السلام عليكم ورحمة الله وبركاته
نبدأ بسم الله والصلاة والسلام على خير خلق الله سيدنا محمد وعلى آله وصحبه وسلم أما بعد
فتوكاتى الحلوين طبعا كلنا عارفين ان رمضان فاضل عليه حوالى 52 يوم
بطلى رغى وجيبى من الاخر
بصوا بقا يا قمامير انا عاملة برنامج حلو للاستعداد لرمضان قلبيا وايمانيا وكل حاجة
ايوة ازاى يعنى يا اختى ؟؟؟
ااقولكوا انا
بصوا يا اخواتى يا حبيباتى اولا احنا حنبدأ الشهر الهجرى الجاى علشان اللى عندهم امتحانات وعاوزين يكونوا معانا ماشى وعلشان اكون خلصت امتحاناتى وعلشانن اللى فاضية تكون رتبت مواعيدها وعرفت تظبطها على انها حتتشغل معانا شويتين
1.حنحفظ سوا جزء عم واللى حفظاه تراجعه وتحفظ تبارك وهكذا علشان الفائدة تعم الكل والتسميع حيكون فى وقت بعد الحلقة علشان اسمع لكله ان شاء الله
2.حنتعلم الخشوع فى الصلاة خطوة خطوة علشان ندخل رمضان واحنا بنصلى صح وحاسين اوى بالتراويح
3.حناخد كل يوم قصة احد التابعين او الصحابة انا اللى حاحكيهالكم يعنى مش حتتعبوا ان شاء الله
4.حالخص ليكم كل اسبوع كتاب يعنى حناخد 4 كتب رقائق او استعداد لرمضان وحاشرحهم وحضراتكم حيكون فى واجب ودرجات وكده
5.حيكون فى كل يوم معلومة جديدة سواءء فقهية او عقائدية او فى اى فرع من الدين
6.كل يوم دعاء علشان نعود نفسنا ندعى فى رمضان كتير وحيتحفظوا ويتسمعوا مع القرآن
7.كل يوم حديث قصير وحيتحفظ ان شاء الله ويتسمع بردو علشان تستشعرى ان دايما كلام الحبيب معاكى
ايه ده حيلك حيلك احنا حنعمل كل ده ؟؟؟
ايوة طبعا وحيفيض وقت تقريبا اسبوع بعد حفظ القرآن نضيف حاجة تانية ممكن نحفظ فيها اذكار
يانهار ابيض انتى شكلك سهرتى كتير ومسقطة وجاية تشتغلينا
لالالالا والله ابدا هو انا اه سهرانة بس مش مسقطة خالص والله بصراحة كده انا وكتير مننا يابنات بندخل رمضان فى العالى اوى وبعدين تلاقى حصل هبوط اضطرارى لقلوبنا ليه ده بيحصل علشان مفيش وقود لانى مملتش قلبى وقود قبل رمضان
ايوة بس احنا رمضان اللى فات كنا فى حملات بردو وحصل هبوط
وايه يعنى نجرب تانى وتالت ورابع يمكن كان فى حاجة ناقصة او يمكن علشان الحملة كانت فى رمضان بس مش قبله ويمكن علشان فى حاجات زى الصلاة مثلا مكنتش بعرف اعملها صح المهم اننا نحاول ومنيأسش من رحمة ربنا
طب انا كنت بعرف كل ده وعاملة برنامج لنفسى لوحدي علشان مش اكون مشتتة وبردو وقعت
ماشى يمكن علشان لوحدك ويد الله مع الجماعة
طب انا كنت مع ناس بس اما بنقفل ببوظ الدنيا
علشان مش حسيتى لسه بان ربنا رقيب يمكن المرة دى تحسيها جربى حتخسرى ايه يعنى يمكن المرة دى علشان حنتعاهد اننا ندعى لبعض كل يوم بظهر الغيب الموضوع يتظبط يمكن تلاقى اخت تفضل معاكى طول اليوم على التليفون والنت زيى كده ومش تسيبك خالص فتظبطى نفسك
طب انا بصراحة بحتاج تشجيع
ايووووووووووووووووة كده جيتولى فى ملعبى
اولا فى واجب وفى درجات وفى خلاصة كل واحدة حتقولها من حاجات معينة وعليها درجات وفى تسميع وعليه درجات وفى حضور قبل الميعاد بعشر دقايق او خمسة درجاته اعلى من الحضور فى الميعاد نفسه وفى حضور بعد الميعاد لو بعذر تاخدى درجة لو لامفيش وهكذا ده غير بقا الواجب العملى
وفى جوايز للثلاثة الاوائل كارت شحن وشهادة تقدير ولو قدرت اتكلم مع المشرفات واخلى فى وسام او كاس ان شاء الله حيبقى ليهم وشهادات تقدير للكل ان شاء الله
وكمان حيكون فى توقيع بإسمك روش بقا آخر حاجة وو عاوزة اسم الدورة عليه حابقى احطهولك بردو للكل
الحلقات حتكون ع السكاى بى كل بنوتة حتسجل تبعتلى السكاى بتاعها ع الخاص
واللى حابة تكون مشرفة معايا تبعتلى على الخاص واتفق معاها واهو ليها الاجر ان شاء الله
منتظراكو يا بنوتات معاكوا 20 يوم تقولولى فيها عاوزين نكون معاكى ان شاء الله والمواعيد ومعلش المواعيد مسائية يابنات يعنى من 8 لحد الفجر معاكوا وبعد الفجر كمان لحد الساعة 7 اختاروا بقا الوقت اللى يناسبكوا
جزاكم الله خيرا على قراءة الموضوع معلش طولت عليكم
احبكم فى الله
السلام عليكم ورحمة الله وبركاته
la rogoo3 la rogoo3 697034_1.gif فتكات رائعة Fatakat 697034 غرفتى – قلبى المكسور
