انا بصراحه اول مره اكتب هنا واتمنى انكم ما تخذلنيش هوفيه حلم بتكرر عليا بأشكال مختلفه اول مره حلمت ان فيه بركه فيها مياه سوداء وقعت فيها بس البركه دى جزء منها مكشوف والجزء اللى باقى تحت الارض وماما بتحاول تنقظنى وانا اقولها بلاش عشان متقعيش انت كمان والتيار المياه واخدنى للجزء اللى تحت الارض واللى لو وقعت فيه مش هقدر ارجع تانى وخلاص ولسه هدخل نقطة اللا رجوع دى ربنا الهمنى انى ابدل بايدى ورجلى رغم انى ما بعرفش اعوم بس عملت كده بصيت لقتنى برجع للمكان اللى وقعت فيه وطلعت من البركه والاقى شخص وجه خرطوم مياه عليا وغسلنى من شعرى لحد رجلى 0000000واتكرر الحلم امبارح بس المره دى كنت ماشيه فى شارع وجزء من الشارع بركه وعليها ريم اخضر بس جنب الشارع ما فيش مياه يادوبك مبلبل ومشيت من الجنب ده والاقى رجلى غرزت فى البركه وطلعت المياه الوحشه والاقى حد ما شفتش شكله يساعدنى ويقولى ارجعى من الطريق ده مش هتقدرى تعدى منه وابص الاقى فيه سمكتين شكلهم وحش يقفزوا للهوا ويرجعوا االماء تانى خوفت ورجعت تانى زى ما اشخص ده قالى وهو ساعدنى ارجع ولقيت ناس بتحاول تعدى من الشارع ده وانا اقلوهم مش هتعرفوا بس ما سمعوش كلامى وكملوا انا اسمى مى وفى الحلم الاول امى هى اللى معايا واسمها سميحه والشخص اللى غسلنى مشفتهوش اما الحلم الثانى انا بس وناس معرفهاش والشخص اللى ساعدنى معرفهوش الحاله الدينيه كنت ملتزمه قوى بس دلوقتى مقصره شويه مش فى العبادات ولكن رجعت اسمع المسلسلات والافلام ومش حاسه انى باره لابويا وامى معظم الوقت عصبيه ونفسيتى تعبانهواعانى من هموم بس الحمد لله بصلى وبحفظ قرآن —–انسه ومتخرجه ولا اعمل وعندى 22 سنه وبحاول ابعد عن المسلسلات بالنسبه لامى فالحالهالدينيه عاديه بتصلى وعندها 50 سنه وموظفه ومعلش طولت عليكم بس يا ريت ما تعتبرهومش حلمين لانهم مرتبطين ببعض وارجو انكم تفسرو الحلم وتنصحونى ومتتأخروش عليا لاى خايفه من الاحلام دى وعلى فكره مش استخاره
أمة الله التائبه أمة الله التائبه فتكات نشيطة Fatakat 770481 المنوفيه – مصر
