كل ده جباااااال ذنوب لا يعلمها إلا الله وسيئااااااااااات لا حصر لها سودتي بها صحيفتك ..
مش عايزة تفوقي بقى ؟؟؟؟
يا أختي ، لو الناس كلها رضيت عنك هيفيدوكي بإيه ؟؟؟؟
ولو الناس كلها سخطوا عليكي هيضروكي بإييييه ؟؟
أنا عايزك تتخيلي لو لا قدر الله حصلتلك حادثة وجمالك ده راح ،
يا ترى أصحابك هيفضلو معاكى ولا هيبعدوا عنك ؟؟
ويا ترى الناس اللى فى الشارع بردو هيتكلموا عنك إزاي وهيقولوا عليكي إيه ؟؟؟
يا ترى هيبقى عمل صالح ويبقى أحسن أنيس وجليس في الموقف ده ..؟؟
ولا هيبقى عمل سيء ويبقى أبشع جليس وأنيس في الموقف ده ؟؟؟
تخيلى موقفك ساعتها .. وبإيدك حرية الاختيار ..
من دلوقتي لازم تختاري ..
من دلوقتي لازم تحددي وجهتك ..
لازم تعرفي إنتي عايزة إيه ؟؟
يا دنيا .. يا آخرة ..؟؟؟؟؟؟؟
يا رضا الناس .. يا رضا ربنا ..؟؟؟؟؟؟؟
ولو اخترتي الدنيا ربنا هيديهالك .. لأنها أصلاً لا تساوي عند الله جناح بعوضة !!!
الدنيا مش هي المقياس أبداً !!
قال رسول الله صلى الله عليه وسلم :
( إن الله عز وجل يعطي الدنيا من يحب ومن لايحب ، ولا يعطي الإيمان إلا من أحب )
صححه الألباني
وقال الله:
(مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لا يُبْخَسُونَ)
هود:15
ولكن بعد كده ، الجزاء إيه في الآخرة ؟؟؟
(أولَئِكَ الذِينَ لَيْسَ لَهُمْ فِي الآخِرَةِ إِلا النَّارُ وَحَبِطَ مَا صَنَعُوا فِيهَا وَبَاطِلٌ مَا كَانُوا يَعْمَلُونَ)
هود:16
أما اللي هيحكّم عقله ويختار رضا ربنا ..
اللي هيحكم عقله ويختار الآخرة ، الدنيا هتجيله لحد رجليه
قال رسول الله صلى الله عليه وسلم :
(من كانت الآخرة همه جعل الله غناه في قلبه ، وجمع له شمله، وأتته الدنيا وهي راغمة )
صححه الألباني
اللي هيحكم عقله ويختار الآخرة .. ربنا هيكفيه همّ كل شئ ..
قال الله :
( ألَيْسَ اللَّهُ بِكَافٍ عَبْدَهُ )
الزمر:36
اللي هيحكم عقله ويختار الآخرة ..
هيفوز بما لا عين رأت ولا أذن سمعت ولا خطر على قلب بشر ..
فاختاري الآخرة يا مؤمنة يا غالية ،
وتأكدي إن ربنا هيكفيكي وهيعينك ويثبتك ويحفظك إذا لجأتي إليه واستعنتي به واخترتي رضاه ..
قال الله :
( وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لا يَحْتَسِبُ )
الطلاق:2-3
منقول للافادة
————-
t3ma t3ma فتكات نشيطة Fatakat https://forums.fatakat.com/member53641 القاهرة – مصر
