السلام عليكم ورحمه الله وبركاته
يمكن يكون القسم مش مناسب تجربتي بس انا فكرت اكتب هنا من اللي بشوفه من اسلوب بعض الاخوات هنا في النصيحه
يمكن موضوعي يكون نقطه نظام ويغير فينا شيء ولو بسيط
انا بحكيلكوا على موقف حصل من سنه بس سايب اثر فيا وكل ما افتكره احزن اوي
باختصار انا يا فتوكات عضوه في نادي من الانديه والنادي ده في جامع جميل جدا وله خصوصيه كده تحبيه وتبقى مش عاوزة تمشي منه لما تخلصي صلاه
الجامع الدور اللي فوق للسيدات وفيه جزء مستغل زي جلسه كده للدروس
في يوم طلعت اصلي العصر والجامع من فوق فيه عمدان كتير اوي غير تحت
طلعت وكانت الاقامه يعني يادوب وقفت جنب عمود خرسان كده وصليت ولسه بقرء الفاتحه وصوت الامام قال الله اكبر لقيت صوت جهوري لسيده في الخمسينات بتقولي : انتي .. انتي .. انا بصراحه مردتش وكملت صلاه لقيتها بتشدني يا فتوكات من كم الجاكيت وبتقولي بكلمك 1
وانا في نصف السوره القصيره !!!!!!!!!!!!!!
سلمت وقلتلها نعم ؟
قالتلي انتي مش شايفاني ! المفروض تصلي جنبي طالما لقيتيني !
والامام تحت بيصلي الركعه التانيه
انا قلتلها انا مشوفتكيش لقيتها باعلى صوت يعني ايه مشوفتينيش ! مبتعرفوش تصلوا جماعه كمان !
المهم علشان ميحصلش لغو في المسجد قلتلها اتفضلي
صليت جنبها وانا زعلانه وقلت الله اكبر ! لقيتها بتشدني تاني من كم الجاجيت بعد ما دخلت في الصلا للمره التانيه وتقولي اقفي جنبي هنا بالظبط …………!!1
المهم بعد ما الصلاه خلصت لقيتها بتقوللي انتي صلاتك مش هتتقبل
قلتلها انا نازله اصلي تحت من اول وجديد قالتلي انتوا جيل ما يعلم بيه الا ربنا وباعلى صوتها لمت عليا المسجد كله والعضوات ووقفت تشرحلهم اني مبعرفش اصلي جماعه !
وفهمتني انها بتدري درس فقه بعد صلاه العصر
وطلبت مني باعلى صوتها اني احضر علشان استفيد
قلتلها يمكن اكون غلطت بس مبعليش صوتي في بيت الله
ويمكن اكون مبديش دروس فقه لكن مبفضحش حد بالشكل ده
حتى لو شفتيني غلطت مفروض تنصحيني بالحسنى !
وسيبتها ومن سنه مبدخلش الجامع والدور اللي فوق بسببها بصلي تحت في جزء صغير للسيدات اللي مبيقدروش يطلعوا السلم
بحكي قصتي وهنا
علشان اقولكم يا جماعه الخير ترفــــــــــــــــقوا في النصيحه وياريت تكون بالحسنى مهما بلغتي من درجه في العلم فالله اعلى واعلم
عطر الجنه الفواح عطر الجنه الفواح 108900_11.gif سوبر فتكات Fatakat 108900 طنطا – ملكه في قلب زوجـــــــــي
