حلمت بالشيخ الشعراوى……..تم تفسيره ولله الحمد حلم مفسر 2024.

السلام عليكم و رحمة الله و بركاته
انا حلمت بالشيخ الشعراوى انا كل يومين اكتب حلم بس معلش استحملونى ببقى عايزة اعرف تفسيره لو علاقة بالاحداث اللى فى البلد اصلى قلبى محروق اوى
هو الحلم طويل بس انا هاقول الجزء بتاع الشيخ بس
الحلم
( كنت واقفة فى مكان معرفوش مع ناس كتير بعدين روحت ادور على صيدلية عشان اشترى دواء لبنتى ( هى فى الحقيقة عندها دور برد بقاله اسبوعين ) و بعدين لقيت صيدلية و زى ما تكون صيدلية على محل بقالة و قولت للبياع عايزة دواء ادانى دواء غير اللى قلت عليه بعدين ببص كده لقيت الشيخ الشعراوى قاعد على الكرسى فى الصيدلية دى بنفس هيئته الله يرحمه و راح قالع النضارة و مسح و شه كده زى ما كان بيعمل بعدين بصيت له و قولت له انا عندى كتب من بتوعه اسمه ( المراة المسلمة و فتنة الشيطان ) و سألته لو يعرف حد من الناس اللى موجودة فى بلدنا دلوقتى ( على اساس انه مات من زمان و مش عارف الناس دول ) فقال 4 اسماء

الاسم الاول : فرج عدلى منصور ( و انا قولت له ده الرئيس المؤقت )
الاسم التانى : احمد الصعيدى ( و ده واحد جارنا اسمه احمد و هو اصلا من الصعيد )
الاسم التالت و الرابع : ياسر و حميد تقريبا ( و دول ناس جيراننا برضه و بسمع انهم اليومين دول شغالين مخبرين )

الحالة الدينية يعنى عادية
لا انتظر حمل
لا اعمل
متزوجة و عندى بنت و عيانة بقالها اسبوع بدور برد شديد اوى ربنا يشفيها يارب
جزاكم الله خيرا

صافية الروح صافية الروح ممنوعة من المشاركة Fatakat 708298 القاهرة – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.