حملة كل يوم خير :)

السلام عليكم

يا بنات انا كنت عرضت فكرة الحملة و فى بنوتات وافقوا عليها و قالوا هنبقى مع بعض ان شاء الله

البنوتات اللى معايا هما:

_رحمتك يا رب

basbosa99

_gold heart

_safisho

_ام جنونة

الحملة يا بنات هى اننا هنجيب حصالة و نحط فيها كل يوم جنيه بس حتى و تحفظى ايه من القرأن من اول البقرة كده انتى بتعمل خير كل يوم باذن الله و اخر الشهر هتطلعى المبلغ اللى جمعتيه فى اى مكان انتى عايزاه

جامع او حد مسكين زى ما تحبى ولو عملتى مع مجموعة من اصحابك و حطيتوا المبلغ مع بعضه هتجمعوا مبلغ محترم والله

و كنت عايزة نقدر نجمع 30 بنوتة عشان نقرأ كل يوم كل واحدة جزء من القرأن و كده هنختم القرأن كل يوم باذن الله
ا و اللى هتقرأ الجزء الاخير

تختم القرأن عننا كلنا و ندعى لبعض بأسمائنا باللى احنا عاوزينه بس للاسف الحمدلله العدد مش كمل فكده هنختم ان شاء الله بس كل اسبوع بقى

و اى بنوتة عجبتها الفكرة و عايزة تبقى معانا اهلا بيها احنا فى الموضوع ده هننزل كل يوم الاية اللى هنحفظها و نفكر بعض بالصدقة

و كل واحدة تقرا الجزء بتاعها تدخل تقول انه خلصت و قدامك من بعد العشا لحد تانى يوم المغرب عشان تقرى الجزء بتاعك و نبدا فى اللى بعده باذن الله
و لما كل البنات يكونوا موجودين باذن الله هنتفق كل واحدة هتقرأ الجزء الكام بس يا حبايبى و ربنا يتقبل منا ومنكم و يجعله فى ميزان حسناتنا يا رب

ومننساش حديث عن الرسول عليه افضل الصلاة والسلام

عن عَائِشَةَ رضى الله عنها
قالت: قال النبي صلى الله عليه و سلم :
"" أحب الأعمال إلى الله أدومها وان قل "" مسلم

فى امان الله يا قمرات

كوكى مجدى كوكى مجدى https://files.fatakat.com/customavatars/avatar645812_2.gif فتكات رائعة Fatakat https://forums.fatakat.com/member645812 امبابة – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.