تخطى إلى المحتوى

حلمت بحفرة كبيرة … تم تفسيره ولله الحمد تفسير أحلام

السلام عليكم ور حمة الله و بركاته
انا حلمت خير ان شاء الله انى انا و اختى ماشيين فى الشارع اللى بيودى على شقتنا القديمة وبعدين من بعيد كده شفت زى مياه على اول الشارع فبقول ا أختى ايه المياه دى لما قربنا لقيناها تراب فبتقولى لا ده طلع تراب( زى ماتكونى شايفة السراب فى الصحرا كده) وبعدين قبل اول الشارع لقيت حفرة كبيرة فى ناس فيها ونا واختى وقعنا فيها مش عارفة ازاى بعد كده لقيت نفسى فى جامع بدورين وناس داخلين طالعين منه وبعدين برضه معرفش لاقيت نفسى انا واختى على اول الشارع عدينا الحفرة خلاص وببص على الشارع اللى فيه بيتنا لقيته مضلم ( الحلم كله كان بالليل بس الشارع كان ضلمة زيادة) ولقيت ابنى عمى طالع من البيت ووشه مضلم ف اختى بتقللى انتى عاوزة تروحى البيت مش شايفة الاشكال اللى طالعة منه ( مع العلم ان شقتنا ميراث فى بيت عيلة وهما عيلة بابا يعنى واخدينها قاعدين فيها) فاقالتلى تعالى نعدى من هنا مدخلناش الشارع وكملنا على قدام دخلنا مبنى كده على الباب بتاعه موجدود عسكرى( المبنى ده موجود فعلا عندنا) ف أختى قالتلو ممكن نعدى من هنا قالها ماشى انا قولتله ممكن اعدى معاها قالى ماشى دخلنا جوا لقينا ناس واقفة فى طابور واحد واوض واسعة كده المهم عدينا الناحية التانية و خرجنا من الباب التانى لقينا نفسنا عند البحر على الكورنيش مع العالم انه بعيد جدا عن بيتنا والدنيا كانت بتمطر وكأن نور الفجر كده بدأ يطلع ونا واختى مشينا فى شارع واسع كده.

حلمت الحلم قبل الفجر انا الحمد لله ملتزمة ، متزوجة ، اختى الحمد لله ملتزمة ومحفظة قرأن وغير متزوجة

يارب يتفسر بالخير ان شاء الله

ام ميزو حبيب ماما ام ميزو حبيب ماما 241298_2.gif فتكات هايلة Fatakat 241298 قلب زوجى روح قلبى وحبيبى – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.