب قلوبنا))
أنا عايز نخرج من حلقه النهارده بمعنى جميل قوى
((ربنا ناصرنا وهو حا فظنا وهو مولانا ))
عايز القلب يهتف ويقول ((إن وليَّا الله))يعنى ولىَّ أمرك
عارف لما يجى طالب المدرس يبعتله ويقوله لو سمحت عايزين ولى أمرك عشان نشوف حالك
عارف لما يكون فى قضيه من القضايا ولما يسألوك
انت مين هيتولى الدفاع عنك؟؟
مين وكيلك؟؟
يبقى أول حاجه بتطلع فى القلب (إن وليا الله الذى نزل الكتاب وهو يتولى الصالحين )
لما الدنيا تقفل قدامك خالص ضلمه مفيش إنفراج كل أمورك متلخبطه وتلقى من نفسك تسمع كلام ربنا سبحانه وتعالى وهو بيقول
(وهو الذى يُنزلُ الغيث من بعد ما قنطوا وينشر رحمتهوهو الولى الحميد)
بعد ما الدنيا قفلت يئسوا إن يبقى يها أى بارقة أمل وبعدين يلاقوا
(وهو الذذى يُنزل الغيث) ينزل المطر وتنزل الرحمه وينزل الجود وينزل الكرم
(من بعد ما قنطوا وينشُر رحمته)بص وينشردى ,النشر ده انا باحس كأنه رحمة ربنا سبحانه اللى بتنزل على من يستحق ومن لا يستحق
الواحد ميستحقش بس اهو طمعانين فى رحمته
(وهو الولى )هو وليَّى
(( فالله مولانا ولا مولى لكم))
عارفين القصه بتاعت الجمله دى ؟؟؟؟
(فى أُحد لما أبو سفيان وقف يتباهى قعد يقول لنا العُزة ولا عُزة لكم
فيقول النبى صلى الله عليه وسلم :ألا تجيبونه ؟؟
قالوا:يارسول الله ما نقول ؟؟ قال: قولوا الله مولانا ولا مولى لكم )
ربنا ولينا فنجد فى أكثر من موضع فى القرأن نجد ربنا سبحانه وتعالى يقول
(وما لكم من دون الله من ولى ولا نصير)
مفيش حد هينفعك اكتر من ربنا,مفيش حد هيبقى رحيم عليك اكتر من ربنا
هذا شأنه وهذا وصفه

ام رؤى وعبدالعزيز ام رؤى وعبدالعزيز 108469_3.gif فتكات رائعة Fatakat 108469 السويس – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.